是夜是玩之夜
放工後的局是飲嘢局,我就想搭叮叮落cwb,係差不多去到英皇中心,就行得好慢好慢,開頭我以為是前面太多叮叮導致行慢了,我見到前幾輛電車,車頂出現火花,心知不妙,司機就上來說要下車了,就立即下車步行到cwb喇,途中其他電車都跟隨死火,去到cwb仲停晒一係到~
第一次去朋友開嘅bar,太多人了都不能看清楚裝潢,上去時還要排隊等電梯,條隊都排得幾長,好彩撞到同事亞桃,可以搭隊,唔係排屎~~坐到差不多1:00,大家轉咗陣去唱k,玩到六點先返屋企,宜家勁'sss無態!!!
« March 2007 | Main | May 2007 »
April 30, 2007
April 29, 2007
疲'sssss
尋晚四點先瞓,眼瞓到呢~~~即刻可以瞓得着!!
April 28, 2007
好多相呀今日
早上起床後看見郵局的特快專遞通知咭,知道as online啲嘢到咗喇!!滿心歡喜的立即落樓取件,不過去到時郵局職員告知,這個郵件要到筲箕灣郵局取,不是郵寄到小西灣嗎?事但啦,橫掂落咗街,就到筲箕灣取件啦!!取件後想到安利食返碗粉,只是早上11點多,已經排晒隊,我就買返屋企慢慢嘆好過同人迫喇!!行去搭車途中,經過街市買咗10蚊8個紅卜卜蘋果仔,全部都好紅架,好少見到啲蘋果個個都紅,呢啲好靚,好新鮮呀~~仲好甜添!!
個紫色file簡直是為我而設,因為我喜愛紫色
件花花衫,online度時以為會剛剛好,不過見到真身,原來係幾鬆架~
因為那些尺寸問題,以為件件都剛剛好的,來到時件件都比想像中大,而呢條裙,著咗好大隻,不過算了,我沒有夏季的黑色裙,始終是as know as,而且又平,又長興嘅款~
返屋企洗完衫,拖完地,就準備出街喇~晚上訂了枱到跑馬地食飯~~首先到天后會合小寶寶& friends去肥佬到睇睇,不過可能沒以前灣仔店那麼大,好似無咩啱睇咁,轉陣到MIDWEST,買咗兩件tee,果件polo tee超掂$50 dot柄,真係低買呀!!
仔細啲至睇到係dot柄
買完嘢就搭叮叮到跑馬地喇!!飯後大家都係到打機,男的就打psp,女的就打nds & ndsl,真係咩事呢,好好笑,城枱人都打緊機,haahaahaa
亞play送的mj 睫毛液&粉粉,thx baby
April 27, 2007
新書 & 新線
April 24, 2007
買書
好想好想到cwb買書,今日特地走去買返幾本先~一出到去就去sogo買返biotherm嘅特價set.買咗一套比自己,一套比小寶寶!其實真係幾低嘅,不過果個sales姐姐嘅消售手法比我覺得她係到迫緊我買嘢,唔係太受佢呢一套,所以就算佢點遊說我都唔想買多一套~~
是日最想買的是150cm 3 &mini,仲要睇郵購書出咗未,最後都一拼買晒!!!!
mini付送嘅布袋,好似幾好用喎!!
最喜愛的sogo咖啡蛋糕
April 20, 2007
返工都敗家
不是休家係公司都敗咗幾千蚊,早上跟亞詩係as online訂咗幾件衫,不過好彩未過數還在進行中,下午落一落貨場paggy媽媽比個MARNI袋我睇,話係pedder sales買嘅,佢比佢斑仔鬧,話佢已經有個同款的,買來做麼??
媽媽就話:你要唔要呀,賣比你啦?
我:吓,幾錢呀?
媽媽:2100,
我,嘩,好低呀,係皮,仲要係MARNI,要呀(此時我已將個袋係鏡前照來照去!!)
媽媽:咁你攞走啦!!第日比錢我啦!!
我:好呀!!!
就係那麼樣短買咗個袋!!不過還是好的,我一路都想要一個皮袋,一路都未物識到,現在這一個我相當滿意~
RMB都賣9100,正價仲得了嘅,不過係邊年year code睇唔明!!
