CRABTREE & EVELYN hand cream
這幾天買的東東都是用那些cash coupon換購的,就像這個CRABTREE & EVELYN hand cream都是那次填咗一份信用咭表就送咗比我喇~真係幾着數
« June 2007 | Main | August 2007 »
July 31, 2007
台灣女新人--郭靜
在channel V的薰陶下愛上了這個小女孩,很唱得的,未見樣時,只聽歌,開頭誤以為是燕豬,後來發現小女孩真係唱得很老練,聽過幾次唱live後,真是傻眼耶~
呢個mv令小寶寶的職業病發作,佢話笵笵係捧捧堂時啲陰係假嘅,因為係呢個mv到,佢啲陰勁長~~
我會努力補返前幾天的日記~
July 30, 2007
什麼時候要嫁?
跟同事閒聊間問起我結咗婚未呀?
我爽快的答:未呀,我唔嫁架~不過我同我男朋友一齊住~
同事:點解呀,女仔點都要嫁架喇~同男朋友住好似唔係咁好~
我:無需要結呀,我又唔鍾意小朋友,又唔鍾意結婚.
同事:吓,你唔鍾意結婚??(眼都凸埋)
我:其實宜家結唔結都一樣啦,ok咪一齊,唔ok咪分開囉~離婚要洗錢架,又麻煩!!
同事:離咗婚可以分佢啲錢呀麻~
我:離咗婚個男人自動自覺比錢你就無所謂啦,咪要囉!離婚後規管佢每個月定時比錢你都無意思~個人嘅心意都唔係到!
同事:不過你無保障喎!
我:保咩障呀,買保險都唔係樣樣保啦,做女仔唔駛一定靠男人嘅,有幾個好友,有屋企人都夠啦~
同事:你都睇得幾開架喎!
小時候15,16歲都好想快啲嫁,不過人越大,就越唔想嫁,嫁乜鬼呀,生活過得開心咪得囉~我成日都話,如果小寶寶鍾意咗第二個,一定要話比我知,等我好好收拾包袱返娘家.唔好要我估估吓,辛苦死,到時我真你打獲你~你哋會話--嘩,乜得你咁大方呀,我唔係好大方,不過如果果個人唔鍾意你,你真係無謂留低,收拾好自己心情仲好過~你做咩佢都唔會返轉頭架喇,無謂浪費自己啲心機,不過你又會問,如果佢三,四十先要分手呢?都一樣啦,幾時都無所謂架!傻嘅咩,大家都明白,人會變架嘛,就算結咗婚,佢都會變,到時你生到一件二件,佢要離婚你仲慘啦!!到咗我退休,安享晚年時,我仲同小寶寶一齊,我都可能會結一次婚嘅~
July 29, 2007
食雪糕
晚上看電視,兩個人食晒一盒雪糕,利害~~
July 28, 2007
馬仔的低能之道
午飯時特登去買馬仔本低能之道,我睇咗佢個網好耐架喇,宜家佢出書,做粉絲一定要支持啦~我仲以為地勤果本以為係好多字架,原來都係繒本果隻,我想買埋張小嫻架,不過書卷唔夠用,下次再買啦~~我要低能下先~
馬仔市集
http://www.maggiemarket.com/
July 27, 2007
Z610i
我用緊個電話仲係Panasonic vs3是當年亞呆,mandy,candy送比我的生日禮物,已經好多年喇!開始唔係好掂,不過未至於壞,係個2字成日失靈,我開始尋覓緊我如果要換電話的話我要啲咩,我唔係果啲要追電話款的人,我只要打得出打得入就ok,果啲咩上網,咩wifi,聽歌,影相功能對我完全唔重要,我要的好基本,有多個收音機都可以,我一路都幾鍾意呢部電話,呢個係啱晒我心水,我會選擇紅色或者炭灰色,不過,朋友們,你們如果想不到送咩比我的話,想買呢個比我做生日禮物,請先通知我係將會送比我,以免我自己買咗喇!(這個可以提早送給我的,謝謝!)
