« August 2006 | Main | October 2006 »
早上起身時仲有'溫溫'下,都未完全好晒,不過到咗下午好咗好多了,可能叉咗電瞓咗個晏覺,加上跟老表傾咗一個多鐘電話作治療,好咗80%,再同小寶寶出街食個飯,好返晒~~我同小寶寶去咗muji行街街,買咗好多嘢,我屈佢買咗套dot柄床單比我,宜家仲平咗,一set $280,其實我一向都很喜愛買床單,又勁愛用muji之床單,簡單就是美,而其次買的牌子名叫BURSA(abeee你之前話果個點點床單就係呢個喇),可在吉之島OR SOGO都買到,價錢便宜,而且質地幼滑,不過宜家無位放了!!要收手喇!!
買完嘢,仲送咗盒moon cake比我地,muji之moon cake,唔知好唔好食呢~不過幾得意!
今日返晏,所以可以瞓到11點起身,不過病患中的我,一起身看鐘已是11:15,我就立即起身,準備返工,週身骨痛,仲頭暈暈,首先去買包退熱貼先,屋企無晒貨喇!!返到公司仲死死下咁,捱咗成日,放工好咗好多,不過個頭痛到爆,仲未退燒,返到屋企,食完嘢,即刻瞓
好病~
今天要返工了,因為瞓咗咁多日都唔願起身嘅日子,所以照人的墜性,我都偽唔願起身嘅,懶了15分鐘,終於要起身了--
我就好快咁去搭車加買早餐,專家話唔食早餐個人會蠢架!!到咗下午六點到,我個胃好唔舒服,跟住成日想嘔,我想-返工都係唔適合我喇,一返工就唔舒服!!返到屋企小寶寶同我都一齊發燒,兩個人用晒包退熱貼,食咗藥我就瞓喇,勁'ss唔舒服呀~
明天我就要返工喇,仲返早呀!今日成日係屋企影相放啲嘢上網賣,因為今日執衫時,個衣櫃真係無位放喇!!所以將可以賣嘅都賣咗佢,今日仲好白痴咁將前幾日買果啲衫出來試,好想快啲冬天啦,冬少少我啲衫就可以出動喇!!
明天要返工呀!!要出年再有大假放喇!!出年我有多四天大假呀.yeah~~
12:45 pm約了睇醫生,不過我遲到1:00pm至去到,睇完去mk ,約咗元秋(我亞娘個新花朵,佢好似元秋架--個身型!)
食完lunch,再去magmag到買少少嘢,攞埋禮物就飛奔去換返兩件衫,尋日買有兩件衫著得唔係好舒服,所以有時間換咗佢啦!換咗呢啲,仲同亞詩買咗件外套.(我希望亞詩唔啱啦,咁就半價賣比我啦!)自己換咗件top,同一連身裙,跟住就趕返cwb食暴肥喇,好飽,不過麻麻啦~~
晚上收到一個特別的情報,好開心呀老友記~~
今天本來是約了亞詩的,不過巧合地,亞詩亞媽要去佢家,所以我們的行程只有我一個,隻身到了小燕介紹的shop見識見識,我無選擇到mk是因為我想,mk可能會貴呢!而且可能只keep比熟客仔,所以到了siuyin介紹的好地方,以下片段會令人情緒不安,siuyin,mag,你哋留心呀~
一生起碼豪一次,咁遠去到,梗係買啲手信走啦!!!去到落車後已經見到所指的地點,跟住siuyin的指示,很容易已找到那間shop了,老闆娘很nice,一口氣介紹了這個品牌的幾個hot item,當然是小紅帽啦!!maggie講得啱,我同老闆娘都覺得它很有tc的影子,仲好低,而且知我咁遠來到,仲執咗好多嘢比我睇,我都見咁山長水遠,真係唔好錯過這個機會呢!!而且剛剛老闆娘返咗啲新貨,係咁揀係咁試,最後揀咗呢啲----
這些薄的外套加top,宜家都可以著
好可愛的小紅帽同老虎item
呢件冷織的褸,真係好正
這是我找了多年的間棉外套,好靚呀~
這是我最喜歡的一件,羽絨褸,紅色我的最愛,加上這件是功能衣,所有嘢都可拆除,好好,著咗好sharp
這個brand 嘅 style真係幾啱我,而且又平又靚,真係值得推薦比大家,thx--mag & siuyin,亞mie你回老家時識做啦!
!買咗咁多衫這個冬天唔駛愁喇,不過唔好再買喇~~
老闆娘好好人呀,唔駛講價佢都平咗好多比我,亞妹,我仲買咗呢啲比你,都係好低嘅嘢
這天一早趕到濕地公園Gathering,同好多玩blythe的朋友來個小聚.好開心呀!!而我都影咗好多相呀~當然唔可以放晒係到比大家睇啦~揀咗啲自己鍾意嘅!同場仲加映,可愛的小毛,佢真係可愛到不得了,呢啲咪叫人見人愛囉!
