Birdie

早上收拾好行李就離開酒店到皇宮外參觀,不過我們三個對那些影景點的地方是沒有興趣的,就在停車的地方等候休息一下,準備狂奔銀座,在公園坐下影下相,係香港真係無咩機會咁做,好寫意~~

攞眼鏡出來時發現花咗喔,心痛死喇!!!!!!!!!!!!返香港搵西比攪掂佢先~

逗留了30分鐘就開車到銀座,奶奶就發揮最後衝刺的力量,狂買kitty東東,blue label內買了兩個手袋,好利害!!

在sony門前的大魚釭,好靚呀,我一見就大嗌--我要影相呀!!!

呢個好好味架~~

大買大吃四小時後就出發到機場返香港喇!其實我真係未玩夠!

到機場前到了aeon購物城買巨峰返香港,我在那裡又吃了一個老麥蝦包,再逛逛,又係唔夠時間行,比我見到有一個地方賣布同冷,係好平果隻,仲要係靚嘢,不過已經無時買喇!!!好失望,我應該事事但但都買塊布喇!!算喇,始終你係香港人,返香港挨貴冷同貴布啦!!來是兩箱兩袋,回去時已擁有三箱五袋,不過其實我唔係買咗好多嘢啫!!

回程時很懷疑這些是星星嗎?不過就真係好靚嘅!

在銀座掃了這些,小寶寶買咗好多鞋比亞娟,堅持唔買licca衫比佢~

我覺得好型的kitty,特價品超抵.

終於買了我一直想要的東東,成田空港購入,唔該各界朋友在成田空港仲有手時買對man L size比我啦,唔好入咗閘先買喎,貴500yen架,未入就好買喇喎!

!

Posted by Birdie at 12:25 PM | Permalink | Comments (1)

迪士尼-->原宿-->新宿-->返品川酒店
這一天是行得最痛苦的一天,因為係咁行,係咁行...無咩停過!!
其實呢幾日掛住行街買嘢都無影過相~~
去迪士尼只係想買嘢,咩都無玩過,我仲以為我會發癲係咁買minnie,haha無喎,出奇呀~

行咗大約兩個鐘就走人搭車落原宿,係Laforet行到痴咗肺,就出去搵嘢食,去咗一間樓上舖食飯.飯後奶奶坐住休息我就同小寶寶落街逛一個圈,上了一間二手店買了一件二手tee,就咁離開了向表參道出發行到7點先落新宿,落新宿原本是想食飯,最後大家都疲爆,回品川車站食咖喱飯就返酒店攤屍!!

死都要買diasy tee

一人買了一本頭髮書,其實小寶寶的職業參考書

Posted by Birdie at 12:05 AM | Permalink | Comments (0)

今天要回東京喇,心情好緊張嘅呢,臨走都要飲返枝北海道出品的奶奶,真係又香又滑,好正嘅呢,阿糯十分喜歡~~我以後見到北海道出產的奶品都唔可以放過~~

上機前有一個鐘行千歲outlet,買咗幾件FL,居然比我係北海道見到,仲要係新新地嘅貨,good,
仲有大大間hakka,大大間beams....

我一向勁愛hakka啲衫衫,比我買到一件我覺得勁靚,而只係5千幾yen的衫衫,著咗係超級可愛架,haahaa

奶奶就買咗一件FL點點外套,其實呢隻色都著得人好精神

到了東京第一站是台場,得一個鐘就去咗食拉麵,行一陣街,就跳上車跟大隊到新宿晚飯,因為我哋食咗拉麵,我哋三個人就直奔伊勢丹,逛了近一小時,就過隔離無印,小寶寶要買衫,趕到0101young關門前進入,上4/f買FL裙,睇咗一陣都係係香港見到果啲嘢,鯨魚圖案仲有大把選擇,不過我著得唔夠可愛呢,大概秋裝未出,所以都無其他選擇,可以比錢走人,係失望在買唔到秋裝,不過算啦,當慳返,仲有時間可以再行多陣就落去LOWRYS FARM替金蘭亞mIE買鞋,其實這兩小時,真係趕到氣咳,睇過咩宜家都唔係記得太清楚!!!!

仲送咗隻杯喔~

亞mIE大人,見圖請盡快令取

小寶寶的入手

我在無印買到我找了多年都唔合心水嘅帽,yeah~~

今日已經買到成房都係嘢!!!