July 26, 2007
午睡
好耐都無試過瞓晏覺,一瞓就瞓到七點起身煮飯,瞓咗一覺個人都醒啲,其實我有好多嘢想做,不過敵不過瞓一覺好嘅~
July 24, 2007
我條氣真係頂住
有時我真係覺得我的小寶寶好鬼無用,北海道之旅有下文,就係8月都有團,前幾天小寶寶一早致電我說有機會可以去,咁我即刻講咗一句,咁我有無份去架?我話你問吓你亞媽先喇,唔係一陣無預我時,我放果7日大假咪係屋企呆坐,呢兩日我奶奶都無叫我攞定假,我都無出聲,好喇,過了兩天即今晚,回家我再同小寶寶講,我下個月要放大假架喇,如果無預我,我就三日三日咁放架喇,佢以為我迫佢問佢亞媽同唔同我去,我話唔係呀,我聽日要同亞姐講幾時放喇,我 request咗就無得改,其實我去唔去都得,因為唔係我比錢,因為我無錢買嘢,因為我唔會揀去北海道玩,因為我唔會跟團,----最後我講咗一句,唉,我唔去喇,你哋去啦,佢以為我發脾氣,就走咗去同佢亞媽講,我可以攞假一齊去,有時,佢真係唔係好明我想點,我只係想清楚,你無預我,我就分假放,唔好一陣我分咗你又話有預我,到時改唔到假我都無文辦法,好喇,最後決定咗25/8去,不過仲要睇吓有無位,但係,雖然係話佢亞媽比錢,不過我去嘅意欲真係唔係好大,因為我無錢,因為小寶寶無嘢做,我連最近儲起啲錢呢兩個月都駛晒,因為我要負責屋企的開支,宜家連一千蚊都無,學咩人去旅行,因為唔係自己嘅錢,買嘢唔爽,因為同埋佢亞媽去,會無咁放,不過到時先算啦!
July 23, 2007
朋友舖頭遭大賊偷竊
旺角兆萬中心一間售賣名牌手袋的店舖昨遭竊匪光顧，損失近50萬元的名牌服飾手袋。店主稱在事發前一晚已關好鐵閘，估計賊人是趁商場早上開門後潛入店舖犯案，將店內八成貨物「搬走」。警方事後檢走店舖內及商場內的閉路電視錄影帶返署檢視，正追緝涉案竊匪。
錄下犯案過程
遇竊現場為旺角兆萬中心2樓一間佔地200多呎的商舖，主要售賣LV、Gucci、Porter等名牌服飾手袋，昨日失竊的主要是手袋，最貴的一個價值約萬多元，其餘為衣服及皮鞋等，店內約八成貨品被偷走。
36歲男店東陳╳輝表示，他前晚11時離開店舖，已拉下鐵閘並將其上鎖，豈料昨午返到店舖即發現店內凌亂一片。他續稱，店內的閉路電視拍下賊人犯案的過程，他指商場在早上11時許開放，遊人較少，估計賊人是在該段「真空」時間犯案。
陳某昨午1時許返到店舖，發現店舖鐵閘有被撬過的痕，拉開鐵閘即發現店內凌亂一片，部分陳列櫃空空如也，陳某立即報警，其親友及店員得悉事件後紛紛趕至了解，以及協助警方調查。
警方接報後派員到場調查，發現店舖內及商場走廊均設有閉路視，遂將該兩處的錄影帶檢走，翻看當中有否拍下竊匪的容貌。旺角刑事調查組已接手調查案件，暫未拘捕任何人。
copy form yahoo news..
唉.....都唔知講咩好!!!!
