約會肥仔嘜
嘩---今日見到佢又肥咗喇!!啲肉一節節架!!好肥呀!!不過,點解仲係無bb味嘅??我又買咗啲衫仔比佢喇,今次買到啲size都幾大,等佢大個啲著,但係老表話反而宜家無咩衫啱著,好喇,下次買宜家可以著果啲喇!
« June 2006 | Main | August 2006 »
July 31, 2006
July 30, 2006
兩日off-day 1
今明兩天是本小姐的小休,所以幾咁放鬆,加上我放完假仲要收早,嘩,鈍時覺得人生很美滿!今日唔駛去沙灘游水,因為太陽唔係好猛,唔駛曬~但係我真係好怕去到沙灘好多人,今日仲要係星期日添!!hehe我就落街買餸煮飯喇!!小寶寶order我整意粉同蝦,加個菜攪掂!下午仲睇咗魔盜王1,好好睇呀~遲啲要睇埋第2,第3集先!!
一張開眼見到我的燈燈---好得!!!!!!!!!!
July 29, 2006
惱人設計
我知道這個款式的櫃筒唔好用,亦都知道若果我跌咗嘢係櫃筒後面,好難好難至可以攞得返出尼!所以我一向都好小心擺放所有嘅嘢!!不過我啲同事就十分十分之唔小心,仲好粗暴咁對我個櫃筒,終於就跌咗嘢係裏面喇!!導致我個櫃筒唔可以關埋,我試過搵嘢係咁"new"都唔得,最後我都無佢咁好氣喇!!猛力開關櫃筒數次,個樣嘢終於跌返出來喇!!今次好彩唔駛又拆又裝喇!!汗's~~
July 27, 2006
新的改變
各位朋友仔可以約我去玩喇!! 公司新嘅安排----可以放Shift A & C..時間如下:
以前返A係放1:00PM,超爽~~不過宜定家放6:00PM都無問題呀!我可以早啲返歸喇~~
其實一早就要咁做喇,成日返AB,人都癲呀!!個個月都三十幾個OT,做都做死人啦!!不過.對我來講,係無咗啲OT$$咁啦又要慳家喇!!同埋可以同DADDY一齊咁上下時間放工啦!!不過呢間咁嘅公司,話唔定下個月又無得放架喇!!要好好珍惜呢~
July 26, 2006
病癒中
今日好好多喇!!知道daddy返咗工無耐,我就起咗身喇!!然後落街買嘢煲湯,因為我好想好想飲湯呀~~
晏晝仲收到我訂購的裙子,haahaahaa,好靚呀,著到我好痩呀~~
July 25, 2006
病倒了!!!
尋晚已覺得唔係太舒服..喉嚨痛到好似好多嘢吉住咁!!起咗四次身,飲水同尿尿.....知道自己發燒喇!!又瞓唔到,10點幾起咗身,唔得去睇醫生先-----不過居然我腦裡面只係想落中環飲感冒茶,去到飲完仲買咗枝涼茶走!!飲完打算去睇醫生之際,喉嚨唔痛,不過仲發緊燒,都係去買退燒藥,跟住返公司瞓覺,瞓醒食咗啲嘢,再食退燒藥,再瞓咗一陣,好返好多,不過係放工嘅時候,又起燒!!返到屋企daddy煮咗通心粉比我食,貼住個退熱貼就瞓咗喇!!daddy話我好似小朋友咁!!
July 24, 2006
new game
其實都唔係咩新game.只不過係nds出的會話用品,日文轉英文,我同我,二姐都覺得日轉英,好過日轉中~可以兩樣都學晒,不過日文無得發聲,失敗!!仲想買psp果隻the dog game玩,不過,比我亞姐一句..你亞juicy呢?!@#?@?我就只好算啦!!
July 23, 2006
又無得游水
尋晚...5點至瞓,今朝12點就比小寶寶叫我起身落去游水.不過原來會所個泳池維修.無得游,攪到小寶寶幾唔開心呀~返咗屋企,洗衫換床單,到夜晚去咗柴灣食澳門嘢~好飽!!
食飯時同花花影嘅相--佢係daddy個衫袋到架!!
July 22, 2006
無得去書展
放咗工,好開心咁落灣仔搵daddy,一齊去書展~~不過,daddy話多人唔去喇喎!,我無得去囉!!最後去咗唱k..........
July 20, 2006
boom's 累
已經2點幾至出街,不過勁疲,去咗北角交收,再去搵咗好耐嘅書店買毛的新書,搵咗好耐,最近就係呢間!!不過我以後都唔去喇,成個商場都係貓,書店裡面都有貓,我仲見到佢哋係到玩發寶膠盒,玩到傻咗!!!!!!!我想都只有brown牠能夠接近我,唯一的貓貓--其他的未來到,我已經跑掉了!!
