new dc
今早如常咁到洗手間便便,仲未回魂嘅我攞起份頭條日報,睇到第二頁,雙眼發光,就是這樣的..<憑匯豐信用卡到豐澤選購精選貨品低至50% off>而this week special有我最想要的canon相機,只價值$1790,嘩,心底暗地大叫,嘩,好低呀~~跟住到咗公司付近買咗喇,買埋1g card同做埋分期,雖然唔係新款,不過真係好筍~~而且此機備有500萬像,仲有勁多功能,不過返到屋企玩到無電,只好用舊機影下啦~
« September 2006 | Main | November 2006 »
October 31, 2006
October 30, 2006
NEW GAME
好想買個新game,不過唔知有咩好玩,去game舖打個圈,買咗小魚仙,同star wars 2,前者店長話啱女仔玩,而且幾平,$200有交易,後者因為lego設計好吸引我,不過是二手的,但比我想像中好玩~
October 29, 2006
煮飯仔
其實我咁大個女都未試過一個人煮咁多嘢招呼朋友,今晚就做咗第一次,不過只你招呼朋友同佢女朋友,我同佢女朋友一見如故,因為佢都玩blythe,而且又係我公司樓上間cova做,太近了,我同佢都算叫做做咗好朋友,次次見面都係咁傾.傾.傾.
今晚係海鮮餐,魚.蝦.蜆
仲有冬瓜番茄湯,同菜
掛住食都唔記得影相添,製成品係好好味架,雖然我第一次煮蜆,不過係咁比人讚,婆婆都話yummy,
朋友就攞咗呢啲來,睇見都想食呀!!
October 26, 2006
bad day
早上有陣陣的涼風,我真的太感動了,秋天你是要來嗎?我希望你快點來吧!!
今日都唔做咩,由返工到放工都做錯嘢,仲要錯得幾大獲,可能我無咩心情返工喇!!不過真係有啲唔開心,有咩理由錯係呢到先,都做咗咁多年喇!!唉...明天玥比心機
October 25, 2006
開心喔
今日又去咗深水埗,做完正經嘢就去咗食譚仔米線.勁大碗,我咁大食都唔係好食得晒~食完就搭車落tst了!!
首站到美麗華,跟住到咗it sales shop,再到city super,我今日好開心喔,無買到衫,仲無咩用錢添~heeheehehee
我係citysuper行咗好耐,買咗呢啲種草草,細細個好可愛,見佢特價$20就買來玩玩啦!
玩法都好簡單,仲幾得意,先將藥丸仔加水浸6-12鐘
待成啫喱狀後就可以放種子了,之後就好似普通種嘢咁,淋下水,曬下太陽就ok喇!仲可以keep6-8個月
仲買咗呢個除污劑,以前買過同牌子,但唔同顏色,同作用的勁work,所以好想試下呢個
October 24, 2006
只可說ok
返工前到cwb覆診,係未夠鐘時去咗"march"係time square後面,正正對住落客站 3/F,褢面好舒服,不過franche lippee 嘅嘢少之又少,但係其他都ok,不過有啲就lady啲,唔啱我~買咗一啲特價嘢,大部份都係50%item,唔減價果啲都幾貴,只係買咗呢啲,不過我唔鍾意呢到,我比較鍾意元朗,呢到去一次夠了,不過那個sales說老闆主供緊另一個牌可能franchelippee的產品唔會入太多了~~唔緊要啦,橫掂我都唔係太喜歡呢間shop,不過可以一看!
仲買咗達令#2,
October 23, 2006
豆鼓
放工返到屋企見到佢哋到咗喇!!!是我最想要的黑bear,好鬼可愛呢~我諗咗好耐都諗唔到叫佢做咩名,突然間小寶寶叫佢做豆鼓,heehehheehee又幾得意喎就叫豆鼓啦!!
October 22, 2006
執下嘢先
聽到天交台說,下星期二會轉涼,我心底褢暗地歡喜,今日閒在家,做下清潔同執下衫,想執啲秋天衫等下星期可以著,不過我一打開個櫃就跌晒落地下,因為太多嘢喇,連我之前買果啲衫都放唔落喇!!