July 22, 2007
我係屋企好忙
其實我幾enjoy做家務,當你將間屋執到整整齊齊,乾乾淨淨真係好有滿足感,我今日又做好咗好多家務,直覺自己可以好適應師奶嘅生活~~不過又怕係屋企悶嘅我,相信好難做全職師奶~
吸好塵,拖好地,洗好衫,摺好衫..好開心喔---
做好嘢後hea一輪,等小寶寶回來再煮飯,這張素顏相都可以喎!
婆婆病咗呀,小寶寶話佢尋日只係食咗一個包,所以我今日想煮啲嘢比佢食,最容易入口就係粥,我都係第一次煲,其實都幾好味--我覺得,不過婆婆食後都話好味,仲成煲食晒添!
July 21, 2007
特價平貨
今天特早到太古城睇呢啲-----
上次同今次都執到$68抵著嘢..kekeekeekeee
仲有這個很喜歡的粉紅色,裏面有可愛格仔布,條帶仲係dot柄--(nikki你喜歡的點點嘢呀!)
行去睇埋果個手工特賣,其實真係無咩好睇,又無咩嘢買,不過如果要買十字繡去吓都可以,好多十字繡嘅材料包就真嘅,冷果啲嘢無咩!!!!!我都只係買咗我一路好想買嘅整花花嘢同兩枝超筍clover冷針!!
上星期執到一個$68同三條褲仔,筍..筍..筍
July 20, 2007
唔該晒亞妹
放工時收亞妹來電,今天是西比亞娘的生晨,我完全都唔記得咗,亞妹都話唔記得咗,當亞妹記起時,就致電我叫我打比亞娘講句生日快樂咁大把!!唉,我真係糸好無記性架,其實有時人哋問我幾多歲我都要諗一陣
July 19, 2007
北海道之旅-->破滅
呢幾想都心心不憤,發夢都好想去北海道,原因是我亞奶奶果間旅行社,推出員工優惠,$6000---7天日本之行,5天去北海道,有兩天是東京shopping天,下星期五出發,我奶奶肯出錢請我同小寶寶去,加埋shopping費用,不過好可惜我唔可以咁急攞假呀!!如果唔係真係仆到去呀!!!宜家晚晚都發夢去一轉
July 18, 2007
毛冷,併布及十字繡手工藝夏日大減價
Copy form birdie e-mail,有興趣你都去睇下呀~
親愛的手工藝愛好者 :
本公司將於7月19至 24日期間在太古城中心 APITA ( UNY ) 百貨公司地庫一層 B1舉行手工藝貨品夏日大減價(包括:毛冷、併布、編織佩件、十字繡及各手工藝貨品)，所有貨品一律以三折起特價發售。此外，本公司更特別安排專人在每天不同時段內示範編織或十字繡技巧，歡迎親臨參觀。
特價毛冷種類:
Merino, Summer Cotton, Pure Wool, Acrylic, Fancy and Classic yarns
特價十字繡貨品種類：
Lanarte, Fujico, Cosmo, Precious Moment, Anchor,Olympus,Hummel, Janlynn, 及Pinn十字繡套裝 ...,Clover及Qsnap十字繡配件.
併布/布藝套裝及編織配件品牌:
Clover, Olypmus.
多謝支持！
姿采毛冷
查詢電話: 2376 3438 / 2893 6296
July 17, 2007
抽到你喇
一抽就抽到我最想要的小綿羊,so cute 喔~~
July 16, 2007
我想
尋晚同今朝我收到兩個成日鬧我嘅朋友電話.,森森&亞思,森森是今天早上8點多致電我,問候我最近的近況,他說他有意在澳洲生活,結婚生b,過那些老外生活,他說到很不喜歡香港,香港很污染,節奏很急,人很差,同我的想法一致,我都說如果我能夠說一口流利的老外語.我偷渡都過來陪你啦,死仔~
亞思是睇到我個blog話--我很窮,就立即致電給我,我很感動喔~~不過你應該是立即存幾千元到我hscb acct.至啱架,haahaahaa,是的,最近我真的窮到燶.大家不要再約我出街,不要再引誘我買嘢喇~~唔該..