April 19, 2007
休息 o 出血
今天休假在家休息好了,我的大姨媽遲了十天來,痛到我腳軟,,辛苦死,只好在家休息一下,今天充滿影相的意欲,所以跟金姐影了一張,這套買咗好耐,今天才找出來穿起,影完後看看,很橡我小時候穿的衣服,很可愛喔~
晚止六點我就出cwb會合小寶寶,因為今晚約了友人睇<刺青>,首先到裁縫舖購買我想配的顏色線,跟着到biotherm換返3枝mask,本來想到sogo 9/F買埋果套優惠套裝,不過沒有時間了,時間很緊迫,要趕著會合朋友晚飯先,再不dindin就趕不及入場了!!還是有機會再買吧!!
新配的顏色,全是我喜歡的~
April 18, 2007
郵購物品
今天郵購的貨品都一一到達,在台灣郵購的拼布材料,網上購買的連身裙,都一一到了!!很高興呢!!每次搜尋台灣的網站都有很多手作生活,材料,令我真的想作一個手作達人,不過,在香港這個忙碌的都市,沒有什麼空間可以創作,沒有什麼途徑買到好的材料,唯獨是日本跟台灣的物料睇得我嘩嘩的叫!!我仍在努力的創作中,不過真的沒有時間,每天工作這麼忙,假期又沒有太多的時間,不過我會抽多些時間去造好我的手作,因為再不努力就不能完成了!!!
April 17, 2007
親愛的早餐
尋晚小寶寶又約咗人飲嘢,係熱到瞓唔着嘅情況下,我係咁打比佢發佢脾氣,吹佢返嚟,不過我打打下瞓着咗,當然照舊我都係鎖咗房門,個賤人都係入唔到房瞓,到咗6:00am我去洗手間,順手開返房門,佢就係10:00am來道歉兼嘈醒我,隔咗一陣就起身煮早餐比我食,呢隻賤人次次激嬲我都會煮嘢比我食,哼,下次我唔會上當!!!!!
April 15, 2007
我都想佢攞~YEAH~
我一路睇緊電視,一路同小寶寶討論,我同小寶寶都想佢攞到,睇到佢攞獎時,我都覺得好感動,而佢呢部戲我都有睇,係幾好睇,我仲睇得好留心,又無行來行去,又無食嘢~因為佢真係做得好~大家都可以買來睇下,果時我哋買呢套VCD$20,相信經過這晚後,可能會升價,賣返原價都唔出奇
倒霉中
尋晚差唔多四點先瞓,激到我都唔眼瞓,今朝12點比網上行維修嘈醒,再check過上網,我尋晚儲氣,今日預備鬧2個人,一個係網上行,一個係biotherm,維修個師夫出奇地友善加有禮貌加好幫手,見佢咁落力,都不知幾想請佢飲汽水,不過剛剛屋企無晒~sorry~~維修後總結,原來我屋企個電話盒壞咗,所以影響咗上網,宜家維修好,我唔再玩快閃喇!!yeah~~
而另一個目標biotherm,今朝經個有禮貌嘅師夫幫助,我無咁火,不過去到我好平靜咁講咗一次,經過一番比我又鬧又話之後.我都知個答案,是要星期一知會office再覆我,我今日去到都有啲勞氣,仲唔係好有儀態大聲咗鬧人,不過最後我諗諗下都係比兩日時間你啦!過兩天就有答案,我都同個sales姐姐講,如果無得換,我一定要refund,我寧願以後都唔用你!!!唔好再講喇,真係一講就火都嚟呀~
我隻眼皮與眼眉之間生咗粒紅色暗瘡,朋友你認唔認得我呀,好熟面口呢?!!
April 14, 2007
我宜家想打人呀
話說在上年年尾趁biotherm換禮物時,我就走去買咗啲護膚品奏夠分換禮物,一次過買咗5枝mask,我係要deep clean果隻,前兩日想開一枝deep clean點知一枝係massage,我無為意,就倒咗落手,我以為我買咗枝新嘢,唔緊要啦,咪試下啦!!
到咗今日夜晚,我平時用開枝deep clean無晒喇,要開枝新,點知一搵之下,發現原來全部都係massage,足足有3枝,即係我應該買4枝deep clean ,1枝massage,佢就比咗1枝deep clean ,4枝massage我!!我明天一定要去鬧人一獲勁,仲要換返3枝deep clean,換唔到,我要refund晒佢,激到我呢~好耐都無試過咁嬲.
宜家見到呢幾枝嘢,我都想講粗口
第二樣爆氣的是,我尋日買咗個平底獲,我返到屋企,佢亞婆已經當係自己,放晒啲嘢落去,我頭先即刻收埋咗,我尋晚返到屋企洗咗個獲,佢就連袋連外套都未除就望住我洗獲,那是小寶寶送比我,比我煮飯用,我唔係唔比佢用,不過,老人家真係唔係咁講究衛生,成日用完都唔洗,抹下就算,我已經第三次買獲,我想呢個耐用啲!
