迎接2007
就在2006的最後一天,我們就約了朋友睇<傷城>,這一年的最後一天在戲院中渡過,不過我覺得幾唔錯,因為可以兇街之餘,亦可以唔駛同人迫,睇完戲都過咗12點喇!我哋就去咗天后食飯,跟住就返屋企喇!!過度就是這麼簡單---
仲可以行到街,去無印買咗幾件平衫衫
« November 2006 | Main | January 2007 »
December 31, 2006
December 30, 2006
mj睫毛液
亞詩尋日call我約我食lunch,所以今日返工前到cwb搵佢喇,佢送咗個mj睫毛液比我做禮物呀!好在上次無買到,好開心呀,我真係好鍾意呀,因為我之前都好想買架!!今朝仲收到裁縫舖電話通知我訂咗啲嘢到咗,所以食完嘢上咗去,仲買咗我上次睇書想買嘅冷,原來好細個架,好得意呀,不過都貴貴地架~
今日網絡終於好返好多了,heeheeeee
December 27, 2006
stussy手套
我上次見到已經想買,不過好似貴咗啲,今朝出cwb買雜誌,見到唔係貴,買咗先,其實幾底架,
而且質地同款都唔錯,好鍾意呀~
December 25, 2006
so tired
尋晚玩到六點幾至走人,好疲喔,一路瞓一路勁頭痛,仲發惡夢,夢到搭巴士時成輛巴士起跌咗落海,即時嚇醒咗~瞓到12點我同小寶寶都瞓唔到起身食嘢,不過好疲大家都唔願郁,無落街,到咗夜晚煮晒屋企啲嘢食
December 24, 2006
X'mas party @RED BOX
YEAH~~~~~Merry christmas
我連續放兩日假呀--24 & 25好開心呢~不過24小寶寶要返工得我自己一個人係屋企!我今日瞓到差唔多一點先起身呀,好耐都無試過可以瞓咁耐喇~起身後就落街買嘢食,然後返屋企狂睇電視,係唔知有咩睇嘅情況下我係now係咁亂按,按到劇集台,做緊女系家族,原來幾好睇架喎,本來我一路織緊嘢,睇睇下都停晒手喇!!到咗10點度就出發去灣仔會合朋友開party喇!我去到啲朋友仔都到晒喇!今晚係勁飲之夜,個個都係咁飲.本來我講好咗每人買$50至$100蚊嘅禮物抽獎,不過小寶寶話唔會有人理我喎~所以佢無通知人買,激氣呀,原來個個都想玩架,有兩個朋友仲買咗禮物到場,真係唔開心呀,無得抽!!!不過大家都話31去我哋屋企再玩過呢個遊戲呀,好嘢!!
party set的眼罩,好靚呀--亞妹我攞咗一set比你呀~
影得幾限相咋,有啲走咗.有啲就貓咗~
玩到七點先返屋企...我都開始貓喇
今日著咗我年年都著的聖誕老人襪,so cute ar
December 23, 2006
又買冷
買咗兩個價值$10嘅冷,灰色果個要織比亞娟
December 22, 2006
買禮物..heeeheehe
今朝返工前去咗買禮物,本來我今年唔係買禮物,而係做禮物架麻,不過真係失禮我一樣都無做,因為我太忙喇~不過我會補返比係哋架,朋友仔~而點解要買禮物呢,因為24/12小寶寶有個女朋友生日,而佢又話準備咗禮物比我哋,所以買咗個cutie暖水袋比佢呀.我仲買咗啲比其他人,返到屋企我就話比小寶寶知,呢份比邊個,呢份又比邊個咁..不過數完晒,小寶寶就話,亞妹呢,點解亞妹無架,我話睇唔啱呀,連小金都有,亞妹就無呀..咁即係叫我買一份比亞妹啦,亞妹後補可以嗎?(不過證明佢都幾鍚我亞妹喎
)
sogo買的好味批
December 21, 2006
小寶寶的聖誕李物
今次我搵唔到禮物,要小寶寶比提示,因為我真係估唔到佢買咩比我架,我只係知佢應該會買禮物比我,不過我一路都估唔到,佢好有性格架,又唔會問係想要咩,又唔會問你鍾意咩,佢只會買佢覺得靚,而我又會喜歡嘅嘢比我,今次呢個真係好有驚喜,我真係估唔到佢會送呢個比我囉,不過我真係好鍾意,實物仲靚'ssss
December 20, 2006
心情差'但得到點點幸福
這幾天都係唔開心,因為工作,因為自己問題,因為......好多因為....