他們二人是我的天使,每次傾完一輪我都會放下那千斤重的憂慮,就像替我分一把似的~其實這個時候我真的想了很多很多....我想我自己一個人住,我想買間屋,我想我的負債快完,我想有幾十萬週轉.我想有個懂替我憂心的人,我想有個日日問我近況的媽媽,我想唔好成日喊,我想自己叻少少,我想大嗌,我想在家工作賺錢,我想日日返工開心啲,我想做回以前日日傻笑的我,我想心情好,我想中一次六合彩,我想要一個最基本的生活,我想我的病惡化有筆保險金駛下,我想自己理智啲,我想......只好想想吧,這些你沒有的東西.....
July 15, 2007
candy's b-day
豬兜華的生日會
原來我們的合照在別人的相機內呀,唔該send返比我呀~~
July 14, 2007
夜鬼
放工回家拖着疲爆的身軀,準備應付我一班朋友仔,很感謝你們等我一齊食飯,要11點先食飯,委屈了你們的肚子了,飯後viu仔替我剪剪髮,其實係修修至真,
hea到晚上4點多睡,感覺就如多放假半天一樣,時間很充足的...
因為hea的關係開了個新blog,自己覺得好鬼靚,不過想到之前果啲不能傳到這裡,就有點....
http://myhome.cururu.jp/birdiecheung
最近網上生意極差,已經很窮的我,又再更加窮.......窮是很慘的
July 13, 2007
別人穿上franche lippee
終於第一次看到不是我們這斑俏麗的美女穿著令各位美人放晒血的franche lippee,今天晚上在貨場工作時,有一位年輕亞太穿著這件繍花top.是短袖top,是我會穿的,穿上這位年輕亞太身上,真是太漂亮了,很合適,眼見這件靚衫慢慢飄走,我真係好想上前問亞太你你邊到入貨多呢?不過我當然不可能問啦,但是這個我早已看中的繍花,但是索價令我......(汗),今天看到實物,真係心裏不停說好靚呀..好靚呀..好..靚....呀....事後覺得好在穿上的是年輕亞太,不是那些臉上已長出紋的亞太穿上,大家知道嗎,我在公司看過有一位接近50的亞太穿上tc那些少女圖案,心想,你心境年輕,但是這些圖案跟你那個亞太的髮型,樣貌,行裝很不相襯呢!!!!!!!
July 12, 2007
放假總是爽
飲茶,好耐無飲喇,屋企附近開咗間新嘅酒樓,為咗試下,叫埋亞viu三個人去試下,ok嘅,唔算最好囉!!好在那個海景搭夠,加啲分啦~
July 11, 2007
最好是放早
放早可以跟小寶寶行個街食個飯,睇個戲咁啦~睇咗索女
喪屍
機關槍,無期望去睇都幾好睇呀!
影影下相有個人係我隔離"meet"橙,小寶寶你唔好咁自由行啦~~
July 10, 2007
bomb it
返工打機玩呢個呀,畫面又靚,又可愛
http://hoplay.com/game/playgame.php?id=10051
July 09, 2007
我想買樓
上次睇新聞,房署再出售居屋,其實我真係好想買一個,平平地天水圍那個都ok,四十幾萬,真係抵住,始終有個屬於自己嘅竇好好多嘅~不過耐何我一蚊都無就想學人買樓呢!!!!!!!!!!
