買書日
返6:00pm,鼠去cwb攞冷,唉,點知訂錯咗色,要等多一個星期喇~除咗攞冷之外,我仲想買書,終於都買咗高木直子嘅新書喇,同埋我恨買咗好耐果本冷書,內容真係幾好架,成本都係女仔嘢~
我一路都搵緊深色嘅bb冷,黑色係最難搵,不過比我搵到啡色都好呀~
« September 2007 | Main | November 2007 »
October 29, 2007
October 28, 2007
早餐比試
mc噹噹,覺得太貴$17.8,只不過我欣賞你個薯餅,嗯....我無咩事都唔會食囉~
雞叔叔,個雞包都幾好味,不過食完好膩,原價都係$15,現優惠價$13攪掂
October 27, 2007
最後決定
唔買,咩都唔買~
呢個經研討會商討後,係唔啱我嘅,咁斯文嘅款,要著boot同埋好女仔先好睇~
至於呢件亞婆衫,一係比人話似睡衣,一係比人話太老,而我就覺得同草圖嘅顏色相差得太遠,我係失望嘅,雖然有雀雀,不過我都係唔好夾硬買~
October 26, 2007
疲到我想死呀
好耐好耐都無試過行街法,行得咁勁,對上一次係係日本,今日我直情覺得自己傻架!!!!!
首先出深水埗同婆婆睇牙,送完佢搭車,一心是想搭巴士落佐敦,對腳又不自覺咁行咗去買珠仔,事但啦,橫掂都到咗,就買返啲我需要嘅嘢先,開頭我一路無咩心機揀,比我見到這包紫得咁靚價值$5嘅珠之後,我就有心機買埋其他嘢嘞~
落車時買返杯咖啡飲先,好似有成年無飲過"沙蚤",好似特別好飲咁嘅~
上咗車,我又改變咗行程,本來永安是尾站,最後掉返轉i.t.sales shop是尾站,去永安是替奶奶睇果個hello kitty行李箱,最後奶奶都係話唔買,好,咁我睇自己嘢,我個心係想去買嘢食嘅,而且啲嘢食真係平,我買咗好多呀!!
係女裝部買咗七折嘅低衫同埋襪.超抵~
買完嘢行去寶靈街睇冷,原來以前果幾間都摺晒喇,得返一間,無咩得揀嘅咁,不過我都買咗啲特價冷
跟住就行去i.t. sales shop喇,無咩好嘢,而且貨品越嚟越唔吸引,我買咗兩件好平嘅衫
行完非常想屙's,係海港城解決,佢哋啲紙有樹葉好靚,不過無香味
終於搭船返屋企lu,其實我想摸呢兩個波波多啲~
返到屋企我疲到想即刻瞓呀~~
October 25, 2007
點呀?
黑色,你無預期中咁靚喎!!!!!!!!!!!!!!!!!!!!!!!!!!!即係咁,黑色係我嘅首選,其他果兩隻色,一定唔駛諗~~見到真品唔靚,唔駛考慮!!!!!!!!即係好似祖肥話齋,好似亞婆衫果啲feel~~
October 22, 2007
終於開始第二件
我雖然係一路都織緊嘢,不過我係屋企留下學嘅都只係小寶寶果件冷衫,而其他完成品係自己睇書學嘅~今日終於得閒去學埋其他嘢,就係開始織我之前買落嘅嘢,一路都未開始,今日老闆娘都忍唔住話要幫我埋咗個尾佢,等我可以快啲學埋其他嘢,其實我諗我學埋手上係佢到買嘅冷,我都唔會再係佢到學嘢,佢啲冷真係賣得好貴,我諗裁縫舖都仲平過佢,而且佢成日都係咁sale我買嘢,我唔太喜歡,不過,好就好在佢教埋我就真嘅,有唔明我都可以問佢,今日佢仲比返晒啲冷我,我個心即時開心晒,因為佢之前係唔肯比我嘅,都放咗成年喇,佢至肯比返我keep,佢都覺得我織得慢呢~
有字為証我買咗足足一年
仲比佢sale咗我貫嘢,算啦,咁耐無買嘢,幫襯吓你啦!