毛的新書--仲有紙樣添呀!!
跟住再到mk & tst交收,真的走遍至旺的地方~係mk行咗個圈,買咗新眼仔,同埋相機小姐的新衫,間棉的,很保護!
晚上再到cwb行街,行到腳都軟.....仲咩都無買!!
July 19, 2006
香包製作
準備材料---乾花,絲帶,紗網,剪刀,橡筋
step 1--將紗網剪出一個正方形,(可視乎個人喜好而定裁剪大小),放入適量的乾花,(可視乎個人喜好而定,選擇多少)
step 2--先將紗網對摺固定位置,然後將其他位置紮起,紮起時可用橡筋固定,再打上蝴蝶結,完成~
其他款式可自行設計,如放置客廳,或者裝飾,可選擇玻璃容器~
sept 1--裝紗網剪成長方形,剪出兩張備用,放入乾花,再用橡筋固定位置,亦可選用雙面膠子
step 2--打上蝴蝶結--完成!!
亦可將絲帶,留長一點,作掛裝,可掛在窗戶及衣櫃
July 17, 2006
NEW LOOK
個頭今日好好多,好低b咁影咗幾張自拍.....
放完假好多嘢跟!!!!!!做死!!!!!!
July 16, 2006
Candy's Birthday
老友豬兜華的生日聚會,習合咗我哋成班朋友仔,本來都唔諗住出街,不過比小寶寶這個衰人激親,我就出下去同朋友聯誼下!!佢真係過份呀~佢尋晚就走咗去佢朋友到玩,玩到朝早六點幾返,我就一早瞓咗啦,唔通仲等佢咩!!大約12點幾我就起咗身,到咗三點我叫佢起身啦,佢就理都唔理我,話咗早啲起身落街買野,夜晚整嘢食架麻,仲話同我剪頭髮添,都算喇,仲唔理我,我就即刻換衫去銅鑼灣搵朋友仔剪頭髮,剪完之後,就搵文迪去豬兜生日聚,我一見到朋友仔,即刻開心十幾廿倍!!
生日豬candy,小bird,文迪仔
sasa & candypaggy
我哋仲舉行咗孖寶賽車大戰,大家輪流玩,不過我揀錯車,勁慢,但係我有贏過架!!
一號參賽者文迪,全場最冷靜,無咩點嗌過!!
二號參賽者文仔,今日穿著李吸塵戰衣參賽,果然由頭帶到尾,(這個很少出鏡的人,是哀家的前男友,做得返朋友架~)
三號參賽者大大,好幫到手,係咁被迫玩haahaahaaha
玩得好開心,期待下次的聚
new look
July 14, 2006
媽媽牌麵包
返工前去IKEA買乾花,想放係櫃到廦味,其實十蚊一包都幾大包,不過我買咗五包,好似多咗啲........
買咗一枝花花比自己,好開心呀!!令自己開心,其實好簡單啫~
下午茶時,二姐攞咗佢姊妹親手整嘅麵包比我試,佢姊妹已經係媽媽啦,所以我叫佢做媽媽牌麵包,媽媽做的麵包,幾幸福呀,仲好好味,仲以為係街買添呀,幾似樣!!放工後,好無胃口,係亞菲太太到,買咗杯lemon妮,今晚又唔食嘢喇!!
July 13, 2006
NEW TEE
係公司買的2k新tee,好得意呀!!打折後$260,不過大件咗啲啲,唔緊要啦,洗一洗就縮水啦!!
July 12, 2006
限量-2034
今天熱死人,加上忙死人,大約一點約咗亞呆係深水埗,解決我財政問題,真係好多謝佢,助我解決問題,thx..
跟住再落返官塘睇醫生,檢查甲狀腺有否問題,抽血後,姑娘話無沙,我都唔明,不過醫生話你無痛就無咩大外.哦,再約下次睇多一次,不過我同醫生講我肥咗有關係嗎?醫生好串咁話,肥有好多問題嘅,你又無發大,唔關事喎!!!!!!好喇,算,唔問喇!!下次唔係你就好喇!!
跟住約咗森森朋友仔係牛頭角mtr會合到extra....攞豆b,唔該晒佢同我攞呀!thx!!仲join咗會員同買咗張床仔比中中(本身係小b的),已同十一小姐,取名叫豆喇!簡單的名字,不過豆要9月至出世,因為,我想佢做我的生日b,其實一向我都對限量,無太大興趣,佢係我第一個cwc限定,因為佢真係靚,好吸引,比起第一代成個病樣果個,好好多!!!
