行雞雞
上星期已約咗肥嘢同肥仔嘜去again city(kanby提供的新名字)買聖誕嘢,原來同小朋友出街真係疲'ss死,佢耗盡了我的精力,我哋行咗好耐,不過都係好似行唔晒咁,因為湊住那個小鬼,行程慢晒!!
去咗rice paper tea,裝修好靚,不過食完勁口乾,很多味精喔!!
連台底都玩埋
你諗咩呀??肥仔嘜
買咗呢啲,可能心情未係好好,所以都無咩想買
買咗一個車厘子啫喱,好似好好味咁喎!
« October 2006 | Main | December 2006 »
November 30, 2006
November 29, 2006
新到的熊寶寶
兩個好似樣喎~
今天到郵局取件,收到喇,525的衫衫同小熊,今次仲訂埋小熊轉用的噴霧呢!可以keep住小熊的那股幸福的香味
了!!
謝謝各位的支持留言,今天好了很多了,可以食返多啲嘢,我會努力keep fat架!!
November 28, 2006
今天
眼睛痛到boom'ss
織好了一樣
想再哭哭,看這些,能夠嗎?
今天有個男同事說我今天不同了,迷人了,我說--失落的女人特別迷人
November 27, 2006
給老老
晚上森森又再致電我,通知我他6號會返香港過聖誕,他便問我昨天的問題,今天我想通了,我和他說出了我心想的,我已明白到以前做過的不行,現在再做都是不行,以前犯過的錯,到今天沒可能當沒犯過!!我很清楚現在的位置,現在的界線,是我不可能超越的!不過森森混亂中我說錯了,我會不讓他知道,但是他會知道的,因他都是我blog的粉絲,他會來看我的blog的!不只是你這個笨蛋!!所以現在我都在這裡跟他說幾句--------
我明白現在你的心情比我更差,我明白我現在說這些可能對你造成麻煩,但是其實這幾年,我是迴避跟你見面的,因為這幾年我還是不能放下那幾年的快樂,現在的快樂都很表面的,很少由心裡開心出來,因為這幾年我過得真的不快樂,人年紀大了,清楚自己要行的路,我知道我走錯了,但是這條路,我不能走回頭,我只能夠繼續向前走這條令我不快的路,在路上我幼稚的以為這條路始終都能通往你那邊,還會期待你會在路上守候着我,但是,原來我錯了~其實我很想不跟路標的走,亂闖你的路,不過我不想影響共你同路的人,所以我站在遠處等着那個人離開,不過我很傻的以為你沒有同路的人,便會找我,我沒想到你都可以找其他人跟你一起走,路上的人那麼多,你大可找個有興趣的,不一定是我呢!!而且你跟那人,比我們當年更合拍,更幸福呢!!我現在知道我的路只有我,再沒有你的腳印,就算我迷了路,怎麼的呼叫,你都沒可能出現了,我只好在這條路上回味之前走過那幸福的道路,始終我都幸福過呢!!今天看到了這隻眼睛,那天你替我剪下那一隻我還保留着,想起都甜蜜的,今天我只有苦澀的自己剪剪吧!!謝謝你愛過我
November 26, 2006
謝謝
謝謝各方好友致電問候,各位朋友在blog內留下支持的說話,超級感謝!!
今早收到森森那個笨蛋越洋問候,我立即聲淚俱下,我想在他肩上哭上一個小時,只可惜他都不能來到我身邊,但他說可以開眼仔借給我,森森你是玩嘢嗎?不知如何,每次我聽到森森的支持說話,我整個人都放鬆了,可以heehee的笑幾聲,你真有你的辦法~今天傾上了個多小時電話,(森哥不要fax張單比我)我又再次說起尋日跟亞詩說的傻話,他叫我要自己選擇吧!!其實我只顧着哭,當時真的不能回答,只有他在說說說,不過現在我想答,就算我還是喜歡,又可以怎樣呢?我不會再做那些壞女人做的事了,你到了現在偏體傷痕回到人家身邊,你想過別人會為你療傷嗎?不要想得太多了,最主要是人家心褢已沒有了你...有的....不過什麼都不同了!是你先要離開,是你錯過了那珍貴的機會,在這個時候他可接受你嗎?我很明白我現在不可以再做什麼,我們還是做朋友對我比較好點!!但是這麼多年我都不能忘記他,是我長情,還是耐久呢?