我宜家就係咁!!!!!!!!!!!!激到火屎!!!!
April 13, 2007
肥仔嘜玩玩公園
早上果個師夫來睇電腦,當然檢查後就緊係話佢個網絡無事,而係我個電腦跟其實配件有事,我都唔想再同佢講,你都唔好阻我,你快啲走喇,免得我再動氣!!!!!
是晚要到將軍澳飲,所以我一易早就到咗將軍澳,因為約咗肥仔嘜去公園玩玩玩呀!!你快啲識行啦!e媽想同你去遠啲呀!
玩完我地去咗板前食壽司,好耐無食喇,好味
去咗新都城睇冷,仲買到我想買果本書呀,
回程時見到天色好靚,我都想住返係將軍澳
夜晚食飯前小寶寶同我去吉豬島買鑊,獎勵我煮飯有進步,買咗隻28"平底鑊,thx
April 12, 2007
iPod devil clothing
佢個樣係咪好可愛呢.我的小鬼 iPod
April 11, 2007
就快精神崩潰
我屋企個now電視,前一個星期壞咗,已經在前一個星期維修好,到了星期日又壞過,係咁跳,好似睇老翻咁,即時打去now叫佢再來維修,第二天我就打去netvigator問下個now會唔會影響電腦架?因為我上網成日斷線,佢答我會,所以今日師夫會睇埋,已經換埋個(毛than),個電視係好咗,不過個電腦就慢到呢...尋晚我開電腦仲以為中咗毒,不過又唔係呀!!同之前一樣都係成日斷線兼成日都不能顯示網頁,我都知又要打去,夜麻麻小寶寶又發揮佢鬧人嘅本領,又係咁鬧,係咁鬧,尋晚我只係開雅烏e-mail都開咗接近30分鐘,仲要中間又斷線,朋友們有見過在msn快閃嗎?好快咁又閃入又閃出,真係omg!!今早我就再打去netvigator鬧完一輪,再約佢星期五朝早來跟進,今次睇你又點!!!
好喇-點解我會期咁早起身呢?10:00am已經彈咗起身,樓上裝修糟到呢...鑽到呢..邊到仲訓到呢!!我仲要返2:30pm.咁你話宜家係屋企定唔係屋企好呢?我有諗過落會所,不過又好似無咩好做,有咩好得過係屋企,不過糟到爆囉!!呢世人最怕裝修!!
鑽死你,鑽到你燥
April 10, 2007
為什麼你要看我的日誌
前幾天朋友森再次來電,讚我這幾個月都沒有怎樣的買衫衫,最近我真的沒有買衫的心情,最近我滿腦子都要製作小物的靈感,沒有想買衫的意欲,當小寶寶還為dior homme瘋狂的時候--最近入手的全都是dior,我沒有想到我要為什麼而瘋狂,沒有想買的,就沒有意走出屋子,只好在家織.織.鉤.鉤.,有的朋友會因我所購買的而來看我的日誌,這些客仔可能要知道我從那裡入手,因為我的shopping日誌是最多人回應的,跟隨每個相關的blog所有人都買那些,像森森說:(你呢幾個女仔買啲嘢都相同,是你們品味相近,還是原來香港的女子都那麼平凡,口味一致)最近在製作手作的同時,腦子都不停思想東西,就是我太多衣服沒有剪牌,有些甚至未穿已經不合身了,其實我一早就知道最好的衣服是你怎樣配搭,只不過有時迷途了,你想---你會想看一個有心思,識配襯的,還是想看一個全新名牌.但是沒有配襯過,只顧行頭的人,我想看前者!!從而引申了點解日本時裝雜誌有這麼好的消路,你都是想看看別人的配搭吧,你未必會識晒所有牌子咁勁啩??所以.現在可以不買,因我的衣櫃,可以夠襯幾季~
有些朋友是來看我的生活,很關心我每日所經歷的,我很高興,有一些又或是對我的生活很好有興趣,看看你這個肥妹仔是怎麼過每一天,我都很高興,最近我Delete了幾個回應,就是有些無聊的人來我的日誌,留下了一些無禮的留言,我現在心境比以前豁達,我無需要回覆那些留言,我很快手的按刪除,便安心更新我的日誌,朋友mag都曾經有這樣的經歷,她當時還火起的說要在blog上加入密碼鎖定每個看日誌的人,不過我覺得唔需要,因為那些無聊的人,自作業,來我的日誌找氣谷,我無理由阻止她們自己攞黎嬲,
趁在這個時候,我都很想知道來看我的日誌的好朋友是誰,你們可以留comments給我,(可能沒有留言,hoohoo)我都想分享你們的生活,謝謝,如以上文章令你們誤會了,不要生氣,來這裡留正面回應的都是我的朋友
April 09, 2007
franche lippee大肚裝
看到了嗎?大肚子都有衫著了,沒有被電到,因為買唔起囉~~
不過這一件可以喔~~亞mie你有辦法嗎??