Posted by Birdie at 11:22 PM | Permalink | Comments (0)

晨咁早去參觀啤酒廠,可惜那個工廠受到不二家跟白之戀人的影響,清潔勤咗,導致我們一班人去到就係到睇佢哋洗機,那個導遊都唔係路架,都唔check清楚就帶我哋去睇人洗機,咩都睇唔到,兼夾參觀完送你一杯大啤,唔好玩啦,9點幾就去啤!!接住是回札幌行地下街,我奶奶又有收獲,而我還未買到心水,唔緊要,到東京買獲勁嘅!!在地下行老麥食了一個蝦包,好好味呀!!!

行完就食飯,飯後到小樽.行街街時間有個半鐘,那裡很赤柱,我哋三個勁想走,不過起碼買到奶奶喜愛的限定kitty東東,都好啲!!

呢兩母子動作幾一致,haahaahaa

旅途中一路都見到啲靚靚狗狗,但係都影唔到相,而呢個朋友仔的出現令我很興奮

跟細菌小子的合照.可惜沒有毒菌妹妹呢~~

回札幌途中--

到了札幌仲有半小時可以行街街,即刻魔打腳係咁行,終於開齋喇我!
我買果啲嘢都係平爆架,2000yen的背心衫衫

1050yen兩件的打底衫

小寶寶買到呢件衫都只不過係三百幾蚊,香港賣9百幾,唔係賺到笑,係賺到死~

晚上飯後再同小寶寶出去行個圈睇下夜生活

令我們想起nana,即買留念

便利店逛逛買了日本沙粉仔碗麵,ok架喎!!飲埋一大盒乳骼

呢兩包糖唔食得都睇得下,買返公司做手信

今日在札幌最後一晚間酒店勁細,不過佢個燈燈勁靚,成日望住佢話:嘩,好靚呀!!傻婆!!

Posted by Birdie at 11:29 PM | Permalink | Comments (0)

首站參觀忍者村,又係要坐兩三個鐘車先到,今日我無咁好精神睇風景喇,在車上瞓死咗,一落車就遊玩一番.

心痕痕想飲cola,按了一罐zero,感覺相比,呢到好飲同埋無咁多氣

參觀完就到咗午飯時間食海鮮,唔算太出色,新鮮得勁有海水味
食嘢嘅地方可以望到無邊無際嘅海

行程繼續,下一個地點是睇黑熊同火山,佢哋會同你揮手示意叫你比嘢佢食,不過我興趣不大

逗留了大約一小時就到地獄谷火山,就回附近的酒店休息休息.

酒店晚餐是日式我懷石料理,很有feel喔,生果是我們一到步就想食我蜜瓜,yummy,

食飽飽回房休息一下我就同奶奶赤裸裸浸溫泉,小寶寶今個旅程無得玩浸溫泉,因為佢個身止有紋身,所以都不接受佢浸湯,佢只好乖乖留房休息.

房間的日式設計很有風味

這幾天行到我腳仔疲爆,好在上次訂的鞋墊用得着

Posted by Birdie at 12:11 AM | Permalink | Comments (4)

美瑛富良野
由札幌出發到美瑛&富良野要三個幾小時的車程,在車上看看風景,瞓瞓覺,其實幾寫意.路途太遙遠,中途有小休站,可以去吓洗手間,呢個成個都係洗手間嚟架,係咪睇唔出呢~

車上一路看風景,其實真係靚得緊要!!!這個是一個火車站,好靚呀~而且那些屋仔會跟一大片草原,就像龍貓中那間屋一模一樣,不過影唔到,掛住睇!!

到達美瑛即刻走去食杯雪糕先,唔好講笑~

小黃菊&蒲公英

富良野
丁丁你個頭同啲向日葵好似喔,hahaaaahaa

行完影完相就回酒店食飯浸溫泉,很爽喔,浸完勁肚餓食咗一個好似福麵嘅麵先瞓

Posted by Birdie at 09:15 PM | Permalink | Comments (0)

