ssp尋寶記
話說我同老表都好想買布包鈕,所以我哋決定去睇吓,其實係搵到,不過無我哋想要果啲款,所以算了,不過我麵買咗好多嘢!最開心係可以係鴨記買到我一路都想買嘅拖板,買咗啲布,買咗好鬼多鈕,仲係西9買咗羊毛!
仲有老表送的小bird仔,靚爆
行完我要到尖尖等小寶寶,買咗啲嘢,特平,平到我都o咗!
行到搭船時見到換咗新年佈置,好靚呀~~可惜我無帶亞娟出街吖~
« December 2006 | Main | February 2007 »
January 31, 2007
January 28, 2007
美好的一天
是日休假,只想好好的在家休息,一點多睡醒了,看到有條彩虹在我的頭頂,很可愛喔~直覺是上天給我的鼓勵,就這樣,我說了一句很日劇的話:我今天要努力呀~,不過在家休息,你努力咩呢,傻婆
January 27, 2007
壽司夜
放工join小寶寶& friends食壽司,大家想試啲未食過嘅壽司店,選了羽壽司,再有機會我都唔想再食,品質一般,不過服務態度真是欠佳呀,仲要盛惠位位兩百,無需多講下次唔食
January 26, 2007
睫毛長又長
呢支嘢真係唔講得笑,真係好長,我買咗都有一段日子,不過都無咩用過,最近執嘢時,想用晒宜家買落嘅化妝品先,唔好浪費晒啲嘢麻~~~
真係幾長喎!!
上次亞milk請過我食的話沙be紫菜,好味道呀,話沙be加上紫菜,最佳之配搭,不過千祈唔好食咁急喎!!我只係得呢幾包,其他果啲小寶寶比咗kenji呀,我知,我唔食得呀麻,所以我今日係公司食晒佢
January 25, 2007
悠閒的一天
今日可以瞓到12點幾,好開心呀,真係好少可以瞓過12點架!起身後係咁係屋企織...織...織...終於完成咗前幅喇!到咗4點幾友人到了,她們要來找我帶路呀~
首站dot dot house,無嘢買,不過裝修得好靚,裝修後我都係第一次去
第二站silly thing house,個人認為,無嘢睇
尾站flowers house,有啲嘢睇,因為減價,all item 50% off,tee 30% off
行完送咗佢哋搭車,我就去咗學織冷衫,織埋隻袖呀麻!返到屋企瞓咗一陣,瞓得夠,真係靚架喎!!
8點幾就比小寶寶call我去睇<血鑽>嘩-----要推介比你哋睇呀,係好好睇架,兩個鐘完全無悶場,睇到我一啲嘢都無食到呀!!真係boom'ss好睇!!睇多一次都制呀~~
dindin食咗個烏冬同呢個,大好味呀!!
January 23, 2007
奉命製作中
放低咗呢條嘢年幾,老闆小寶寶叫我織咗呢個先喎!!五顏六色的頸巾~
January 22, 2007
亂晒
我間屋週圍都係衫,仲要好亂,完全無意識去執
用完啲袋亂放
梳化側,大大堆
廳一角,又一堆
未洗,洗咗又一堆
我無位擺衫喇!!
January 21, 2007
的起心肝
因為亞娟都好耐無換衫,之前買咗啲衫,有好多都無著,所以放工戚起條根,同亞娟同埋金小姐換衫
小寶寶居然無叫我換過第二件,佢幾接受到呢件衫,只係話條裙會唔會凍親亞娟啫,
因為亞娟著咗真你好可愛呀~~
而金小姐呢套勁襯佢呀!!!!!
January 20, 2007
廟街之煲仔飯
放工後去咗廟街食煲仔飯,好耐都無食過喇!!都有兩年無食過!!!!!不過今晚嘅煲仔飯完全無風味,又唔太出色,好似蒸飯咁!!好在可以飯到支玻璃大cola啫~
係叫嘢食時出現咗啲爆嘢,我哋想食炒蜆,但係唔知點煮好??!!
落單亞姐操不流利廣東話道:食瘋狂炒蜆啦~
小寶寶答:吓,有幾瘋狂呢,好試下先!!
究竟瘋狂炒蜆係咩呢?各位朋友試下估喇~
January 19, 2007
training後
我放假仲要training,呃我假!!!!!!不過都係30分鐘嘅事,training後到裁縫舖睇下我訂咗果啲嘢返咗未,仲未返,要月尾先有,咁,就睇下其他嘢啦!買咗幾塊布,幾靚架,不過都係唔平,仲買咗個吉吉板,我有同事話呢個仲好用(哈哈,已經有人比我感染咗喇!)又平$21試下先~仲買咗個波波,因為出面啲蛋蛋有小孔,而呢個都係$5蚊雞,事但啦!
而上次上網見到銅鑼灣都有書店買織織書,所以摸去睇下,又買咗啲呀~不過同出面唔平得好多,勝在呢度多款睇,五花百門,agnes你可以睇下呢間呀,有啲整bear bear嘅書架!
