給:友達們
給六月份的友達
Claire,mag & Cathie,
Claire & Cathie你兩個同月同日生,是同一年嗎?~~
« May 2007 | Main | July 2007 »
June 30, 2007
June 29, 2007
小小的動作
原來只要我做小小的動作,就會令我身邊的人開心,放工後想食糖水,雖然屋企付近那間不算很出色,不過都可以滿足到我,就這樣買了一碗綠豆沙給小寶寶,他很高興,見他吃得開心,我都好開心呀~~
下午放飯時見zara大減價,入去兜個圈買咗兩件背心仔,價錢真係估佢唔到,黑白條子,價值$25,蘋果圖案價值$59,係唔係低著先...
June 28, 2007
電腦有電中
12點多比這個可惡的小寶寶吵醒,我就好興奮咁起身去配返個電腦火牛,好幸運地一上298第一間就已經配到喇~仲要差唔多一樣!跟住就去交埋電話費,未到最後一刻我都唔捨得走去交,就比人cut架喇~~行個圈睇下食咩,去咗一間越南餐廳仔食湯河,唔係好好味,又唔係好有特色,不過這個價錢都叫ok嘅!!行落去cwb買埋餸就返屋企喇,今日其實真係好寫意,無咩特別要趕住做,又唔趕住返屋企,出咗一輪街返到屋企都只係4:00pm,我覺得咁先係正常嘅生活,可能我工作時間真係佔咗我成日嘅時間,放假放得咁輕鬆我真係感動到想喊
小寶寶仲有時間打機,打到幾入神
收到小vanb的小禮物...hohoho....好cute呀~~~真係好得意喎,我最鍾意佢條尾囉!!
同埋呢,我好鍾意佢畫嘅birdie呀,唔該你畫十個比我呀,keekeekeekee
今晚煮嘅餸有日本薯炒雙色洋蔥,白勺蝦,沙律菜,同埋有半隻手掌咁大嘅蜆,大隻到小寶寶都話:大隻得好恐怖呀~~hahaaha,不過講開又講,原來我已經有fans鍾意食我煮嘅嘢,話說上星期朋友到訪,小寶寶叫我買嘢打邊爐,原本,有朋友以為我會煮飯,來到說,咦,唔係你煮飯咩?我以為你煮飯,所以我先來咋!我就答應友人下次再煮,佢不知幾開心,後來朋友都到來了,他們說我真的有一手,個個都覺得我煮得好味,就這樣我開心到宜家~~
June 27, 2007
電腦無電中
真係唔好彩..跌咗部電腦落地下呀,跌咗落地下果邊係插火牛果邊,電腦操作無問題,不過個插頭就彎咗,宜家用唔到呀,攪到叉唔到電,打去hp check過,如果要訂就要兩星期先有貨,不過我當然等唔切啦,唯有明天到灣仔睇睇可唔可以配返個埋用架喇!!黑仔到呢.....
June 26, 2007
駛唔駛咁呀~~
亞妹,唔好話你,我都想要一個.不過呢.呢啲款,有又得,無又得囉,每人限買兩個,你去排啦,咁我咪可以同你一人一個囉~~其實呢間嘢都傻嘅,話明係shopping bag,唔該就唔好引起炒風啦,借環保搵食
你睇下ebay賣幾錢---http://cgi.ebay.com.hk/ws/eBayISAPI.dll?ViewItem&Item=160111795302&Category=63852#ebayphotohosting
June 25, 2007
出咗一身血
尋晚小寶寶這個賤人無返,唔知死咗去邊,搵唔到佢,我又激氣又擔心,我唔理喇,約咗人唔搵佢喇,我約咗亞思陪佢去吉豬島睇電視,所以我一早落咗杏花村睇枕頭格下價先買,同行新果個新開嘅living ideas,屬於百佳的家品店,其實都無咩好行,只不過是係百佳門口有個裝修得靚啲嘅位賣下家品,而且貨品偏貴,我買張特價的浴室地毯,同一對非常舒服嘅拖鞋.仲有比完錢包嘢時,佢用個百佳膠袋入住我呢兩樣咁靚嘅嘢,我眼都凸埋,唔該啦,比個靚啲嘅袋啦!!!!!!!!!!
