翻生侏羅館
去咗太古城睇翻生侏羅館,真係超級攪笑,開場前落樓下睇睇.買咗兩條毛巾質地嘅連身裙,仲買咗一套衫比肥仔嘜大人,係,我要叫佢大人,佢宜家大晒架,想點都得,連咬我都得
« January 2007 | Main | March 2007 »
February 28, 2007
February 25, 2007
多一個衣櫃
因為太多衫的關係,小寶寶決定買多個櫃放衫,尋晚執嘢執到四點,好眼瞓,今日個櫃終於到喇!!不過今日都執到死咗半條命
February 24, 2007
宵夜暴肥
晚上相約友人食飯,果班男人又係到勁買衫,家吓啲男仔都咁架咩!!佢呢幾個一相約買衫,就傻晒!!
我哋又一行9人係咁笑,我哋係最糟同最麻煩囉,我哋又要人哋加熱啲嘢食,因為真係唔熱,暖又唔暖,感覺好差!食完飯我哋又行去搭車,可能太多了,嗌咗幾次尿尿,返到屋企個肚仲有啲唔舒服!
一頭亂髮加肥臉,加無咩精神----簡稱....殘
February 23, 2007
就係呢集喇
第一次睇就係呢集,超低能,勁攪笑
February 22, 2007
Annual Appraisal
今日要到沙田做我最唔鍾意嘅嘢----Appraisal,下午4點幾到,之後等....等到差不多8點先見我,好彩我見到姐姐,就即刻搵佢傾偈同逗利是,話晒都第一年,一定要逗嘅!!jovy你逗咗未呀?不過最後都差不多悶死咗我,因為,真係係到齋等,咩都無做!!見完都8:15,即刻碌落cwb會合小寶寶,可憐嘅佢係條街等咗我2粒鐘,我哋就去ikea睇櫃,睇完即買,就去食飯喇,本來想食峰壽司,爆多人,最後小寶寶提意到火.間.土,好呀,我哋成日都想食.今日有機會喇!!其實味道唔錯,不過選擇少,而且價錢都比一般較貴少少,小寶寶話,我哋兩個人就嚟呢到,同埋朋友就去和民化算啲喎~
February 20, 2007
初三
如常工作,如常逗利是
February 19, 2007
初二
開工喇..........要返工喇!!!呢兩年返工收咗好少利是,啲人唔同晒喇麻!!今日可以收8:00好開心呀!!不過未放煙花,我哋就攪掂喇,搭車返屋企時先開始,今年睇唔到嚕!!
是日收獲
February 18, 2007
Year of the pig
祝各位,身體健康,心想事成,萬事如意~
February 17, 2007
年三十
今日真係馬不停蹄,因為有好多嘢要做,又有好多嘢要準備,首先要到街市準備這幾日的飯餸,買餸時見到人人都買花,我都想買啲返屋企擺吓,你睇幾靚,不過我想買嘅百合,一係超殘,一係未開,年初一就要開喇麻,未開嘅買唔過!返到屋企就煲湯同清潔吓喇,雖然前幾日鐘點來過,不過,都係自己再抹一抹好啲~
到咗下午小寶寶就返來了,我哋食咗少少嘢,就係到睇電視睇到十點就出咗去會合朋友睇戲,我哋今日睇<門徒>呀,係好好'ss睇架,未睇嘅朋友要快啲去睇喇!我都未見嘅劉華咁忟架,我覺得好好笑!!
睇完戲又係大家來我家作戰的日子了,每一年各位朋友都會去我屋企賭錢架!!大家都會玩得好開心架!!
亞play送咗fancl嘅納米卸妝油比我做新年禮物,佢成日話好好用喎,送比我試吓喎!!
February 16, 2007
年廿九
放工後一返嗱嗱聲換新床單,係我最愛的dot柄,嘩,好鬼靚呀!!宜家換床單要小寶寶協助我先可以換到,因為我唔夠大力,以前我一個人都可以換到,宜家真係年紀大呀,無力+無記性!!
跟住我哋一齊換我哋自己買嘅新銀包,你終於可以為我效勞喇!