不過跟你掛線後,他打給我,令我即時再哭得更行利害,我今天眼睛又受罪了~~
November 25, 2006
不爽
尋晚四點先落床,今朝就晨咁早起咗身喇!!因為我都瞓唔到,我一合埋眼就想起我的松松仔,起身時看到自己腫爆那隻大眼,都沒有感覺了,在便便的時候,剛剛小寶寶站在我前面,我的頭靠着他的肚子,就這樣眼睛不受控了,哭了一陣心情好像好了,不過靜下來時又很自己的淚留滿面,我便立即在家做點家務來令自己的心情轉移,不過心底裏還是痛着,做好家務後停下來,雙眼都依舊照樣流淚,我要令眼睛好過點,不能再哭了,我開始織冷衫,不過我一路織,原來一路都織錯花,我就上網睇電視,不過今天沒有朋友在線上,我都想不到,我可以再做什麼了!!
今天的成績
哭了兩場大
不停的眼痛
用了一盒面紙
下午打比亞詩訴說時,我還不清醒的說了一些傻話,亞詩我都覺得係,自己造成的,多謝你的開解,不過我還是耿耿於懷
November 24, 2006
原來你真係想見我
收到文仔的電話,佢通知我松伯情況唔樂觀,我知他是時候了~~我不知道是巧合還是什麼,早幾天的日記就記錄了我夢了他很多次,可能就是他召喚我去看看他吧,不過沒想到他是叫我見他最後一面,我收到消息,心情都不能平伏,在公司做留了好多嘢,唔係我仲可以早點到達,去到時他還同我有眼神的接觸,他應該知我到了!便隨隨的休息一下,我知道他一定是很痛苦,不過還撐得住,我就輕輕的摸他的頭,慢慢到身體,不過再摸下去,不能了,全部是骨,沒有丁點肉,比我想橡中還要差,體毛都長不出來,真的心酸,我真的不能做什麼,不停的哭,我想他好過一點,都沒可能了,我又不敢抱起他,我怕觸動了他痛的部位,他在文媽媽的懷中,沒力氣的叫喊,到了他們決定解決時,心情反覆不能說,到了醫務所,他表現得疲倦,軟弱,醫生替他打下那針,大家都不能了,而醫生說他的反應很大,我心想,他可能是捨不得了,見他靜靜的離開,心裡放鬆了一點,不過還是不能停下那兩行淚!!
接觸過他的朋友都知道他是非一般的狗狗,擁有人性,善於鬧人,不過他在我心目中擁有一很重要地位!!
我都不能再打了-----------------------------------------
原來只有一張合照
.....................................................
November 23, 2006
被踢入會
早上約了亞詩食個早餐,比啲嘢佢,食完她要到sogo攞書,我就買咗一本織小朋友衫的書,之後佢話帶我到一間上樓手工店,我同佢係咁揀,仲被人踢咗入會,因為入會至有折,所以就範了~今日都買咗幾多嘢!!
November 22, 2006
又敗家
今朝又頭暈暈,我知自己有啲病,係小寶寶傳染我的~~下午去咗深水埗買咗啲花邊同埋鈕配返啲冷衫~跟住開始我嘅尋找franche lippee之旅,去咗聯合搵,搵到一間,果間嘢一向都買日本衫,不過我好耐無去喇!以前我讀中學時都間唔中有去買嘢,佢都有幾多選擇,不過有好多我都有喇!所以買咗件紅色褸,呢件嘢我好鍾意,因為係紅色,不過都唔平,但係係我預算之內,不過果個姐姐唔係好肯平比我!!算啦,我睇過如果咁上下款,7算,價錢都係咁上下!!仲買咗條one-piece,買果陣個姐姐仔話係日本牌子,不過我返到屋企睇清楚,原來made in korea,我唔介意,不過覺得有啲被騙!!
跟住去埋mag到換禮物就返歸喇~
November 21, 2006
嫁咗一個女
我一向都唔想賣佢哋,不過佢我寅係完全無理過,而且我覺得我都唔掂佢,所以我想佢搵頭好人家,嫁咗佢!!
我都無咩同佢影過相添,真係對佢唔住,所以個豆千代2我都唔敢拆住~~
希望你住後嘅日子會開心啦
byebye喇亞彩
放工去咗睇<德州電鋸殺人狂-成魔之路>好血腥,我都好驚,亞play仲驚過我,係到問我:
play:點解你仲可以係咁食爆谷嘅??
me:我都唔想架,啲爆谷好食到停唔到口!!