買完嘢我就搭mtr去太古會合亞思喇,我哋行咗個圈先再去吉豬島
係杏花村mtr見到這個亞媽同亞仔.亞仔好大個肚腩
好耐無搭過地鐵同埋好耐無到過無幕門嘅地鐵站
行咗一個圈去咗永安,搵到冷舖,去埋uniqlo再去埋吉豬島睇電視就返屋企喇!!!!
永安買咗一條原價$38,我買$18的毛巾,得果條係$18,因為啲人痴錯咗price tag,所以我覺得超低
去咗買書,老表我買到呢本書喇,haahaahaaa
去咗冷舖睇嘢,買咗呢隻bb冷比自己,我要織返件比自己,我一見到就好鍾意喇,要買比自己,本來想買呢隻灰色比肥仔哥,不過亞思鬧鬼我,話我成日買嘢比人喎!!係嘅,諗諗吓又係喎!!
行完上b+ab想買多件我上次買的白色tee,哼,原來太古果間無喎,佢話果條係jeans line最近要去到times square先有,等我仲滿心歡喜諗住買多件添,好喇,算啦唔買啦,去uniqlo睇嘢先,一入去就見到浴衣用的拖鞋,有無人想買呀$79咋,不過我無買呀,我影比大家睇架~我想要平底啲果啲!
最後買咗幾件衫走人
去睇電視的時間,亞思三心兩意,最後佢買咗 Samsung,是我們當時第二之選,因為我奶奶強調要買Sharp,就是Sharp 是日本製,其他一係大陸,一係泰國,亞思無所謂,因為她愛上了Samsung的外型,其實係靚嘅~~
吉豬島買咗小朋友用毛巾作抺手巾用,$15有五條,好用過普通果啲抺手巾,起碼佢夠厚身
今日用咗好多$$$$$over咗,節制吓,節制吓,節制吓
June 24, 2007
志雲飯局--袁詠儀
袁詠儀是我很很很'sss喜歡的一個人,從小到大我都一路很喜歡的,捱眼瞓都要睇,佢真係好嘢架喎!!我無愛錯佢!!正~~~~
part-1
part-2
part-3
part-4
part-5
June 23, 2007
咗好多嘢呀
買咗好鬼大粒的士多啤梨,大粒得好利害,
抽咗一粒香菇,當然我是想要minnie果個啦,各位姊妹唔該幫幫手呀,~
攞返老表買比我枝筆出來用,so cute ar~
仲攪埋小寶寶條頸巾,其實我一早織好,不過一路無心機整啲蘇蘇
June 21, 2007
NANA nds Game
搜尋新game時發現了新推出的電玩,rpg game唔太喜歡,加上日文更加唔知玩咩,不過啲公仔好可愛,好吸引,唔該搵人download咗玩下先呀~睇下咩環境呀嘛!!
http://www.konami.jp/gs/game/nana/index.html
June 20, 2007
約會肥仔哥
肥仔哥tea time照
今日天氣實在好呀~
行一行個將軍澳買咗幾多好嘢呀~又平又正
mini car外套for小寶寶表妹,平到笑,幾廿蚊,花園街都買唔到
毛巾for me & siu bobo,$29一條日本特價毛巾,花靚,質地好
animal系列,好靚呀!!!很喜歡跟小寶寶用埋一set毛巾,幾sweet呀!!