12:30am出門到香港機場已經1:15am,等候3:00am上機時,已經好眼瞓,小寶寶一坐低就Zzzzzzz....我仲可以支撐住打吓機.我未試過搭凌晨機.坐完那輪通霄機,令我超疲跟腳痛爆!!!睡得不好,一開眼已經開始天光,腳又痛,心想快啲到.快啲到,早上日本時間大約8:00到着,我一落機就係咁伸展吓個人,真係辛苦得要死!!過完關我立即搵個位坐吓休息吓!!好在過關跟等行李都唔駛一個鐘~~等好晒團友.車到就到浦安食午飯--中華料理,我哋見到都唔想食,就到附近逛逛曬吓太陽,到到便利店.小寶寶在便利店買了益多多飲,好迷李嘅呢,

我就買咗一個雪糕食

食完飯就車咗我哋去個唔知咩outlet行,奶奶同小寶寶都買到嘢我就買唔到嘢,因為得果一個鐘行,無時間行晒,再刑习习田機場上機到北海道

在機場洗手間有這個設備,老表你湊住肥仔哥都可以屙得舒舒服服喇~~

到達札幌已經6點多,食過拉麵就行街街喇~買咗啲MJ同一個kitty洗衫袋,生果同零食,就返酒店休息,接我哋嘅旅遊巴勁舒服,司機又可愛又得意,成日講中文:辛苦晒~~

今日無同你哋影過相添~

去到酒店已經是10:00勁疲同埋勁腳痛.不過好在呢間酒店都幾大,酒店送的提子汁,超級好飲食埋生果,我同小寶寶一瞓落床已經Zzzzzz....

Posted by Birdie at 09:17 PM | Permalink | Comments (2)

哎呀,東京會落雨喔~~
各位朋友仔我今晚3:00am機呀,12:30am要到機場集合喇!!回來見~~

Posted by Birdie at 12:23 PM | Permalink | Comments (1)

呢兩日燥爆,執行李已經執到三更半夜,加上媽媽未到,心情反覆~~
1---有個隱形買家(無下bid的情況下以隱形買家相稱)仲要放我飛機,正八婆,死pk精,我都好少咁鬼粗魯鬧人,點解要咁粗呢,事原這個pk買家講好價話買之後話一定會買,因為佢超勁鍾意,相約了星期二在金鐘交收,至今下落不明,你唔買就唔好玩嘢啦~~鬼唔望你以後想買啲靚衫,全部無得賣!!
2---媽媽還未到,谷到隻腳勁酸(呢半年都係咁!!)怕影響了旅行的心情,快快到中環買枝涼茶吹,晚上即見效~~
3---執行李時,我奶奶又發功,見我那個headporter十分用得着,就話這個袋很啱佢用,到時比佢用,這句話很一箱情願囉,今次我即話,我用嚟放書同亞娟架喎!!我同屎寶寶講,宜家我放咗落o急即係旅行時我要用啦,平時借比你無所謂,不過宜家我旅行要用,我就死都唔借,我仲好唔好老脾,發小寶寶脾氣,一嘢大大力掉咗個袋落o急,想喊出嚟,我心想,駛唔駛成日用人啲嘢呀,幾百蚊,你到時買返個啦!!小寶寶見狀即時呵返我,不過你亞媽成日都係我就嚟激到爆架喇!!

Posted by Birdie at 10:56 AM | Permalink | Comments (0)

為了旅行途中可以聽下歌,盡量入啲新歌到ipod,晚上亞viu一路send來好多新歌,佢問我要唔要呢個佢開估後我都覺得佢勁掂囉

Posted by Birdie at 10:36 AM | Permalink | Comments (0)

札幌之天氣預料

早上收到奶奶的call通知有位,可以去喇~今日心情大靚.準備去玩.玩喇~
早上換了北海道旅遊書

買咗啲啲零食,我上機要食糖架~~

執嘢執到成點

因為時間緊迫加上去七天的關係,真係一時間諗唔到執咩~~記一記先--
1-執咗啲唔要嘅衫,底底,襪
2-比咗passport奶奶
3-泳衣準備游水&浸湯欠小寶寶未執
4-執咗呢幾日穿的衣服我同小寶寶的都ok了
5-洗面,搽面,
6-棉花棒,化妝棉,卸妝油,膠布,衛生少女用品今晚再執
7-紙巾今晚再執
8-牙刷,到時出門前執
9-亞娟同小熊小兔亞娟衫仔,鞋,再執
10-旅行用插頭安排咗小寶寶去買

11-........未諗到

Posted by Birdie at 01:39 AM | Permalink | Comments (2)

同你哋一齊真係開心到暈呀!!!今日我做到開心大使,令到小金同肥仔哥,玩到癲晒~~
亞金你條尾唔駛thing得咁勁啩~

玩呢個洗衣機都玩咗好耐,我影咗成50張相,我發覺我影小朋友都有一手,又開心~

登~登~登~登~三年抱兩的老表,肥仔哥做哥哥喇!!