yahoo news http://hk.news.yahoo.com/070706/12/2az8q.html
房署網網頁http://www.housingauthority.gov.hk/b5/aboutus/news/pressreleases/0,,2-0-16586--0,00.html
July 08, 2007
好好的一天
呢個亞叔係到晒緊太陽,佢仲要搽咗嘢曬,幾勁~~
今日天氣真係好好呀,小寶寶就一早去咗游水,我唔跟佢去呀,因為佢去淺水灣,我唔鍾意去淺水灣架,啲沙又吉又粗,我留係屋企煮飯好過,買完餸,返屋企織嘢,織織吓,我就好想知仲有無亞茄果件兔仔衫,打去元朗問吓,無晒喇,我又唔想出mk,算啦,不過佢話有啲嘢啱我,而且減緊假嘅嘢得返少少,仲有我想買的熊貓tee,賣$290,咁我就好想去買,即刻換衫出門口,買咗啲特價款.真係又平又底.買咗呢啲嘢,我下個月又要帶飯喇~~小寶寶,一係你快啲返工啦~
呢個係我開頭最唔喜歡嘅款,不過著咗又幾靚架喎!!
回程時個天好靚呀,唔知點解,我好鍾意呢區嘅天空,特別靚咁嘅~
返到屋企,打開個櫃,我都嘩咗一聲!!!!
July 07, 2007
無聊
放咗工好無聊係屋企等小寶寶外賣的蜜魚丸米,見到成枱都你7仔送的melody,開晒佢睇.
July 06, 2007
又做啲師奶嘢
午飯後,到亞佳超市看到這些,底到爆
$7.5沐浴refill,嘩好平呀!!
幫老表買的bb泡泡洗白白$30,嘩好平呀!!
July 05, 2007
busy day
放假同返工都咁鬼忙,我就快忙到要死喇~本來我今日已經安排好晒成日係屋企做咩,點知,我亞奶奶吩咐我今日一定要攞啲股票去賣咗佢,攪到我就要晨咁早出咗去,9點起身,10:30已經去到金鐘,11點已經係cwb....1:30返到屋企,勁>>>>>>>
又出咗ikea買放啫喱的容器,早餐都未食,係ikea食個熱狗餐先,這個熱狗餐同兩蚊軟雪糕是我經常幫襯的美味小食
係廚部細心咁揀,終於比我揀到放啫喱的容器,就是這些小酒杯,29個幾六,隻真係好底玩,同好底用,而且我一見到這個小肥杯,就覺得好可愛喇~
學亞陳師奶用啲酒杯載甜品,真係靚呀))))))
小寶寶仲放咗啲落冰箱,雪到結咗冰,食到心都涼埋
July 04, 2007
felissimo的郵購物品到着
9:00am比個送個哥哥電話嘈醒,話10:30送到,9:58am佢已經到咗,我都仲未瞓醒,就推咗箱嘢入房拆,一路拆一路打喊露,我訂咗呢啲----
這裡訂的貨品都是 random的,我訂的家品中了我最喜歡的茶壺,好靚喔~
而衫衫就中了一些我都喜歡的顏色(未瞓醒都係咁影,痴痴地!!)
還有老表推薦我買的購物袋同毛毯仔,個袋好好用呀,即刻攞咗落去超市買嘢~~
這個是送的小禮物,係好靚嘅拼布仔呀~
仲有一堆導你再入貨嘅書仔~
July 03, 2007
咁無記性架~
放工後去咗ikea逛逛,完全唔記得咗ikea係收10:30pm,仲慢吞吞咁行去,我得15分鐘行,就係咁行,係咁行,買咗以下呢啲嘢...自己一個人係廚部兜咗起碼4個圈,都醒唔起..其實我係去買玻璃兜仔架,不過就上咗車,返緊屋企我至記得,咁無記性.唔好啩~!!
July 02, 2007
師奶仔好介紹
這幾天都經常到亞康超市入貨,真是有一些超值貨品值得推介,李錦記的醬料,有好幾款都特價$8.9,真係平,平時最多都係特價$12.9.咁我就掃咗幾款,同埋買咗一盒雞蓉一丁,同買咗我覺得好底用嘅盒裝出紙巾,$39兩條有12盒好平好平,.....
July 01, 2007
回歸晚宴
放工後回家,小寶寶準備了晚飯,我的回歸晚宴是這些......