之前係公司附近買咗嘅針,幾好織架喎~
October 20, 2007
i love fashion tv too
October 19, 2007
邊個好呢?
呢個一路都好鍾意,不過我覺得貴咗啲又無咩特別,一心想等減價先買~
呢個一定要買啦,有小birdbird,不過當然係黑色啦~
如果birdbird唔啱著先再決定啦~
October 18, 2007
放假休閒日
早上小寶寶返工我就會不期然起身,睇埋棒棒堂就落街買嘢煲湯,買餸煮烏冬,返到屋企煲落湯就諗吓好唔好出去攞亞娟keep咗嘅衫,諗諗吓咁得閒就出去喇,唔係又唔知幾時先得閒,好耐都無買嘢比亞娟喇~買完行咗一陣街,想買鞋,不過唔係睇唔啱就係無size,一係太貴,睇啱咗一絛裙,不過都係唔買住,我大把衫未著,哈,居然一樣嘢都無咁,幾叻~
最近買嘅冷冷書~
October 17, 2007
WAREHOUSE SALE AT TIMES SQUARE BAZAAR
一開工就收到呢個e-mail~各位朋友,有興趣去睇睇,有無正嘢執到呀~~
October 15, 2007
停電,停水,停厠所水
放假這天三停,咩都無,尋晚,就玩電腦,睇電視到5:00am,先走上床瞓,瞓到點幾兩點先起身,係三停嘅情況下,我同小寶寶就係屋企過一個平靜嘅下午,開着收音機,我有我織冷衫,佢有佢睇書,太約4:30pm就有返電喇,我哋就睇一陣電視,就落街買今晚嘅餸~
好平靜既涼快日子,看着吹得飄飄下的掛物,心情平靜,寫意~~
廚房比我整得企理很多,今日仲煲埋湯,小寶寶即時話我乖孩子~~
October 14, 2007
清潔工作繼續
近日家中噴了多次殺蟲水,成日覺得好污糟,好危險,忍唔住要拖一拖地,抺一抺嘢先安心~
地下拖得令令,連小寶寶都開心,因為返到屋企係好乾淨,真係唔到你唔信,婆婆係屋企,任何一個地方都會有垃圾,宜家垃圾都少了.heehee
師奶仔心態,一見廣告推廣$19.9即刻去買嚟試,香味果然好聞,洗咗三件冷衫.洗完啲衫都幾柔軟
介紹埋大家呢隻新出嘅柔順劑,係好香架,洗完啲衫,成間屋都香噴噴~
返晏,到柴灣買前幾期,飲食男女介紹的新桂香燒味店.我去到時,剛剛有豬到,店員說,未開豬要等,其實我都未見過人開咁大隻豬,我買咗20蚊肥叉燒,一條燒腩骨,半隻琵琶鴨
肥叉燒,好好味--
燒腩骨,皮唔夠脆,不過味道ok--
琵琶鴨,好味,皮夠脆,不過始終,不及元朗果隻掂--
總括,可以再買,再試,下次要試乳鴒
October 13, 2007
滅蟲工作進行中
屋企近日發現黑色一粒粒好似芝麻咁嘅蟲,我同小寶寶就最怕屋企有呢味嘢~耐何我哋有個不愛清潔嘅婆婆,呢幾日婆婆返咗大陸要進行滅蟲工作及清潔工作
October 12, 2007
face book
攪咗一晚,玩咗一晚,即情唔停得手呀~~
October 11, 2007
靚得你呀~
October 08, 2007
放假電視day
放假可以瞓到自然醒,同小寶寶一齊煲電視
1:00--now 139電影台
2:00--自選影碟時間..導火線
3:45--now557channel V
4:30--now 生活台--張玉珊美麗大學
每一集都學到好多嘢,雖然買唔起,不過睇吓學吓嘢都好,今集有亞zing教用化妝掃
休息小睡
6:30--流行東京,由helen主持,
佢係一個又靚女又爆笑嘅主持,比起初頭果個成日扮亞sa,又扮可愛嘅李綺雯正路好多~
i like helen.