準備埋明天用的新毛巾
February 15, 2007
小寶寶的愁人節禮物
過去的日子,都沒有挑選過禮物給小寶寶,只有她送給我.我都有好幾次沒有送給他了,昨天良心過不了自己,都是選一份吧,不過小寶寶是很難買禮物送給他的,所以我多數會選購衣物,衫點都會著,而其他,買咗唔用就係唔用.在公司找到這件可愛的tee
這個人骨tag好靚呀!!很特別的招牌
February 14, 2007
14/2 愁人節
今天要返工,所以沒有咩特別,不過公司啲女同事勁收花,而我當然無啦,我覺得收花係好麻煩嘅,除非送去我屋企啦,否則唔好送去我公司,又要我抬返屋企,又或者,抬住果扎花去行街.睇戲.食飯,唔覺好論盡咩?係公司威過又如何,花要等這個貴價日子才送嗎?難道平日送沒有了愛意嗎?這些錢我寧願食咗佢！
昨晚係咁玩終於將這條絲帶套在牠身上，以後這條絲帶就是係的,好襯呀!!不過還未替小熊取名(思考中)
February 13, 2007
假期一天
我好想剪頭髮,小寶寶在這個時候忙爆,當然睬我都傻啦!!所以早上call亞friend幫幫手,好快佢就同我攪掂咗,果然爽手呀~~
接住就出mk搵元鳳,搵完佢我就去ssp買我想買嘅嘢!!想買嘅都買晒喇--如下:
行到超級疲,本想行返轉頭買布,不過對腳勁酸軟,都是算了,不過回家後就後悔無買!!!!
回家後收到525的白色mini bear好可愛呀!!即時係咁玩,影,不過影得都唔太好!!晚上小寶寶回家後又叫我在廳找禮物,今次我一搵就搵到喇!!是這個......
剪咗頭髮喇,下次啲頭髮再唔識長,我就剪晒佢
February 12, 2007
亞bird好介紹
買了這個試下好唔好用,ok喎,其實我是給紫色的包裝吸引,打開後裏面個包裝仲靚,有好多星星月亮,好靚,這個包裝很好,在這煩躁的日子看見這些星星月亮,人都會開心啲!!
February 11, 2007
我們這一家
自從上次lunch睇過之後,一路都好想睇,因為真係超級爆笑,這個花師奶真係絕妙,而且配音都十分攪笑,加上花師奶經常唱<別怪他>好聽過(吳唱k)<----那個人~
最近返屋企勁煲.不過只限youtube,又唔係經常更新,所以有啲攪笑嘅睇完都唔可以重溫,這是繼櫻桃子後,我會追看的卡通
February 09, 2007
yeah~
今日即刻著咗新鞋
好早出咗去同老表攞嘢~跟住一路行落去cwb去果間日本書店睇吓有無我想要果本書,有呀,真係有呀!heeheehee,仲買咗啲,因為有呟都幾有用
今晚煮咖喱,買咗呢個新嘅,因為有個椰樹圖案,我覺得陣味好似咖喱薯片果陣味咁!
下午茶時食咗我最喜愛的馬蹄糕,我已經食咗一底喇!
February 08, 2007
I like brikenstock
這是我多年想買我鞋,早前這家公司說這個款已經停產了,所以沒期望可以買到,昨天見到亞姐穿了,她說是前一天放假買的,仲做埋vip,買嘢有10% 電視框..吓...咁低,即問亞姐借咗張vip今日碌去cwb買先!!sales哥哥話我要著38,會唔會太大呢,不過唔係喎37真係唔舒服呀!!買完行落一層去it睇睇,見到我上次想買果件衫又平咗喇,新年買一件衫先,而且件衫薄薄地幾啱呢啲天氣著~
買完去睇吓我本書返咗未,不過佢話無得返喎,比返錢我,我就換咗呢啲玩吓~
February 07, 2007
你愛她會這樣嗎?