Posted by Birdie at 12:20 AM | Permalink | Comments (3)

心情不好

Posted by Birdie at 11:57 PM | Permalink | Comments (0)

影返張學生相先啦~
我一向喜歡525的小熊多一點,但這個小兔,我一看便喜歡了,因為是點點還要襯着紅色~

Posted by Birdie at 11:54 PM | Permalink | Comments (0)

滿心歡喜暢了yen到日本玩玩,問咗金蘭亞mie十萬個關於日本的問題,問咗nikki她到過的地標係邊,仲想下星期一去換埋本北海道旅遊書,宜家話可能無得去~~~(尾音拉長3秒!)我奶奶頭先同我講可能唔去北海道,因為可能無位,佢員工優惠係waiting list到,即係有剩位即去,無剩位無得去~吓!!!!!!你攞咗我對拖鞋宜家話無得去旅行,我仲應承咗亞mie同佢買嘢喎~佢話喎,如果無得去就自由行一係去泰國,一係去台灣,一係就東京,係唔係股市跌,你唔想洗咁多錢先,定係你唔想同我去呀??其實有無得去我都唔介意,之不過你前兩日仲同我講,七七八八喇應該無問題架喇~我先準備暢錢同買書,你唔咁肯定我都無咁火屎~~宜家點先??

Posted by Birdie at 01:18 AM | Permalink | Comments (5)

放假的日子在家hea了一天,織織衫,上上網,食吓嘢,真係爽,日日你咁我都願呀~~下午鐘點來了,下大雨抺不到窗,就抺了我們一路都沒有抺過的門,抺完真係白得利害

晚上到cwb打邊爐,我已經想打邊爐,想咗好幾個月喇,食到好飽...好飽..超級飽!!
買咗東京旅遊書了,不過nikki搵唔到你介紹果本呀~~

Posted by Birdie at 01:10 AM | Permalink | Comments (0)

我又被奶奶成功搶去這對新買,未著過的靚拖,各朋友如果有留意,佢攞我啲嘢用都唔係第一次,不過唔好我次次都未用你就強搶啦,我用過條氣都順啲,不過我個人又係唔識say no果隻,就係咁比佢次次都順利得手,不過小寶寶今日出奇地講咗一句--又無咗對鞋喇~因為佢都知道唔係第一次,又可能覺得佢亞媽咁係唔啱嘅~佢真係成日猴住我啲嘢,氣爆,晚上跟nikki說這件事,nikki都說她明搶,無計啦,鬼叫佢係奶奶咩!!!

Posted by Birdie at 11:32 AM | Permalink | Comments (4)

連日下雨,袋袋要有把縮骨遮備用,今天看清楚你,原來你真係又好用又靚~

Posted by Birdie at 11:28 AM | Permalink | Comments (0)

你咁可愛,點可以唔帶你返屋企喎!!

Posted by Birdie at 01:16 AM | Permalink | Comments (2)

小寶寶轉工後,星期天都要返工,剩返我係屋企,我就要處理屋企嘅事,首先去買返個米箱,之前因為啲米生晒蟲,連箱連米都掉晒,大家唔好問我點解會生蟲,皆因我屋企有個婆婆,你哋會即刻,哦......
我知屋企有個老人家係好事,不過啲老人家唔明後生係唔鍾意你污糟囉,所以我老咗一定好企理~今日買果啲嘢全部都係屋企用嘅,攞到我呢,死咁濟!!!

買咗餸煮飯煲湯,不自覺買咗全部都係蔬菜,都係迎合我家和尚的口味!