午睡至8:00開飯
8:00--同事三分親
8:30--奸人堅
玩電腦,織冷衫,沖涼
11:30--now生活台--寵物情緣
晚上download nds game未成功
1:00,落床瞓
美麗大學youtube未有好心人上載,就睇流行東京先啦
今集的流行東京,明明係流行東京,不過係youtube search到係潮爆東京
October 07, 2007
鬼嫁日記2
每個星期日放工要即刻返屋企睇<<鬼嫁日記2>>
勁好笑,第一輯追完到宜家第二輯都係好好笑架~~
now無線劇集台
October 05, 2007
均一$100
工作太忙,只執了少量出售-有興趣請留e-mail,問尺寸都請留e-mail
只限金鐘地鐵站交收
清櫃工作進行中~~~
x-girl橫條tee,穿過一次
日本cgraph fake print tee 穿過一次
bread n butter 0號上衣 ,100% new
Persons 2號上衣,穿過一次
October 04, 2007
終於到咗喇~~
等到頸都長埋,我之前訂嘅終於到咗喇~~
October 03, 2007
我下個月要買呢個
好香架,個樽又超靚喎~~
October 02, 2007
My Dear SIUBOBO Birthday
放工急急腳走落銅鑼灣買比小寶寶慶祝佢27牛一
沒挑什麼禮物,只要好好享受我為你而準備的就已經夠~
October 01, 2007
很久沒見
很久沒有森的消息,突然間msn響起,看見森森仔在線上,立即,給他問候幾句,再開眼仔談談大家的近況,哼..你又令我哭了,原來我在你心目中是那麼可憐的,什麼放心不下我呢/?.你又在說就些什麼話?又給他鬧得我半死,其實真是有個那麼好的朋友,我真是不知說什麼好!!!我直覺你比以前更成熟,雖然你以前說話已經很亞叔,現在更是一個亞伯,但我知道你是真心關心我的~~你就像一個媽媽,看到女兒,便會不停的問,你飽不飽,暖不暖,凍不凍,餓不餓...在這一番問候過後,我會一直的哭着說...不...不...不,我知道我原來欠了些什麼,我欠了一點關懷..我回想起什麼比以前少了,,,,,,,原來是開心,放心,一些很暖的說話..這些我以前日日都會聽見的,原來到了三,四年後我才發現,原來幸福時,你是覺得這些很膩的,呵..呵..我不是大口氣,原來我以前的幸福是瀉出來的!!!!好了,像債主的話,你不要住後看,你現在是要向前行的~
森森又在鬧,你買了很多東東,有用的,無用的,你知道自己有幾多垃圾嗎??我即時想起,每幾個月,這個人就會突然彈出來,教訓我不要買這些,那些,然後我又會收歛好幾個星期,好了,好了,今個冬天不再褸,褸我夠著,買些平價衫都可以嘛??我真的要將一些我沒穿過的賣出,一些有些名氣的衣服賣出,我明了~~
跟森森說完,鬧完,每一次,每一次都很放鬆,他不是我的家人,沒有血緣,但他真的真的就像我的....爸爸定哥哥好呢?他真的會鬧得我半死,但又真的會很錫我,是你能給我那種我久違了的溫暖,謝謝你呢--老伯~
回味着森的訓話,在我腦裏忽然彈出了,有一天我一邊工作,一邊聽着陳輝陽訪問林嘉欣的內容.......林說到她沒有追求打扮上的慾念,你們看到的是公司給我按排的,我選衣是選手工,用料,車工,年份,出產,我聽了,即心想嘩很高貴喔,原來這樣都會令你聽上很高貴的~~陳又直言,林小姐身穿一件很平凡的外衣,但,那個用料跟手工很有水準~~林小姐又說出一些很令我傻眼的言論,她說,就算今天所有屬於她的一切都一息間沒有,包括工作,金錢,人氣.....都不緊要,原來她追求的是安穩,快樂,這樣就夠,我即停下工作,傻眼想,很型呀~
原來有時你覺得自己做了會開心的事,做到了後又會是另一回事,未必是快樂,原來你意味着一些你做了會不高興的事,完成後你會充滿歡樂~我總覺得還是平淡才是幸福~像陳師奶說無慾無求,我都要訓練一下自己~