友人前幾個月大鑼大鼓話結婚,連結婚相都製作得精美,翻看時完全感受到她甜蜜到漏,個多月後友人有親人離世,婚禮未必可如期舉行,當時我說:唔緊要,我會等你張餅咭架!(我衰到只要餅咭,唔要帖!!)事後友人消瘦,憔悴,無表情,當時誤解是她為了親人傷心得可憐~再過多一個月,我知道事情不是簡單的,我試探友人問:今晚煮咩餸比老公呀?她強裝微笑回答:好耐都無煮飯喇!!我知道她一定出了問題,不過在這個過程,我都不敢問任何問題,怕會在好傷口上灑鹽,每次只跟她說無聊的話題>今天她跟我說了過去的一段日子發生了令她最傷痛事,事情是友人的男朋友在準備印帖時出現了第三者,這個第三者比男年長幾歲,樣貌不可叫好,身材大件,這樣形容像一個中年女性,而友人瘦削,樣子甜美,是典型的少女款式,和男同年,大約26,她和男同居了八年,在這個年頭準備結婚,就在這個最後的關頭,男提出分手,友人被男一句:就算我同你結咗婚,都會係一年後離婚,再用傷盡女人心的說話傷害友人,友人最後決定離開男,友人認為男怎麼可以當作結婚是遊戲的終結呢?對男完全失去任何信心,完全沒可能原諒!!過了幾星期友人回男家收拾,無意中看見垃圾箱內有四個用後的袋子,發現男帶了那個女人回家幹了,她不想是四晚還是一晚幹的好事,友人只呆企在床前,望着她跟男影的結婚油畫想,那個女人跟男的怎麼可以在我睡了八年的床,和有我樣子的房幹起來呢?她真的傷透了,至這兩天男不斷找友人,友人一路避開,不接電話,而男更瘋得到公司找友人,友人噢嘆了一句:好在我放工走了.而友人說,男這兩天無數次的找她,好只接了一次電話,男只是想重修舊好,友人只想不跟這個男來往,她今天說:<我唔會原諒佢傷害過我,而我唔會比機會這個人接近,我已放低所有的時候,他來找我做咩呀,唔係佢玩完就可以返轉頭就返轉頭,呢個世界唔係我一定等佢架!>友人說起沒有傷心,不過我答:既然已經放低,做咩仲要提起呢個人呢你唔可以由得佢咩?回家路上我一值為友人經歷的事傷心,一邊想我自己亦曾當過傷人和被傷的那個,深知道這個是互相的遊戲,一旦其中一個成員離開,往後幾關唯有得被遺下的苦痛的過,而在這個階段,又不知要過幾多關才找到一個新的成員!!
February 06, 2007
流感針
公司有得比我哋免費打流感針,咁,緊係要打啦~唔駛錢喎!所以今日去咗中環打針,順便睇埋皮膚敏感,食蝦囉~有啲敏感位,好耐都無好過!
打完針我要去irene姐到食個通粉先,飲返杯咸檸七
跟住同小寶寶去咗行一陣,買咗啲毛巾新年用
返到去係沙粉仔抽咗呢個,係用呢放nds game架,有幾款架,一個可以放到3隻game,幾好喎,聽想放工抽多個先
February 04, 2007
又玩新嘢
lunch時行去冷舖睇書,買咗一本裏面有好多嘢我想玩嘅,仲買咗啲平冷,試下先~
February 03, 2007
吉吉day
約咗姚太今日去佢到吉嘢,不過我遲咗去,去到又hea一輪,好晏先開始,一開始我哋就用藥水整咗塊羊毛先,準備做杯墊,不過唔成功,姚太屋企無熨斗,而且好似唔係好痴得埋,跟住就開始吉其他公仔喇~我哋想吉松鼠果粒果子,其實叫咩名,諗極都諗唔到,不過我就好無心機,吉吉吓吉到唔同晒樣,而姚太就越吉越似樣~最後借咗亞b兩個橙做散銀包,不過都未ok,我就打包晒返屋企慢慢熨
進行中的果子
after
玩到亂晒
今日姚柏行唔知做咩,係咁打我同咬我,係呀,佢咬我呀,佢得兩隻咋,佢用佢果兩隻呀咬我呀~~我宜家仲好驚呀
February 02, 2007
ready 吉
我一心是想到sogo掃包包的,不過途中發現我唔記得攞sogo cash coupon,即時一沈,好彩去到見到,都唔係我想買嘅嘢,而且又無tc同une nan cool果啲款,所以都唔係好積極揀,買咗少少,揀咗啲簡單款,因為新年要著新架麻!不過以前細路女時好鍾意lace果啲款呢,不過宜家真係怕怕,覺得好鬼核突~
買完嘢去咗裁縫舖,為咗可以明天同老表一齊吉,我買多枝吉吉針,同老表最愛嘅綠色~
執咗好大袋呀~~要瞓先喇,唔係無精神吉----------
February 01, 2007
bus
尋日跟兩老表道別後,自己行去搭巴士到尖尖,剛到站的是一輛沒空調的巴士,我好耐都無坐過這種了,有點親切開心呢,不過我想只有在這種天氣下坐好了,若是夏季就不敢想像.不過如果比我揀我會想坐無空調的多點,因為我覺得空調太局促了,若是上了一輛不夠調節的巴士,更是想把我局死吧!