跟住我哋笑咗幾聲,係咁恐怖嘅情況下,我哋笑咗出嚟,人地可能覺得我哋仲變態!!
November 20, 2006
又買冷
今天返晏,朋友介紹咗cwb嘅冷舖,不過唔啱心水,都係去咗巴黎睇,買咗咁多,不過每個都係十蚊,而且質地都好好架~我要織多件衫比daddy同肥仔嘜
不過daddy就話我咩都未織好就買咁多冷喎!!
November 19, 2006
丁丁仔
早幾日織嘅頸巾仔,由丁丁示範
November 18, 2006
終於係屋企喇
今日起身果陣頭暈暈,暈咗好耐,再瞓返,諗住去搵肥仔嘜,不過發現原來婆婆無帶鎖匙,我驚佢無屋企返,所以決定係屋企等佢,加上我個頭都未暈完~到咗點幾鐘我奶奶打比我,,話婆婆無門口入,所以去咗大舅父到,唉,咁我都安心啲喇!!咁晏都唔出街喇!!諗住執好嘢就落街學織冷衫,不過落到去佢休息食飯,咁我就買嘢返屋企煲湯喇~煲好湯吸埋塵就落街學織嘢,學咗一陣,見到有啲特價冷,買咗少少,heeheehe
買咗啲好新鮮嘅士多啤梨
八蚊雞買咗個靚靚量杯
今晚啲朋友又來我家打機喇~~
November 17, 2006
你好掛住我咩?
最近連續幾晚夢見你,你係咪好掛住我呀?其實我就好好好好好好好好'sssssss掛住你呀,你係咪想見我啫?
November 16, 2006
i miss 薯餅
好耐..好耐都無食過薯餅,朝早11:00am有training,我趕唔切食早餐,就去老麥買咗個餐頂當上車食,下次我都要食薯餅
放工後小寶寶約了朋友去tst k2,又係果班男人買衫,又係左揀右揀,又係勁買,其實我覺得家下啲男仔買衫都買得幾勁,有時仲勁過啲女仔~我同亞play(朋友仔個女朋友)就呆等,早知我同佢行雞雞睇boot喇!!,大家都好想買boot,錯過咗個好機會添!!
me & play
小寶寶今天在朱古力買的頸巾,我覺得好靚喔~仲勁'ss平
November 15, 2006
貧血中
早兩曰carol又call我話我要嘅嘢到咗叫我去睇,所以今日放假又入去放血喇!!我仲約埋小燕一齊添~好開心可以見到佢呀,我哋係咁傾,係咁比意見大家,揀得好開心呀!!不過我開始貧血喇!!而且這個冬天嘅衫都差唔多喇!!
本來一心是買legging的,不自覺下額外買咗衫
我哋唔係行咗好耐,不過就好開心,因為小寶寶又係咁吹我出返城,我就要趕返去喇!!出到cwb是要幫手提轉台嘅,不過去到又話唔轉住喇喎!!跟住去咗k2,因為做緊vip presales,我就買咗一件衫同一條褲,好開心買到這條肥婆褲,可以襯到boot架~
最後同朋友食完飯就返屋企喇!!
November 14, 2006
我愛貓頭鷹
我買咗喇...買咗喇heeheehee我真係超級愛佢呢!!今日返工前去睇下,但係真係好靚,所以我買咗喇!!我未咁快用住呀,想新年有新銀包用,所以留返新年先拆啦!!我今日仲買咗好多嘢呀!!係出口店買咗一條燈心絨褲比肥仔嘜同買咗條雪花圖案褲比自己係屋企著!好靚呀~~
跟住去咗無印買底衫,再去買文地的新書,佢又出咗新書喇,係講佢自己嘅生活~
再去it買咗一條Legging,有款的,好型仔喔~~
走時經過beams,比這個毛毛耳吸引住,入去睇下得知二百幾蚊,而且係兔毛,好軟呀,我好鍾意呀!
November 13, 2006
13 nov
叫daddy同我影張相,佢影成咁!!!!