今日拆信收到我的Nice Claup member card,永久有20% off架,如果有朋友想join,請到金鐘廊分店買滿$500就可得到會籍喇,promotion只限呢間shop,唔好去錯呀!!其實買咗Nice Claup呢幾件衫都是上星期的事了,一路都無影相,今日執嘢就影埋啦!!我買咗一件衛衣同啲top,呢件衛衣我建議maggie你都買返件,因為又係好大件,你著多5-6個月都得呀~
October 21, 2006
宇津木
看到她的作品,我真是大開眼介,以前愛她,現在更是愛死她,自問對穿衣有一定的要求,可惜有很多都著不下了,只因我的身體日漸長大,又有很多買不下,只好給眼睛爽爽,今天收到她的blog,識日文的朋友就可以更了解她的動向了~http://www.eriutsugi.com/blog/
Eri Utsugi，生於1966年，於Joshiba Junior College of Art & Design 修讀時裝設計，
其後跑到巴黎的Studio Bercot再進修，Eri回國後曾效力於 Zucca 及Tsumori Chisato，
並於2001年開始以自家Frapbois品牌示人。
法文Frapbois解作木 (Frapper) 和琴 (bois)，由於設計師很喜歡敲擊木琴的聲音，因此其系列便以此命名。5年後，她又創立出Mercibeaucoup (解作Thank You Very Mcuh)的個人品牌，並於06-07/AW的Japan Fashion Week首度登場。
mercibeaucoup, 是一法文名字，意即「Thank You Very Much」，但別忘記字尾要加上豆號。
http://www.mercibeaucoup.jp/
她的衫我都已經很'ss喜歡,不過她的鞋,真是不得了,認識我的朋友都知這些高根鞋,女仔款對我起不了化學作用,但是她的鞋令我大叫咗好幾次
我為這對鞋呼叫了很多很多次
這一對很適合我,平底的
October 20, 2006
marksix
我都好少買六合彩,唔知點解今次好想買,可能我最近好貪錢啦~所以尋日經過就買了一張電腦,我一向都無咩抽獎運,至叻果次小學二年班抽到支洗頭水,之後都好似無中過咩好嘢~算了....唔中,還是繼續努力返工!
October 19, 2006
放假+放鬆
早上到冷舖學織衫衫,已經織好後幅,開始緊前幅喇~~yeah,不過晚上同daddy度過長咗好多,仲可能越著越長,不過佢又話唔緊要,下午到咗深水埗配衫鈕,揀揀下揀咗咁多,不過我想買花邊做衫仔買唔到呀,究竟係邊架?下次我有時間要再睇下~
跟住到mk分別同一個買家同一個賣家交收,賣得順利,又買得順利,我買咗呢個小鹿呀,好可愛是我最喜歡的小鹿,搭單買咗個大口仔碟比亞姐,佢實好開心呢!!去咗maggie到攞禮物,我又見到maggie喇!真係有緣喇,又見埋agnes呀,佢又改咗個囡喇,真係捨得又有錢呀!hohohohohoo
我同agnes係咁傾,傾到唔知時間係咁趕到中環搵小寶寶睇戲去完皇府食飯,就行一陣,到咗HMV睇嘢,買咗audrey嘅vcd,勁平呀,maggie你有無呀,快啲入貨啦!!因為係咁睇嘢遲咗十分鐘場,睇唔到開頭,唔係好滿意,因為買飛時是9:40,但9:30已開入場,攪到小寶寶唔係好開心!!!!今日睇放
逐,好亂成套戲我只係睇到係咁開槍,好多槍聲,大概講嘢嘅場面唔多
收到了,,,,,亞詩,,,,謝謝
October 18, 2006
創業
亞mie看完這個,我們可以做老闆了!!等我呀~~
October 16, 2006
爆眼
我隻眼發生咗咩事會變成咁呢?好紅,不過唔痛,都好,不過成日唔敢卒眼
October 14, 2006
回家真好
小金你是燒豬嗎?
一早已決定今天回家收拾一點點雜物,一回家就同亞妹食麥當當,以前放假時我經常同亞妹兩個人在家聚餐,今天重拾了以前的感覺多好呢~~接著到雜物房執執,好簡單的今天只取我想要的東東便完了~然後就同小金金玩咗一陣,便在梳化睡著了,家褢的感覺真係好舒服,每次我回家,總是可以很容易便睡著了~~
October 13, 2006
難題
我又有一個困難煩擾我,不過,我之前部署好的,可能不能實行,唯有見步行步,今天我大姐放完大假返來,話題不斷,講開一家人開舖同朋友們一起投資,佢嘅反應極大,佢嘅言論係見過十萬個人一起開舖or投資,最後都拆夥同唔開心,其實我眼見有好多朋友雖然有唔開心,但都唔錯,始終唔會一切順利,一定有議見分歧的時候,當然唔會一朝一夕開心到尾,這個我都明白,可能她還是當我仲偽剛剛到步20那年的我,沒長大過吧!!所以其實她也同其他人一樣,把身邊的年輕人當作小孩般看待...不過我大個了,現年25,是大個還是細個呢?