金魚for me
June 19, 2007
愛迪達
返工前想到書局買個file,睇極都無個鍾意,就走圯去搭車,途中在愛迪達特價場,看見一雙可愛的小鞋子,決定買比肥仔哥,貿真係幾型架喎~~
June 18, 2007
唔好意思
發生咗一件唔係幾好意思嘅事件,真係唔好意思呀,nikki,詳情都唔想多講,只得我同nikki知好了,不過,好高興可以見到甜美的nikki呢~~nikki真人真係甜架喎
June 17, 2007
肥仔哥.玩眼仔
小寶寶今日要返工呀,我一個人係屋企執屋,做咗半日家務,下午無事做跟朋友們msn,我好無聊咁係msn嗌肥仔哥,老表話佢好好奇咁週圍望,跟住曼開眼仔開始對話,佢好好奇,點解會係果到見到姨媽嘅?!!
開始時他觀察我在那裡~
看見了行近啲~
發現了我就襲擊我喇~還想從電腦爬來,小朋友你知道嗎,這只有貞子先可以做到.
攪笑嘅肥仔哥知道唔可以爬過來後,就隔住電腦請我食嘢~你好攪嘢吓喎,老細!!
June 16, 2007
好想食車仔麵
已經想食車仔麵好幾天,我決定了今天返晏走去食返碗,出到cwb緊係買返本mini啦,本mini肥咗呀~
仲去咗書店睇下新書買咗本拼布書學習吓先~
食完嘢再去裁縫舖睇嘢,宜家會員有30%off呀~~又買咗好多嘢,不過書就都係得15%off囉~~
June 15, 2007
織織bb衫
昨晚看已購入bb衫書,想了很久都沒有靈感,於是決定今日午飯時到冷舖看看,買咗兩本,是店員推介的,太趕.返到公司才發現原來沒買冷針喎,唉------
June 14, 2007
假期第三天
返咗兩日屋企成個人鬆晒,好似去完旅行咁,原來以前我住在將軍澳時那麼開心都是因為你們在我身邊.沒有出外的我,只想好好留家休息,準備明天返工,自從小寶寶開始返工後,他起身時,我便會跟隨起床,我真係再瞓唔返喇!起咗身,我就去行超市同買餸喇!從超市購入我9包裝檸檬茶,原來6包裝已經唔夠你斑香港人飲喇!haahaa
收到台灣寄到的布了.好鬼靚呀~~
June 13, 2007
回家day 2
十一點多起咗身,煲落湯就落將軍澳搵老表同肥仔哥飲茶,然後行就摺的吉豬島,啲嘢好平呀!我想買鑊買煲,不過我今日太多嘢拎喇,無謂辛苦,我最後買咗一個kitty杯比小寶寶表妹,仲想行不過老表說要回家休息了,
我好掛住嘅肥仔哥,佢好攪笑呀,係到學我哋hohoho,hohoho真係好好玩呀~~聽到表姨怪叫又係到笑!肥仔哥返到屋企仲表現行路比我睇,佢行到好似醉咗咁haahaahaa
行得幾快~~
我影影吓佢行過黎偷襲我
玩完返屋企食完飯就返歸喇!!返到屋企小寶寶話好掛住我喎!!
肥仔哥短片
June 12, 2007
回家day 1
又放三日假,好掛住屋企,好掛住肥仔哥,好掛住金仔,好掛住亞妹,好掛住肥西比........
今天趕起肥仔哥件衫,到咗兩點就趕出旺角攞埋啲小朋友衫,就走去kowloon bay mage box 睇手工嘢~我係kowloon bay排咗15分鐘隊搭車,好快咁去到直衝上Spotlight係門口填咗會員咭就開始行咗差唔多一個鐘,買咗啲啲嘢,不過今日都仲係好多人,貨品都好似開始唔齊咁,買冷時發現貨源唔夠,想要多少少,就搵人問,唔覺意找了個鬼妹sales,就用我有限的英語對答,我問仲有貨嗎?她就睇下個貨品no.就走咗去搵,回來時當然無啦,不過唔緊要啦,可以織細啲,不過佢都同我講,會再返,因為呢幾日太多人了,貨品都開始賣清,叫我遲啲再來看,其實我都唔係太有心情行,因為太多人喇~我下次要等無咁多人先去,咁我就會慢慢睇喇!!如果想清楚詳細啲可到Gloria個blog介紹得好清楚架http://hk.myblog.yahoo.com/stitchfairy-land
睇完就碌去apm等我亞金蘭放工,我同亞金蘭係咁傾,佢仲比咗兩碌冷我,係.係用一碌碌計算,我比咗咁多意見你,亞金蘭呀你要比啲成績我睇呀,到咗十點我就碌返清水灣家喇!我平時太少運動呀,行上屋企,行都我兩條腿無晒感覺,返到去即刻坐低,不過亞金太興奮係咁踏我隻腳,令我更加痛苦!!!夜晚就埋埋肥仔哥件衫就瞓喇!好耐無跟亞妹同一間房瞓,好開心呀,屋企實在太舒服喇!所以我完全無瞓唔着呀~
晚上小金都開始要sleep喇~
臨睡前的我.....