唔知呢個係唔係限定no.呢??
跟住再坎返落mk,去朋友仔到買我一路都想買嘅黑牛,仲買咗一件我最喜愛的椰樹衫!!正~~
July 10, 2006
end of the world cup
開場時我都有睇少少,中段,時睇時唔睇,因為兩隊都唔係我愛嘅!!不過對施丹的行為,無任何評價,只覺他都唔錯得晒,不過都係型嘅表現,因為都唔踢喇,無所謂啦,反而有這個動作,日後仲多人講,亦唔會有人忘記佢,幾聰明!!
而對於我最唔開心嘅,莫過於係英格蘭出局,因為,對方都係無咗兩個強勁嘅對手至贏到,唔光彩~
朗尼出場,我都覺唔低......死人c朗
July 09, 2006
同小寶寶放假
好耐都無同daddy一齊放假喇!下午到會所游水,不過我唔方便無落水,淨係係池邊瞓覺,瞓咗幾個鐘,不過無咩太陽瞓得唔係好舒服,瞓醒就去超市買嘢返屋企煮飯,買咗新出嘅乳酪,唔知食咗係咪真係會靚啲呢?!!?!今晚睇唔睇波好呢?明天要返早,不過好想睇亨利喎!!仲有呀.我一向勁憎c朗,宜家仲憎!!!訐仔~~~
July 08, 2006
Boom's happy
憑這個'燶燶'早上收到電話,我抽中咗豆千代neo blythe,星期三放假,我就去接你喇,你等下我啦!!其實我都好少買限量blythe,不過,佢真係好靚架~攞咗先post相啦!!
放工後daddy去咗朋友到,我就返咗屋企換新床單,其實係早兩日買,不過,等放假時換,仲買埋張多用被,因為天氣好熱喇,用緊果張,又要用被袋,個被心又厚,我成日都想買張新,終於買咗喇,宜家果張薄啲,凍又可以加被心,daddy仲幾鍾意個pattern添~
July 07, 2006
佳作
影咗一張唔錯嘅相,好滿意
July 06, 2006
肥仔嘜
今日特地去探肥仔嘜,佢真係肥咗好多,佢亞娘仲整咗古古力蛋糕過我食,仲可以好啲,老力~
表姐跟中中第一次見面,佢好喜歡呢!!訂返個比自己啦,姚太~
笑得幾可愛~
佢成日玩口水~
July 05, 2006
炎夏中中
天氣咁好,同中中影幾張先----好有炎夏的感覺喔~~
這張用了新我photoshop改過下啲顏色,還在硏究中
這一張已做了wallpaper
July 04, 2006
花花
已為這個mini bear取名花花,因為它穿著花花衫,大家都比較喜歡花花,因為花花,表情不是呆呆的,而是開心笑,還有很可愛吸引的眼睛,不過,花花比中中,只是頭比較細,同埋無得換衫,而且中中的手腳內有鐵線可以屈,但花花就不可以了~
July 03, 2006
新TV
新電視在今天送到,我其實都唔識咩線駁咩線,不過,試機這個步驟就交咗比我,大家都想買返個唔複雜嘅LCD電視,不過師夫裝機時同我講,你條天線入咗牆,唔可以直接駁到電視,我就梗係咩都唔知啦!!打比daddy,問清楚,佢仲唔明過我!都你等佢返尼睇下先......不過師夫話駁咗落錄影機,畫面仲會靚啲,不過我都唔理喇,我又唔識,等daday返至再攪啦!!不過比以前個電視細咗成倍,好似唔太習慣~
July 02, 2006
中中
想同中中一換衫仔,搵咗亞娟啲衫仔試,有啲啱著,試下先!
呢件著咗見唔到隻腳,hahaaahaha
點點衫最啱身
青蛙仔衫都啱,不過唔係好襯
花花都可以喎
大家都對熊仔好有興趣,可以到這個網止睇睇呀!
http://www.blythe525.com/
我還有其他525的產品呢---------
July 01, 2006
回歸9週年
要返工~不過比啲花車隊午阻我返工,係灣仔落車,行去書店睇下玩具書出咗未,係未嘅,不過買了本很有趣嘅書,唔知會學到幾多呢?等過馬路時,影咗啲相,第一次同中中影相,還在摸索中~
表演得很好的輔警銀樂隊
行返轉頭,去咗買衫衫比柏行(bb改咗名叫姚柏行喇)咁樣買都係買咗$200多少少,好抵~還有神秘禮物給這個肥仔嘜haahaaahaa