睇下亞娟望住邊個--是亞娟也
個人最喜愛呢兩張
可愛的小毛小姐--
me & maggie
今天收到很多sms呢,多謝各界好友~~
11點起咗身,上網整埋啲嘢就開始執房,到咗六點就開始出發去找小寶寶,我哋成班人去咗tst行街,我係it sales shop買咗呢啲,好平,又好靚~~
再去k2,因為朋友有40% off所以佢哋成班男人勁買,我都只係買咗件針織外套打拆後真係超值~
放假的第二天,約了我的金蘭jamie食個飯,再上佢屋企玩佢亞哥個b,佢8個月喇,好大個仔喇.嘩..原來係出世到士家,我8個月無見過你姑姐喎!!我約咗這位姑姐係apm SUZUKI 食飯,我哋又係咁傾--傾--傾,照慣例食完飯上咗佢屋企玩呀!!!到咗交換禮物的時候,我特別買咗個實用的禮物比佢,佢話要實用喎,希望你喜歡呢~
朗朗小朋友,成日好多投訴,成日講嘢
兩個白痴合作之百痴相
亞mie在故鄉買之禮物,好--好--好靚呀!係幾實用嘅~
多謝亞mie同我咗整個cocoa island,返到屋企我再慢慢硏究,你睇我整咗幾多,我幾叻~~
這是小寶寶送給我的生日里物.hohohohohoho好開心呢,去完學織冷衫,一搵就搵到喇!!幾醒
是日是我金蘭姊妹jamie的生日呢~pls 
happy birthday
明天要告別我所有辛勞的工作了我開始我的7天大假,我有好多約會,好多地方要去,好多嘢要做~
做埋啲手尾--趕住放假
這天的小朋友是毛毛(佢個名叫中中,不過小寶寶話以後佢要叫毛毛喎!!)
尋晚拆冷衫,拆都唔三唔四,終於今日攞咗去冷舗比佢同我拆,我要星期四放假先接返佢呀~
我織錯咗喇---------今天係公司滿心歡喜拿出來織,織,織,不過一開始已看見唔對路,心想唔係織錯下麻?!經我兩位亞姐檢查後,發現真係織錯咗,而且有啲位唔靚,亞姐見意,不如拆咗佢再織,我即刻 'o' 晒咀,我唔係驚要織過,我只係驚我拆到唔三唔四,個花亂咗唔靚~
不過我都想完美啲,都係拆咗唔靚果啲啦,第一次啫,緊係會出錯嘅,亞姐同我拆咗三行,我自己要記一記行數先得喇,唔係到時再織落去唔啱,仲大獲!唯有自己小啲拆啦!!如果唔得至落冷舗求救我諗織得唔靚果幾行,一定係我掛住睇"志雲飯局"喇!!都係睇電視唔好織喇,要專心呢!!夜晚daddy來接我放工,我是日收6:30,我哋係金鐘食完嘢就返屋企喇!!
未錯前影的
買咗我最愛的古古力味
今天天氣真係好到不得了,有太陽唔太熱,有微風,很舒服,曬一曬個人都精神啲,啲水又好清,可惜皮膚唔好,唔可以濕水啦,只係濕下隻腳,不過想濕高啲都唔得,係咁比daddy嗌返轉頭,不過咁濕一濕,皮膚又痕返~~好可憐!!宜家真係開始轉天氣了,四點幾個太陽都開始收工喇,咁我哋就收拾行裝返屋企喇!!我就趕返去學織冷衫,好心急果隻~開始學織衫身同花喇,我好比心機記啲步驟同記針數,不過始終是第一次,開始時都唔係好明,不過漸漸都懂了..走嘅時候仲買咗紅色冷準備織衫比自己添
返工前想去商場食米線,見到開咗一間新嘅冷舗,貼咗一啲教授編織嘅課程,本小姐由中學時代已好想學織冷衫,不過可惜一路都度唔到期同撞唔啱時間,係食嘢嘅時候考慮學唔學織啦,想想下,咁近幾時學都好方便,再想想,不如織件冷衫比小寶寶做生日禮物啦,因為一路都諗唔到買咩比佢,而冷衫又未織過,所以食完嘢即刻去報名喇!!好開心呢,可以學到我想學嘅嘢~
係公司織起咗衫腳,要星期日去學埋個衫身先
小寶寶今日無返工陪我四圍走,比佢叫醒我就去咗太古城行街街,我哋去咗uny買嘢食,再到吉豬島買材料今晚整烏冬冬
我哋今日仲食咗南翔做tea,好好味呀!仲終於去咗買包包-(bra)喇!!不過有好多都無size喇,而我呢啲肥妹仔嘅size都無咩喇!!不過真係又平又底著囉~
返到屋企即刻開工整烏冬冬,不過效果唔係咁好,因為我整得好厚同好粗,所以個心唔係咁好,不過我下次會努力架!!
今朝遲咗成個鐘至返到公司,好彩趕得切開舖前返到啫!!到咗1:30pm放工走人,細雨下我到咗cwb買量杯,再去睇醫生,呢個醫生我第一次睇,好攪笑,又好nice,唔係好似一般醫生咁,好識講笑!!我會再睇佢嘅!!