不過,煩惱是自製的,只好往後幾年努力,我還有幾年可能要見步行步,放工時收到森森的電話,講過我最近的狀況,他沒有怪我,只是他叫我自製一點吧!!在他分析下,得知原來我個人比較自卑的,不是我表面開心就是開心,而是要自己好過一點,不過心裡還是苦的!!就被他一言識破了我,我就是這樣的嗎?
最後他提到,你是一個個體,不要再咁大駛,別人有人家照顧,你沒有,你還是留點實際的東東在自己身邊吧!而且,還不要到最後關頭自己亂想,我就哭了,其實這幾年為自己而哭的次數大增,不過可能我用錯方式去發洩而做錯了,給他一句我是個體令我知道我寅的要為未來而做好準備,晚上想起這一句,心裡真的很酸
October 12, 2006
心情有點反覆
唔知點解今日心情唔係咁好,有少少唔開心,其實是小問題,不過夜晚諗通咗好咗好多!!希望可以實行啦~~
下午係公司織好咗肥仔嘜條頸巾,好可愛呀,咁細條~~我會努力織埋其他果啲架!!
October 10, 2006
睇就夠
係mk見過呢件,要三千幾,不過我買一半都唔駛!!
唔駛講嘢---老細拾卜下就出現咗咁嘅情況,不過my boss落咗旨, 無下次,最後一次!!
October 08, 2006
(0____0)
返到屋企小寶寶同我講,奶奶要拿這隻杯返工,問我得唔得,我就好想答唔得,因為這隻杯隻雀仔叫birdie=我,我真係唔係好想比佢用,不過佢又已經洗好晒配埋篕待用喇,唔通我話唔得咩!!!!算啦,下次有機會買過啦!!!我就是有這個問題..唔識say--NO~
開心嘅係今日返去配針時,買咗呢兩本書,好靚架,好想織晒佢,尤其是小朋友果本,勁可愛,呢本書啲衫仔比較中性,男女都可以,肥仔嘜你有褔喇~
October 07, 2006
我是織女
開始對編織的興趣大增,下午食飯時到公司付近我毛冷店看看,便買咗一本書仔,好低廿幾蚊有教點織花.仲要係彩頁有圖睇,我好鍾意呢本嘢~仲買咗兩個冷,織頸巾比肥佢嘜,不過佢亞媽話佢無頸喎!!
放工後再到書店走走買咗呢幾本,文地那本我在老表到看完就好想買了!!
October 06, 2006
中秋月光夜
我唔食月餅,所以對我來說這天只是燒燈籠,不過今年買了這個無得燒喇!!而且留下勁多細路,怕--怕--
係屋企自然玩好過!!
返工前心血來潮想睇書,就買咗呢啲喇~
250天倫敦應召日記---芝see姑bi推薦勁好睇
小s想買好耐,順手買埋
包包書店長今期推介,我覺得做女仔係咪都要有一本
October 05, 2006
休息
放埋今日,我有排都唔放假喇!!因為我大姐放大假囉!!我要返好多日工呀!!所以今日到magmag到攞咗我之前留咗嘅嘢先,一去到我都呆咗見到我啲baby係晒到有亞茄-claire,magmag,同埋sasa,很喜歡叫claire做亞茄,幾可愛呢!你唔介意我咁叫你呀麻--亞茄?!!坐咗一陣就到cwb會合小寶寶食dindin喇!!我哋去選擇咗citysuper~仲買埋冬冬粉比姚太,大顯身手添~~
食咗好多嘢~~
買咗兩本書補充一下
October 04, 2006
中秋到了
晚上回家時,見到留下啲樹掛滿晒閃閃燈,好靚,我都好少影夜景,所以係個袋抽咗丁丁出來拍拍,不過,黑麻麻影完都睇唔到效果,所以呢張最好架喇,不過亦可能是相機的質素問題!
October 02, 2006
my boss birthday
是日,是小寶寶的誕辰,不過佢好低調,只係屋企渡過,可能人老了,心態都唔同了!下午去咗會所游水,食完下午茶,就返屋企打機喇!!我就係到密密織,因為我仲未織起件冷衫,不過又係佢自己講唔係一定要生日收到嘅~
不過今日都係開心嘅日子呢~
October 01, 2006
國慶也要上班
這個是我的早餐,紅假我一定食呢個,我一向都會叫-"腸仔炒蛋".但點解會變咗-"火腿炒蛋"呢?一打開我嘅反應係,妖~~落錯單!!不過係下一秒,我就諗,係我自己叫錯嗎?可能是了,完全無法想起當時我叫的是腸還是腿,我再想腸仔是我的生命,我會叫錯嗎?我的少女痴呆,開始嚴重了~