就快精神崩潰
我屋企個now電視,前一個星期壞咗,已經在前一個星期維修好,到了星期日又壞過,係咁跳,好似睇老翻咁,即時打去now叫佢再來維修,第二天我就打去netvigator問下個now會唔會影響電腦架?因為我上網成日斷線,佢答我會,所以今日師夫會睇埋,已經換埋個(毛than),個電視係好咗,不過個電腦就慢到呢...尋晚我開電腦仲以為中咗毒,不過又唔係呀!!同之前一樣都係成日斷線兼成日都不能顯示網頁,我都知又要打去,夜麻麻小寶寶又發揮佢鬧人嘅本領,又係咁鬧,係咁鬧,尋晚我只係開雅烏e-mail都開咗接近30分鐘,仲要中間又斷線,朋友們有見過在msn快閃嗎?好快咁又閃入又閃出,真係omg!!今早我就再打去netvigator鬧完一輪,再約佢星期五朝早來跟進,今次睇你又點!!!
好喇-點解我會期咁早起身呢?10:00am已經彈咗起身,樓上裝修糟到呢...鑽到呢..邊到仲訓到呢!!我仲要返2:30pm.咁你話宜家係屋企定唔係屋企好呢?我有諗過落會所,不過又好似無咩好做,有咩好得過係屋企,不過糟到爆囉!!呢世人最怕裝修!!
鑽死你,鑽到你燥