地址:
January 16, 2007
心仍然傷
昨晚哭得太緊要,今早雙眼腫起來,還帶點痛,跟我的內心一樣,我跟小寶寶說這件事,記憶一一都走出來,他知我真係好唔開心,所以我想點都可以了,不過我沒心情跟他玩這個呢~
好欣賞呢系列嘅,又平,又簡單易明
今天到了尖尖睇編織書,有平有貴的,最平嘅都只不過係$10,都幾平,買咗都幾多,不過今次買鉤針多,因為呢幾本內容都幾易明,行咗一陣,到中環會合小寶寶落cwb睇rocky.....我唔鍾意睇,又唔覺得好睇,我仲睇睇下瞓咗,真係失禮晒
January 15, 2007
我所愛的都離開了
今天又收到一個唔好嘅消息,sammi因為心臟病而離開咗,這個傻妹仔真係好傻的,而且很可愛,每當我叫sam kiss me 她就錫我的咀,感覺的確很奇妙,叫佢鍚你就錫你,最喜歡人摸她的肚肚,最記得她偷薯片食,搶榴槤食,真你勁攪笑,最可愛的是,她好像經常望住你笑咁,不過現在只有回憶吧!!
January 12, 2007
回味
我係好鍾意食啲港式小食架,魚蛋,砵仔糕,腸粉,碗仔翅.....今日早餐食咗呢個,不過不及細個係街邊剪果啲,分別真係大呀..街邊果啲始終好味啲嘅
January 11, 2007
打邊爐
放假嘅大日子,我成日都係屋企織冷衫,到咗七點就出街喇,因為今晚約咗朋友食飯打邊爐,未夠鐘前我同小寶寶去咗行街街,係citysuper食咗個製作好得意嘅雪糕,係將係所選嘅材料,好似日式鐵板燒咁炒埋一齊,不過係凍架!唔好以為係熱食喎~
仲買咗平靚正的mj眼影呀!
January 10, 2007
電話的問題
大家如果有我嘅msn都知我要各朋友send返啲電話比我,不過我忘了有好多朋友都無我嘅msn嘅~所以如果未send返電話比我嘅朋友,可以send e-mail比我or add我嘅msn呀---prettychingching@hotmail.com
點解我會無晒朋友嘅電話呢,話說我要由星期天轉到聰明通,小寶寶已remind我攞張咭去聰明通攪攪佢,不過又懶又忙的我,忘記了,所以舊咭的記憶全部無晒,所以,朋友你要記住喇喎~
January 09, 2007
從北京來的新朋友
今日要去睇牙,所以要過大海,順便去搵sa姐,佢早兩日打比我話今日會返工喎,係舖到仲識咗從北京來的karen,佢係靚女嚟架,仲聽得明我啲咁爛嘅國語添,真係聰明呀!我仲比咗個e-mail佢留返個聯絡添~
夜晚去咗睇nana2,...我覺得好悶囉,佢係跟住漫畫咁拍,不過,劇情真係悶那個奈奈,真係把幾火,樣衰到爆,又係到扮可愛,又瘦到唔靚,真係頂佢唔順,我真係幾想睇到上一集嘅宮崎葵!!而且今次啲人換晒,又要重新認識過,不過好就好在伸夫無換到,仲型咗添,!不過,奉勸大家別其望太高~
January 08, 2007
正確嗎
早兩日神婆亞e話我啲水晶放得唔啱,宜家得未呢?大約45度得未呢?
January 07, 2007
多咗一位小姐仔
小寶寶個舅父生咗一個囡囡,呢個未夠一個月大嘅人仔,都唔太討厭,對,各位,是不討厭的,因為本人對小朋友有一定的抗拒,因為我是怕小朋友的,很悲呢!!不過這個一見到我就同佢講嘢嘅小朋友是女孩子吧,又或者我是喜歡女孩子多點呢!!不過這個女孩子好細粒,相比肥仔嘜,真是XXL VS XS,肥仔嘜真係巨咪~
今天為了這個小朋友特地到荃灣拜祖先,之後返屋企食飯,飯後跟婆婆,奶奶,同舅父打咗1個東,我輸咗80雞,傷咗銀包,但是很開心呢~~
January 06, 2007
得得地喎
放咗啲水晶柱,感覺好咗好多,而且係放做咩都好似順利咗,不過財運還是欠佳
January 04, 2007
wii
原定約咗亞e去佢到,不過原來大家都會錯咗意,下午約咗係潮樓飲茶,攞我果啲水晶,跟住我本來好想去亞e到睇下佢果啲陣,不過敵不過同老表行吉之島,最尾都係同老表行街街,放棄咗去亞e到,行到咁上下肥仔嘜少爺要返屋企飲佢支勁奶,所以上咗去老表到玩wii....初次玩已經覺得好好玩喇!!小寶寶唔知幾時買比我玩呢?
練緊yoga嘅肥仔嘜,超攪笑
玩到癲咗,比人影咗都唔知
January 03, 2007
好邪呀~~
話說我對面有個八卦對住我間房,我個心唔係好舒服,不過計計下住咗咁耐又好似咩都無好過,可以叫做行衰運咁濟,所以唔得,我決定要化咗佢,請教咗我神婆亞e,佢叫我放啲白晶柱係窗邊化一化佢,我星期四就去攞,睇下咁會唔會有轉機先
January 01, 2007
2007-01-01
過去的一年,我過得一般,不見得特別好,但一定是差的,雖然有開心,不過,不開心的比例居多!!不用特別多提了,來年我希望得賞所願,生活過得好一點點,我--就是這麼簡單,
今天上網時,看見點手工,可以製給朋友,而很有用的,所以我食lunch時到冷舖選一些合適的顏色準備
仲買咗一枝兩頭勾針,我覺得幾好呀,兩邊都可以用,而且唔同m的,雖然我情有獨鍾clover的五顏六色勾針,不過這個比較實惠