臨睡前的亞妹
今天買的東東--
bb衫for小寶寶表妹
for肥仔哥
for me &娟
for me 淨色tee x 2
Spotlight戰利品
金蘭比嘅兩碌冷
埋好尾嘅肥仔哥衫衫
June 10, 2007
亞Y,你說得對呀~
今天的蘋果有亞Y,佢寫咗呢啲嘢,我覺得係無謂咗好耐,最爆笑係講我公司那個無謂白金貴賓室.
講中咗我心果句,waahaahaahaahaaa笑屎禾喇~~
see--
http://appledaily.atnext.com/template/apple/art_main.cfm?iss_id=20070610&sec_id=462&subsec_id=466&art_id=7197149&coln_id=6804020
June 09, 2007
跟小寶寶鬧咗場交
我十點多起咗身,睇電視織衫仔,他在一點多起身,一齊睇電視,到了兩點多,我說我肚餓了,問他幾時食嘢,他說,落街買餸先食,咁咪要5點先食,然後就掛住睇電視,都唔理我喇!!過咗一陣我就發佢脾四,換衫話自己落街食嘢鬧咗場交,到後尾我自己落咗街食嘢,返到屋企又唔出聲,最後我同佢講,煮唔煮飯架?佢答煮咩呀?我就無佢咁好氣返入房,佢就死死氣咁落咗街買餸,之後又無嘢,我哋次次嗌交都係好似無事咁好返嘅~
不過我肚餓就已經好大件事,有無睇肥田呀,肥人唔可以餓架!!
June 08, 2007
下雨天~~
這幾天'天總是黑的
收到525的可愛小熊了,真是很可愛,連二姐都要訂返個
呢個係我嘅~~
晚上得閒委化妝行來行去,見到nikki說的優惠套裝,喂,真係低喎,所以我買返套,有支濕粉,一盒碎粉,一支makeup base,一支卸妝油同一支保濕噴噴
June 07, 2007
我是一個好的傾訴對象
昨晚夜深收到兩位朋友的來電,第一位比人誤解,不接納,排擠,第二位,男朋友行為惡劣,不時鬧交,不時對她說謊,令她接近崩潰.做完白姐姐都已經三點幾,其實我無比的眼瞓!!
友人一號.工作上遇到不公平對待,本來對她重要的人(其實都只不過是同事吧!),因她的私生活,而排擠她,令她受了不少惡言惡語,心靈上受了不少的傷,工作上亦因此而受不必要受的氣.而她只默默的忍受你們這班無知.無聊的人.
給友人一號的說話--像我這樣,我是來打工的,我不需要怎樣的奉承你們這班豬吧!!我的私生活是我私人的事,我沒有必要去跟你們解釋,跟你們交待吧,工作上做好自己的本份便算了,日子雖然不好過,不過這斑人沒有力去炒你,你留在這裡令她們的眼不舒服,令她們為你影響自己的修養,這才是高招.這斑人若有一天要轉工,她們很適合當狗仔隊吧,那麼喜歡管別人的事,那麼喜歡猜測別人的生活,真係好鬼cheap.
