Birdie

跟同事閒聊間問起我結咗婚未呀?
我爽快的答:未呀,我唔嫁架~不過我同我男朋友一齊住~
同事:點解呀,女仔點都要嫁架喇~同男朋友住好似唔係咁好~
我:無需要結呀,我又唔鍾意小朋友,又唔鍾意結婚.
同事:吓,你唔鍾意結婚??(眼都凸埋)
我:其實宜家結唔結都一樣啦,ok咪一齊,唔ok咪分開囉~離婚要洗錢架,又麻煩!!
同事:離咗婚可以分佢啲錢呀麻~
我:離咗婚個男人自動自覺比錢你就無所謂啦,咪要囉!離婚後規管佢每個月定時比錢你都無意思~個人嘅心意都唔係到!
同事:不過你無保障喎!
我:保咩障呀,買保險都唔係樣樣保啦,做女仔唔駛一定靠男人嘅,有幾個好友,有屋企人都夠啦~
同事:你都睇得幾開架喎!

小時候15,16歲都好想快啲嫁,不過人越大,就越唔想嫁,嫁乜鬼呀,生活過得開心咪得囉~我成日都話,如果小寶寶鍾意咗第二個,一定要話比我知,等我好好收拾包袱返娘家.唔好要我估估吓,辛苦死,到時我真你打獲你~你哋會話--嘩,乜得你咁大方呀,我唔係好大方,不過如果果個人唔鍾意你,你真係無謂留低,收拾好自己心情仲好過~你做咩佢都唔會返轉頭架喇,無謂浪費自己啲心機,不過你又會問,如果佢三,四十先要分手呢?都一樣啦,幾時都無所謂架!傻嘅咩,大家都明白,人會變架嘛,就算結咗婚,佢都會變,到時你生到一件二件,佢要離婚你仲慘啦!!到咗我退休,安享晚年時,我仲同小寶寶一齊,我都可能會結一次婚嘅~