新菜--蒜容牛油焗茄茄,好好味,和尚仔係咁食

Posted by Birdie at 10:26 PM | Permalink | Comments (2)

我返晏,心痕痕要到cwb食車仔麵,順便到無印買啲樽仔旅行用,不過,睇睇下我屋企好似有喎,唔駛買住,買一個比小寶寶游水用得喇~

再到挨tvanb提供的好名,笑死我~睇下嘢,買咗呢條連身嘢,兩件可以拆開著,而且褢面件黑色裙勁舒服呀~

返到公司攞埋之前keep咗果啲嘢--paul & joe無咩特別的灰色衛衣,係無咩特別,不過包到我個肥pat pat正,一直很喜愛paul & joe,直覺到咗中女可以著到,現在我這個少女的年齡還是覺得女人得濟

D & G沙灘拖,由$550減到$160,你話買唔買先~

Posted by Birdie at 10:11 PM | Permalink | Comments (3)

打得手成咪幾好囉~雖然放工時係多人啲,又迫啲,不過放半日都好過無~

Posted by Birdie at 07:21 PM | Permalink | Comments (0)

已確定24號晚順利可以到北海道.應該是晚上兩點多上機,唔知可唔可以見到nikki or亞茄呢,我好掛住係兩個少女呀~
宜家仲有咁多日,可以plan下到時想睇啲咩,買啲咩同食啲咩,我家和尚小寶寶第一句已經話:去到要食生果同埋蔬菜我奶奶就成日話:要買蝦毛貓同食雪糕,我就好想睇花田,食同埋睇衫,同埋至緊要那兩天東京點行街街好

Posted by Birdie at 07:45 PM | Permalink | Comments (8)

出門前已覺得去到會落雨,而且無咩太陽,不過亞viu哥哥堅持要去一去,滿足他,我同小寶寶就陪佢去啦~去到無咩做,我同佢一齊眅女,去到沙灘,我愛看美女多過看猛男,我落咗一次水,啲水好凍,超碼咁都叫游過水先啦,坐到落得出雨,我哋就走喇,無咩隱的一天,下次曬啲先叫我去啦~返到屋企皮膚又狠,落咗一陣水啫,唔駛投訴嘅!!

Posted by Birdie at 11:42 PM | Permalink | Comments (2)

今次訂咗一條大肚婆褲,勁舒服,對我這個很難買褲的大pat婆來講,真係正呀!!貨品同上次訂嘅差唔多都無咩特別,但係今次無小禮物送,比咗本足料的haco.bra bra書同sunny clouds我,今次haco的秋裝好靚呀~不過要十月先可以再訂喇,因為今個月有旅行去麻,慳啲呀要~

Posted by Birdie at 11:32 PM | Permalink | Comments (2)

這晚放工後play & zero又來了我家,其實我很喜歡朋友們到我家玩一夜開心的,這夜又跟play傾...傾...傾,臨睡前發現喉嚨痛,我想是我們太談得了,傾到喉嚨痛~

Posted by Birdie at 10:02 PM | Permalink | Comments (0)

真係好好睇,我超留心,最衰係後面條臭八係咁踢我張椅,我警告佢,佢仲要扮鬼婆,(我無踢到你喎.fine.)我成日覺得啲人睇戲時,搭車時,頂住你,經常踢到你,係勁boom'sss無修養囉,係講咗句英文唔代表你好有修養囉!!唉唔講佢呀~~講套戲先,真係好好睇,睇到我都拍晒手,笑位又好好笑啦,不過係啲金剛變身變得太快啦,而且唔係好捱的,打兩嘢就死啦,不過,係好值得去戲院睇嘅,朋友們仲話mege box個戲院可以睇到3D效果添~

Posted by Birdie at 02:24 AM | Permalink | Comments (0)

我一路都想買啲打底的小背心,一路都搵唔到靚靚同我啱穿的,在公司附近買到兩件平平小背心,heeheee

晚上睇老表個blog肥仔嘜果段短片,笑死我咁濟~~朋友們你都去睇下呀~超低能勁爆笑架~
http://hk.myblog.yahoo.com/vanessahiu

Posted by Birdie at 04:40 PM | Permalink | Comments (4)

買咗啲勁特價嘅嘢~同埋一條osmosis綁頸連身裙,呢條裙超平,
我都無諗過咁平架,平時佢啲嘢都係屬貴價架麻~
而今日都見到franche lippee啲新嘢~不過我唔買住喇,留番到時可以去日本時叫奶奶掃,因為她都染上了此毒,成日問我啲衫咁靚係邊到買,haahaahaa

mag,你喜歡的osmosis我都十分愛架~

osmosishttp://www.osmosis.co.jp/webstore/shop/frontpage.php

Posted by Birdie at 04:31 PM | Permalink | Comments (4)