November 12, 2006
好舒服呀~
今日去咗石澳曬太陽,好舒服呀,因為有風又有太陽,最好係無咩人,不過有好多外國人,我就比我隔離個鬼妹吸引住,佢無時停,係咁週圍走,仲唔著衫週圍走,我影得都唔夠佢走得快,影得一張最好都係咁
仲有人係到堆沙比賽,不過我走時都未堆完
夜晚朋友仔&佢女朋友來打邊爐,佢帶咗佢個女來同亞娟玩呀~~
November 11, 2006
又出血
下午食飯後想到公司附近冷舖買啲冷,織啲頸巾仔比身邊啲小朋友,不過買咗一啲織比自己,我好想織啡色頸巾呀,今日找到啱心水喇!!今晚要開工先~
跟住到朋友個朋友間shop打個轉,又比我買到一條正正連身裙,好靚呀~~仲好舒服架!!
November 10, 2006
新衫衫
本來要頂亞姐返工,不過最後都偽唔駛喇,我可以放假喇!!所以下午約咗maggie係元朗食嘢同埋去carol到!!我哋係咁叫carol攞晒啲衫出來,係咁試!!因為我同maggie都比較大隻有好多嘢都唔啱,但係,我相信我比maggie更肥囉!!我自己覺得啦!!
買咗呢啲同一條頸巾
好佩服呢條頸巾嘅設計,左右係唔同花架!!我同mag都好鍾意呀,最後佢讓咗比我買,thx baby
買完嘢我送咗大肚mag(佢個肚真的係大咗,好攪笑)搭車,我就走喇!買完嘢我都好疲喇!搭車到銅鑼灣買啲屋企嘢就返屋企喇!!不過係車到話要去無印,最後因為老人痴呆,唔記得咗!!
November 09, 2006
Thank You Very Much,
小寶寶無啦啦買咗呢件衫衫比我呀~~~雖然只是tee,不過我都好開心喇!!謝謝呀!!
下午到化妝玩完後買咗啲化妝品,
老表同你買咗呢個呀,我覺得好靚呀~~
November 08, 2006
極之充實
返咗咁多日工,我就諗住今日可以瞓晏啲,點知10點幾就起咗身~我就開機洗衫,再上網攪下嘢,玩下,3點幾出去搵元鳳,比咗4罐薯片佢,跟住去咗朋友到買褲,買咗一條深色501同埋一條短褲,條501朋友話係歐洲版,宜家無架喇!!
去埋mag到買咗啲衫比亞娟,因為有30% off呀~好底,就落咗waiwai到買咗呢啲,好靚呀~~
跟住就走咗去tst會合小寶寶就去apm食mos burger喇~~
食後感一般,味道可以,價錢合理,啦!!食完我哋又行咗陣街,係無印買咗好多嘢!
仲買咗一隻好可愛嘅雀雀--同埋買咗啲夾夾同橡筋
仲買咗3本書,勁重
November 05, 2006
new shop
我今日又返晏,本應我就係買唔到衫嘅,不過我去咗公司付近買飯,,係我果頭,灣仔尾理應係無咩嘢我係會買到,不過,我今日發現咗一間好歐洲格調的舖仔開咗,入到去見到我個朋友,原來是她朋友開的,啲衫都幾靚,屬中價貨品,平均五六百蚊有交易,而且舖面舒服到爆,仲裝修得好靚,我就買咗一條裙同一件mo's hair冷衫,全部都有20% off,因為新開張,所有都有20%優惠~件mo's hair冷衫,仲要你好靚架!!
November 04, 2006
9日連環工作
我的9日連環工作,今天先係第6天,勁疲,返工前到灣仔買嘢食,想睇下嘢,去咗2 o'clock,買咗兩條毛巾仔,因為我想買小丸子,而買兩條有10% off,所以購咗一條好秋天的,好靚呀!
仲買咗一本書,又係個人旅行體驗
November 03, 2006
試驗中
還在模索新相機的功能,不過夜間拍照模式係我最滿意的,效果比以前好好多,看看這張就可知了,我房啲燈比較暗,都可影出這個效果.正...
不過比小寶寶追問我,如何處理舊相機時,我唖咗
November 02, 2006
草草長大了
其實草草第二天已經出芽,不過無影到相,今朝見佢長大的真係好快,不過唔夠厠所個果長得高~
November 01, 2006
K night
放工後,小寶寶話約咗朋友唱K,問我去唔去,我就話要返咗屋企先,因為攞住幾多嘢~返到屋企我就已經唔想出喇!!好啦去一陣啦,玩咗唔夠一個鐘,佢個friend嗌走,好無隱咁返屋企!!!!!