April 08, 2007
homemade salad
小寶寶很喜歡食雜菜沙律,既然今日煮意粉,不如整來試下,好頭痛個汁點溝,於是問下亞姐佢話great有啲沙律汁係溝好晒,所以我尋日就買定晒所有材料,今日開工喇,不過我居然唔記的咗買車厘茄喎,不過支汁仲有咁大枝,下次可以再加其他唔同配料囉
個樣都幾靚呀~
April 07, 2007
宗教跟個人的修養
在云云玄學家中,我比較喜歡李丞責師父,因他的外表及骨子裏都滲透一股充滿學識的氣息,他又啟發了我對自己及我的宗教的見解,大家會奇怪,:bird你不是基督徒嗎?點解會欣賞李丞丞呢?其實是聽收音機的關係,李丞丞每個星期四會在香港電台第二台出現,所以我對李丞丞加深了印象,早前看了一份週刊訪問他,更加令我佩服,文章中大慨講及他前半生與家人,父親的一些細節,父親影響他對玄學的興趣,直至談到他原來在中學是讀了一間基督教中學,剛剛和我相反,而我中學就入了一所彿教學校,我想只有在香港至會這樣令自己的宗教混亂了,讀到這裡我就更有興趣,因他的爸爸是玄學家,所以同學們都叫他是魔鬼之子,上聖經堂的時候,他亦大膽的問到,點解唔信耶穌就不能永生,唔信佢就要落地獄...好多問題出現了在這個青年的腦裏,而最後他只有得到老師的責罰.而他心裏當然不憤氣,返去罵爸爸一獲,而爸爸只說了三個李丞丞將會遇到的事,最後一一實現,而他跟爸爸相隔六十年,玄學上六十年就是一個花甲,即是他跟爸爸的命格是相同的,所以他決意要接手老父的祖業,做爸爸的接班人,李丞丞知道爸爸不是無本事,只是不好好包裝自己,所以現在他點都執到正出現.
他經常談到只要做了不傷害人的事就是好事,宗教是道人向善的,其實我亦有同感,人們枉枉就被宗教的规條所局限,就好似謝安琪未婚懷孕為例,她是基督徒理應不可能婚前有的行為,她都犯了,其實我又覺得無問題,何需那麼執著她的錯,她這樣有傷害到你嗎?其他人有被傷到嗎?我覺得現在社會進步了,還要用那十戎去困着自己嗎?我亦吸收過主跟彿家的戎條,現在引申了一套新的理念,在不同宗教中吸收正確的道理,就是個人修養跟你守的戎是成正比的,可以的話就是基督徒食齋,彿教徒可以看聖經一樣,沒什麼特別,死後都是看你的個人生前紀錄.生前你大可以做一些正確的事,而令自己覺得舒服,正確的,如你可有性行為,而不是濫交,....我覺得只要分析得正確,你所屬的宗教一定接納你的,就已經沒有錯,就好像曾智偉說付出,不是完全奉獻就是付出,而是你將你有的怎樣付出.
April 05, 2007
連環工作記錄
由2/4開始至7/4沒有休假的日子,故update工作都停頓了,朋友們要忍耐一下了!
我會盡快完成update的工程
April 04, 2007
新鉤針
我想咗好耐出咗糧要買呢套鉤針,終於出咗糧,又買咗喇~舒服晒
April 03, 2007
新拖
想買對游水用拖好耐,不過一路都無特別去睇過,咁啱公司有,而且又幾靚,買咗呢對去游水用,以前成日著brikenstock,著到都黑晒,今年唔著佢,要好好保護先得
April 02, 2007
唔好咁無聊啦
同事極無聊之作.將我兩件製服釘埋一齊
April 01, 2007
為妳鍾情..傾我至誠
只因自己太眼淺,不能回味太多次為妳鍾情,每聽到第一句,心裏便酸酸的,在這個懷念的日子,不論怎樣都逃不了,收音機,電視機都為妳鍾情..傾我至誠..
不知道何時喜歡上哥哥,初做呢份工,在公司見過哥哥兩次,心跳加速,但是他一幅和藹的笑容,真的會令你暈到,
這個版本的追,有齊我所喜歡的每一個