中中到了
期待已久的bear bear仔已經到喇!!今日好彩係屋企等個電腦佬來整電腦至可以親手收到我的寶寶!!佢真係好可愛呀!兩個bear bear都好可愛,不過,雖然佢係最後一個賣唔出而我要咗,不過我知道是天意嘅安排,所以我得到這兩個寶寶,好喜歡你們喔~下午同佢去找maggie,佢問我改咗名未?我話未呀!!諗咗一陣,我就話你果個叫 多多 茄牙果個叫 小小 我果個就叫中中,佢就好興奮咁話好呀..好呀..?究竟叫中中好唔好呢? <招集意見中>
初到貴景,影返張先
« May 2006 | Main | July 2006 »
June 29, 2006
June 28, 2006
電腦出現問題
電腦睇唔到now.com嘅節目,又勁慢,早上打去netvigator查詢,佢都無辦法,叫我搵人check係唔係中咗毒,我就攞咗去屋企留下維修,不過,返到屋企上唔到網,我已用晒我能力去整,不過都係唔work,oh,明天call電腦佬來吧!!
June 26, 2006
美食團
今日美食團想食放題,不過最於都無著落,大家決定去和民,食咗新出嘅香蕉霧詩,好味,好大個食完仲好飽!!
太飽嘅關係,我走咗去francfranc到睇嘢,見到上次電視介紹話用炭可以除臭,同吸濕,買幾包試下,又買咗bird bird衫夾,超可愛呀~~
June 24, 2006
閒在家
唔知點解,我放假時知道小寶寶返工我就瞓唔返,仲鬼打都無咁精神,咁無理由唔起身架!其實我一早決定咗今日煮飯,煲湯,咁就早啲去買嘢啦!!!食完早餐,就出發喇!!途中買了我一直都想要的melody公仔,一於屈小寶寶比返錢我,當獎勵今日煮咗飯hahaaahaaa,跟住再買埋一套衫衫比笨喱小姐,原來jenny公仔嘅bb衫都啱小b著,不過大件咗少少囉!!!
被黃色斗篷所吸引,而且又係最fit身嘅一件~
June 23, 2006
捉蟲記
放咗工返到屋企,諗住煮個丁食下,一開廚房門,有兩隻飛行物,飛行中,我開咗窗比佢走,都唔走喎!激死,唯有出殺手間喇!打,死,佢,食完嘢,就洗嘢,見到仲有一隻,佢走咗入櫃,我搵..搵..搵..發現櫃內有一啲好可怕嘅事情發生咗,我見到有一個膠袋裡面有好多隻蟲蟲,嘩,我即刻掉晒所有膠袋激到我即刻想鬧佢亞婆,係唔係個個老人家都喜歡儲膠袋呀,報紙呀咁呢,唔生蟲果啲都唔儲喎!!!好,一不做,二不休,即刻去洗廁所.因為daddy投訴廁所有蟲蟲,一路我都以為係係渠口走上來,咁我就係咁倒潥百水落去囉,點知,死唔去嘅.仲有喎!!???!?!?,跟住就搵原頭喇!!原來,係櫃內,有一張已經生咗蟲嘅報紙!!!!!!!!!!!!!!天呀,可唔可以唔好咁對我呀!!!經我清潔一輪後,掂晒!!跟住daddy返來,c忽行話要同亞娟影全家幅,係未準備好下影了一張好攪笑嘅相,唉,佢不嬲都話唔影相嘅,唔知發咩癲又話要影相~~~
June 22, 2006
新稱呼
同事用我手機跟我影的,唔錯,影得我幾靚,不過佢唔係好識用我部電話,所以質素唔太好~不過大家傾談時,言語間透露了一個新花朵,是我的,貨場同事同我改的,新花朵叫'''''投安''''''',就像叮噹內那個,她說因我肥同我較惡,當然開頭知道,我真係唔開心,不過,算了,現在做人豁達了,都不介意再有多幾個新朵~不過,我只是覺得我平時都對你班人唔錯啦,肥我唔想,惡意鬧人我都係唔想,起碼好過我亞姐先,(識我嘅人都知我亞姐惡同好情緒化)都仲可以咁樣對我,雖然有時我都會燥,都會惡,不過,你地唔做錯嘢,我又點會話你地,人就係咁架喇,明明係自己唔啱,仲要話人對佢唔好~過份!!
June 21, 2006
新生minnie
特地出去找sa姐,因想取五月的會員禮物,今次超級可愛,仲好多嘢,嘩超低!!仲買咗幾件新貨比亞娟~4:30約了保險那個uncle見面,因為佢都不停咁煩擾我,好喇!!!出喇!出喇!又叫我買一些新嘅嘢,不過我仲有閒錢買咩??!!??!!
*意粉屋見面時的悶照
行咗一陣,考慮咗好耐買唔買好呢?嘅minnie公仔,老闆話無晒喇!!我就買咗,因為我次次行過都睇好耐至走,老闆都認得我喇!!之後就走去天后食飯喇!!快啲返屋企喇,好熱呀~尋晚無睇'英格男',今晚好想睇'亞根停'~
June 19, 2006
商務vs我的專買店
最近所中的睇書毒,急劇加速,沒有靜止,我諗係我真係睇得好快所引致,,,,因hsbc在商務有discount,last 2 day再去看看吧!比我有驚人的發現,幾米所出最平的一本,打折後$27,即是3折,其他都都係6.7,折,低,平!!!!