跟住,就去世貿嘅une nana cool,去到點知已經摺咗喇,唔好意思...好耐都無去過世貿喇!!!!行咗一陣,行去citysuper買冬冬粉待明用,就買埋餸返屋企喇!!今晚整長通粉-正呀!!返屋企時又倒瀉水,成身濕晒!!沿途買咗呢個dvd,唔知啲錢仲係咪捐去果個動物診所呢??
係十蚊城買咗呢個書套,好耐性之前見過人用,比我今日見到,都係走唔甩架喇!!以後帶書出行就掂晒喇!
仲買咗呢啲,好可愛的小狗呀----
見到<顏c9教煮餸中>之手打烏冬,好有興趣,所以去了十蚊城買啲工具先,不過仲爭一個量杯喎,未買到!!
買了這個比早肥表姐,太耐無見面,都唔知買咩,不過這個很可愛的,我都很喜歡呢!!
其實我有唔開心,不過我覺得的是最緊要係點令自己開心,係幾個月前,我係自己身上發現了一道尺,是量度我同小寶寶之關係,我開始對這段感情沒有期望,我同佢一齊係好開心,不過生活上點點的細節令我覺得這個人不可能付託終生,可能我又在改變了!!!!其實我都是很簡單的,不過有時候我真是不能容許佢係屋企,好似咩供獻都無,咩都唔幫手,佢最緊要係睇電視!!無任何嘢係可以令佢離開個電視!!我今日好疲,所以叫佢煮嘢食,同洗碗,不過洗完碗發生咗啲唔開心嘅事......我可以點!!!!!!!有點苦惱!!
下午約了個買家交收,點知出事,下次都係買夠200至出去交收喇!!!!!!!!!!!
去咗sugar mag找sasa,亞ping又靚咗喇,青春果然是無敵~~呢個就係亞娟嘅生日禮物喇!!
到咗七點左右到cwb會合小寶寶,我先去ikea買咗嘢先,終於都買咗喇!!放心晒!!跟住到肥佬到買咗三件二手tee,老闆娘仲認得我添haahaahaaa行完就到北角食飯,再到朋友家打機,兩點幾至返到屋企,第二朝仲要返早,今日仲著咗新鞋,行到隻腳好疲呀!!
是日精選-----50%off貨品
本小姐最愛之米妮,和風conis bag
今早一心諗住去攞電,不過失守係A/T,但係我呢個款一路都想買,今次有皮款的,所以真係要買喇,用個birth coupon有disc好低.好耐都無自己買鞋喇,好似唔係好識買咁,因為宜家買鞋都係小寶寶買比我嘅所以揀咗好耐.攪到我無得去ikea,唔得,聽日一定要去喇!!仲買咗一件靚外套,上下都可以著,一件衫有兩個款~
仲買咗一大堆家庭用品
買咗一份禮物比姚c9
呢個係送比邊個呢??
我開發知道自己老了,記性差得不得了,剛剛想做的,轉一圈又忘了,剛剛做了的,又想不起自己曾做過,做好了又擔心自己有做錯嗎?苦----現在,在這褢提醒小bird你要做的事!!放假要選購結婚禮物給姐姐,又要選購生日禮物給早肥表姐及亞mie.....還有月尾的大假要晒相,........想到先再擇低
今天約了老表陪佢同肥仔嘜吉針針,肥仔嘜可能好耐無見我,一見到我就喊得好大聲,我哋去咗元氣食完嘢,就行去吉針針,肥仔嘜大隻過其他BB好多呀!!佢真係好大隻妙~
我陪老表去咗買蛋糕嘢,我買咗呢啲!!
我的A貨到了,THX..
還有貨的melody,八達通
我最近勁玩呢個game,唔知是劉華的關係定係真係好玩呢?
http://www.ugameasia.com/i-game/play.php?ID=1696
前兩天收到Panasonic的電話,叫我攞住一粒電用先,大家如果記得都知我係6月時訂了兩粒相機電,當時售貨員先生同我check過7月尾會到貨,到咗8月頭我打去問佢幾時到貨,因為一直都收唔到電話通知我攞貨,售貨員先生又同我講船期遲咗,已經激到我升起,要9月頭至有,到咗這個9月頭,只有一粒到咗!!今日我終於去攞一粒用住先~~激氣~~我收到第二粒後,我會投訴佢啲售貨員唔專業.今日個售貨員小姐仲得意.我問佢新電叉幾耐,佢答得真係得架,---你返去瞓覺時叉,瞓醒就可以用,傻架,如果我瞓5個鐘咁點呀!!你梗係答叉幾多小時架啦!!係咪先!
仲係sogo買咗呢兩個,我係一個極鍾意買屋企嘢嘅人,可以行成日唔走都得!!呢個碗碗仲要made in japan,掂呀!
放工後落Nars修眉後就去攞袋,個sales好好比咗幾個袋仔我放嘢,唔駛'out'到袋袋,好開心呀!!真係好靚,自己仲買咗個毛毛掛係袋做裝飾,好靚呢!!這是我今年第一件別人送的生日禮物..聽日用好唔好呢?
然後到中環同小寶寶食飯,一到中環就去我最喜愛的涼茶舖,飯返杯
修好眉幾精神-
今日踏入這個生日月,要令自己開心多啲~