不過少有的,是小寶寶跟我說了一些支持的話,回來時更是給我一個溫柔的吻,立刻覺得自己幸福到不得了,睡醒後還給我穿上的最愛的河馬仔晨褸,完全沒用過自己丁點力水,殘廢般--晚上入睡更比平日抱得更緊呢!其實他是很錫我的,不過不是流露得很表面,而是收於心中....
臨瞓前更醒了一支我愛的鮮奶hohohohoho
December 19, 2006
唔想返工
我一向都唔鍾意呢份工,我可以唔做咩?我出到去又可以搵返咁嘅人工咩?點解我有啲咁嘅同事,做間咁嘅公司,我都仲可以忍受呢?我是太逆來順受了嗎?
我想做一份我覺得開心我工作,只係咁簡單..........
December 18, 2006
day off
我今日約咗sa姐到舖頭聚下,佢話好耐無見我喇!!我哋又係咁傾,傾到又唔知時間,比小寶寶吹我返去食飯我先捨得走~今日買咗啲聖誕衫比亞娟,不過未得閒換呀,好靚架!!係我去到時行咗出去睇下嘢,原來我以前同事間舖就係同一層,其實我一路都唔知,係佢見到我嗌我,我同佢又係咁傾,佢話我靚咗,我就話,我唔返工靚啲架,因為我出街都會打扮吓,返工就唔會喇~
我一路想買啡色眼影,行過見到呢個ok,而且唔貴,買滿$200仲有閃粉送,所以搭單買咗盒烟脂
仲買咗個小朋友呀~亞茄你買咗未呀?
December 17, 2006
So Cold~~
返工時見到呢個轉緊喇,我只係想坐摩天輪,其他唔玩都得~
今日真係feel到冬喇!可以著我件靚靚羽絨喇~~呵--呵,真係好暖架!
December 15, 2006
15 dec
終於可以係屋企休息,我就係屋企執嘢抹嘢,然後就開始織埋件衫,又一路睇vcd,不過織織下瞓咗,所以都係未織好架!實比小寶寶鬧我喇!!夜晚又係咁織,不過都係完成,因為之前我織錯咗要慢慢度返啲位~
準備好做禮物嘅材料,我會努力架
呢幾日都勁燒呢個--香噴噴
December 14, 2006
小禮物
好耐之前扭小寶寶買呢個嘢食,佢就話聖誕節先買比我食,宜家有得食喇~不過比佢拆嚟食咗先~
December 12, 2006
被迫出街
plan好今日係屋企織織織,尋晚返到屋企想玩香薰,點知原來屋企啲臘臅無晒,把心一橫今日出街買,順便約森森今日聚下,我哋去咗cafe飲嘢,傾咗個幾鐘佢就話佢有嘢做走喇喎....約咗friend就真喇,返咗咁多日都唔搵我!!佢都唔好阻我,我要快啲買嘢就返歸~行晒cwb嘅i.t.睇下仲有無果件背心,不過都係無,但係買咗兩件平.靚.正.嘅冷衫,質地真係好好架!
