我真係超忙
我直情係做到甩咗個肺,甩咗個轆果隻~~邊有咁忙架~
以下是前幾天的日記-----
有一天在屋企樓下嘆飯盒,有一群雀雀係我身邊,我唔怕禽流感,我只係怕佢哋會屙's到我身上,所以即走~
有一天見到呢個藍天白雲膠子很吸引,$5就買咗,誰不知居然咁薄,激死,勁唔抵!!
有一天放假,hea在家,就走出柴灣行個圈,買咗兩件勁平打低,屋企留下買咗零食
在這個柴灣新翠商場行一陣,發生咗一件令我氣爆的事,事情是這樣的,話說我到了頂樓一間舖睇嘢,見到佢有FL嘅一條過氣裙賣,就問店員幾錢,心想如果咁近有就唔駛山長水遠走去買衫啦,結果當然唔平,果個一啲都唔禮貌嘅店員唔係好睇得我起咁,我問佢有無其他款,佢話無架,呢個品牌冬天都係出呢啲咁嘅短袖連身裙,我完全覺得佢勁無禮貌,而且態度勁衰,跟住我就話呢條裙出咗好耐啦,仲話係新貨,我著完掉咗喇,隨即啤一啤佢就走人,雖然我今天街坊look,無化妝,無梳頭,佢咁樣真無狗眼看人低,鬼唔望你條裙一路都無人買~