友人二號.跟男友同居大約一年,那個男人經常對友人說謊,經常失蹤,經常唔聽電話,經常嗌交,經常唔返屋企,經常要友人難受,這麼的感情問題,我真的不能給什麼意見.
給友人二號的說話--不要說你們一起多久,一起不開心,不快樂,不合的,就分開好了,感情有多深,有多愛現在都沒有關係,你雖然為他付出了很多.但是,付出的是你心甘情願的,不要計較吧,你戀愛的經驗不多不少的已經告訴你這樣的男人,要來都沒有什麼用,還是找一個能和你生活得好點的人吧~離開這個人,會令你生活影響很大.金錢是最重要的一環,是嗎?每個問題都是有得解決的,其實我相信自己的家是最好的,家人就算怎樣都會接受你,我相信的.當然可能家家有本難唸的經,不過回家是最好的選擇.你說我看得那麼化,那麼豁達,這是我看淡了人生.我最看重的是自己過得怎樣,或者有一天我都要搬回家住,這只不過是我其中一個階段完了,我要再走向另一個階段.金錢也是最重要的一環,所以我一定選擇回家.
June 06, 2007
卡哇咿tee
放飯時本想到zara睇下連身裙for游水時穿,不過一係太貴,一係好短,不過睇啱咗條連身牛仔裙,要$4xx完,我覺得好貴,心想你都就快減價,到時睇下有無緣喇~試咗幾條裙都唔啱,就決定買呢件好可愛嘅tee,真係好得意,而且好低呀$129仲要勁舒服果隻呀~~
June 05, 2007
IKEA SALES
前幾日打算放假去ikea睇嘢,今日打開e貓,開始減價喇喎~
住咗咁耐屋企仲未有茶几,呢個唔錯,不過小寶寶實話下面無位放嘢
呢三個煲$69就真係勁'ssss低喎
以前好鍾意呢張椅,宜家兩舊水有交易
June 04, 2007
返工先
我將我嘅大假打散晒放,一個星期放三日,明天返吓工先,對我呢啲沒有特別地方要去嘅人,咁放係幾好,不過好似未放夠咁,唔係好願返工~
June 03, 2007
師奶仔推介
尋日攪到亂晒同好污糟,今日一起身就即刻吸塵拖地,這個新賣的拖地水,幾好用喎,仲要$20好平,又拖的幾乾淨同埋幾香,我覺得比愛室潔好用!
June 02, 2007
休假第二天
經過兩天努力織,己經織起咗後幅,肥仔哥,我已經好快手架喇!!我開始比較喜歡織小朋友衫,織小朋友衫快啲起到貨成功感勁大呀~
今晚一斑朋友上來打麻雀,我又食咗十三么喇~我覺得我好對利害呀!!!打到朝早六點,先打完,我贏咗十蚊咁大把,亞play贏咁濟呀~好眼瞓呀~~
June 01, 2007
我愛黑澀會
唉---終於有得睇返我愛黑澀會,我以前睇channel V成日都睇,不過唔知做咩,前排now嘅channel V無咗,宜家終於有返個 V tw嘅台,可以睇返喇~不過無睇咁耐,有啲好出色又靚女嘅無咗喎,而家吓果啲又唔太靚,又唔係好好睇咁!!不過有幾個我比較喜歡的美眉仲有-----
首位的是鬼鬼,超可愛又爆笑,我第一次睇已經好喜歡
小蠻,有點MIKI的影子,很低調的一個,她真不似16歲呀~
檸檬.這女孩子,一上來我便喜歡了,她的外型,行為都很討好,不過最近看不見她喔~
丫頭,開頭最頂唔順果個,佢把雞仔聲好難聽,又尖,睇耐咗無咩嘢,仲覺得佢幾正路,唔似係到扮可愛果啲~
mei mei,很攪笑的一個,最好睇有一集要佢減肥,好好笑,我相信最肥嘅都係佢.
有幾個一路以來我都極度唔鐘意,apple同瑤瑤呢兩姊妹,真係想見一獲打一獲
我愛黑澀會
http://blackie.channelv.com/blackie/