去裁縫舖睇下我本書返咗未,到咗喇,仲買咗藥水,同埋咗啲set裝嘅棉棉,不過無喇,如果想買嘅朋友要訂喇~
就係呢舊嘢拎到我死死下~
December 11, 2006
見工先
今朝到百老匯見工,好多人,等咗好耐,分組會面,不過比個麻難奴搶咗啲問題答,我就咩都無講,好似百走咗一轉咁.唔係好底~見完工就走咗去尖尖行一陣,想去i.t.sales shop,不過無嘢睇啱,所以週圍行,行去i.t.想買我上次見到嘅雪紡背心,不過無晒喇!買唔到喇!!上次仲同老表講,減價買底啲,宜家咩都無喇!!上次睇雜誌介紹身體店嘅聖誕香薰爐好靚,原本想買金蘋果果個,不過原來用鐵做,燒起上嚟會勁熱,感覺上唔係好安全,最後買咗呢個呀!仲買咗我勁"sss喜愛的oceanus香油,會員有10% disc架!!經過vcd舖做緊88折,特價嘅都有,所以買咗呢啲為明日留家做好準備~
走時同亞娟影張相先--好靚呀,夜晚開咗燈一定仲靚
跟住搭返船過海返工,點知個碼頭搬咗之後行到死死下,攪到我今日返工遲到~~
December 10, 2006
謝晒
成個人謝到無晒mood,返工仲要睇那個自以為事的女人面色,我同佢又唔講嘢喇!!前幾日係我唔想講嘢,而唔出聲,到呢幾曰佢情緒又唔穩定,我就理都唔理佢,今次係我唔同佢講嘢先,我想佢知道,唔係得佢有情緒,我都有,總之我唔會理佢!!
今日即刻用咗新嘅冷帽
今日食呢個早餐,勁滿足
print咗好多張嘢,搵份好工先
夜晚daddy買咗燕窩比我做宵夜..好滾動呀!!
December 09, 2006
貧血
一早就起咗身,想瞓晏啲都唔得..死未!!就入元朗攞返條裙,去完好疲!!係cwb落車,一落車就去裁縫舖睇下我訂咗啲嘢有未,順便買啲工具做啲禮物喇!!睇睇下又見到agnes呀!!我又撞到佢喇~有緣的朋友,我哋就一齊揀,一齊睇,開始我哋嘅吉吉遊戲喇~~好開心呀~~買完嘢我哋就分手喇!我先去無印買啲零食,再去星巴克坐住等小寶寶放工,我又係到織嘢,係咁織~之後我哋行咗陣街,買咗一頂好靚嘅冷帽同一把swimmer遮兩樣都好平架!!
仲買咗兩本書學習吓
December 08, 2006
攪掂
好努力咁終於織好喇!!我靚'ss呀!
December 05, 2006
恐懼鬥室
組了團睇恐懼鬥室,我覺得唔好睇,唔恐怖,只係血腥,其實我有資格做護士,因為咁樣我都照食可也,利害~
是日收獲----
靚靚冷衫
asknowas羽絨
December 04, 2006
嘩----好靚呀
上次我係學織冷衫果度(即係我屋企留下)睇啱咗呢隻冷,不過百幾蚊一舊.boom'ss貴,織一件衫要千幾蚊,唔值,好唔覺意比我係公司附近間冷舖見到,標價$100一個,不過個sales姐姐認得我,收我$90一舊,係平咗,不過都係織條頸巾算喇,但係織衫真係好靚架~~
December 03, 2006
今日下廚
小寶寶懇求咗我好多日放假煮飯,所以我哋一齊去買料,買咗一啲有手掌咁長嘅大蝦,好好味呀---我煮得
不過食完敏感生咗上臉,慘,唔知幾時好
December 01, 2006
閒走
今日返工前到裁縫舖訂啲吉吉嘢整聖誕禮物比朋友,咩都無買到,淨係訂完走人,去咗sogo睇玩具,好想買森林家族呀~~
最後買咗我上次睇啱嘅間棉袋,仲減緊價,其實呢個係童裝部買,係for mami用嘅,不過比佢嘅棉吸引咗,仲買咗一包哈哈笑襪比肥仔嘜~