今天早上再去看看我的專買店,(因我的專買店長期都keep住,6.7折)見到我上次買的那本書有第二集(第一集我都未睇,比,daddy充公咗)嘩,超捧呀~又買了我甜心德華全力推薦的書<我以為旅行可以療傷>,還有是,很有興趣的<我的16歲援交手記>!!
商務戰記
專買店---
June 18, 2006
休養!!休養!!
經過尋晚一輪混戰後,疲到不堪,十點半起身時想看看兩位小姐起身未,想開個早場,點知一早走咗喇!!可惜,可惜!再瞓返,差唔多一點起身,就換床單,拖地,清潔下屋企啦!!,因為好多日無吸塵喇,忍唔住喇!!
本身夜晚係有節目,不過臨時取消了!!大家都疲倦到唔想去喇!!不過食飯時落咗街睇到巴西,好嘢~~
很喜歡新買紅色的墊墊,好靚呀~
candy送給我的melody公仔,i like it 
我送給daddy我father day 禮物,MARTINE MARGIELA 的tie 夾
June 17, 2006
又係呢三個傻婆
差唔多放工時,文迪打比我話係小西灣,佢話約咗豬兜華12點接佢放工,咁我就話,不如上我屋企啦!!之後就開枱打麻雀喇!!我仲食咗十三么呀,厲害!!好耐無見又好耐無打牌喇!!好開心呀!!
係屋企比較隨便,所以有個師奶look
June 16, 2006
又有手信食
最近同事們去旅行,都會問我駛唔駛買嘢?我都話買嘢食啦!今次又有同事遊走日本,買咗呢個饅頭比我食,不過呢個我覺得似蛋糕多啲!!豆腐味蛋糕,不過都好味嘅~
June 15, 2006
無休息
放假都好似無得休息咁!!11:00到起咗身!!都瞓唔返,就起身落去muji買枕頭,因為我想換枕頭好耐喇!!因為我經常個頭未乾就走去瞓,加上我屋企又濕,而令到個枕頭有陣'up'味,好唔掂,要換!經我硏究過之後,我想試下muji嘅枕頭,今晚試下好唔好瞓先~~然後去sogo訂返我相機用嘅電,原來我果隻電係幾年前嘅出品,所以要訂至有,$300蚊一粒,我一口氣訂咗兩粒,不過就要7月尾至有貨,其實一路都想換個新相機,不過相機個個月都出新,好難追,我都係用返呢個啦!其實都幾有紀念價值,都未捨得換!!跟住再去攞返個電腦,我個電腦原來有一個令件壞咗,不過呢間嘢都係----唔太掂!!!返屋企放低晒啲嘢!!就出去同daddy睇電視機,因為我屋企個電視機壞咗呀!!宜家打算買返個32",原來之前用緊果個係42"超大,因為梳化同電視距離嘅問題,daddy打算買個32"or37"唔想咁大,唔健康~~睇完去返無印買嘢食,daddy就要買外套(我係一日內去咗同一間無印2次'''''')跟住去咗食飯就返屋企喇!!好疲呀!!!
今次去食飯係亞綿呀,佢好耐無出街喇!
***前幾天嘅diary都update咗相喇!!
June 13, 2006
終於放假喇
返咗8 日工,好疲,超疲,不過還是要出街伸一伸,去咗搵magmag,佢越來越勁喇,佢間舖裝修得好靚,好舒服呀,!仲見到可愛嘅claire,佢真人好細粒,又瘦,不過真人靚好多,仲好可愛呀!!夜晚小寶寶約咗朋友去睇波,連續睇晒三場至走,不過好眼瞓呀,睇到5:00至走,返到屋企沖完涼瞓咗個幾鐘就返工喇,好驚會體力透支!!!
June 12, 2006
維修回覆@1
下午四時許,有一名自稱師夫嘅男子致電我,以好似未check過我部機嘅語氣問有關我電腦嘅問題,我又重覆再講一次比佢知,我問可以幾時攞返,佢答案係要2-4星期,我即刻想鬧人,不過佢話要訂令件,我心想你唔係維修公司咩,點解仲要訂呀!!不過我已經迫我佢好緊嘞,至攪笑佢問我咁急,係唔係要離開香港呀,我答咁係唔係可以快啲?佢就話,不如你放暑假返來攞!!!我即刻"O"晒咀！！講嘢都唔用腦--佢都低能架!!唔好再講喇!!我怕我受唔住,心臟病呀!大家忍耐下我無相嘅blog同埋唔可能日日都up-date到!!不過我真係好掛住電腦小姐呀!!真係唔慣用人家嘅電腦!!!!
今天買了這本書睇,好囉,以後都有玩具書睇囉!!
June 10, 2006
檢查跟進2
一大朝早,再打去打聽電腦小姐的病況,果個無禮貌的姐姐仔答,師夫仲未check到有咩問題,(咁即係未check啦!!)可能要星期二至可以答覆到我,咁我就話,可唔可以快少少呀!!我都好趕架!! 咁呀....咁呀...咁啦,我同你落返個urgent order啦!!! 真係呀,你宜家至同我落,我一早都同佢講咗,我要快啦~~激死我!!!
June 09, 2006
檢查跟進1
返工時都唔知黑雨,如果一早知,我就唔起身啦!!不過,佢都唔會掛成日啦,都係要返工,所以出咗銅鑼灣攞書先~~又買咗六本,仲同老闆訂咗萬歲少女套書,突然間好有文化~
下午..打去問一問電腦小姐的情況,聽咗4分鐘音樂.....答案係師夫行開咗,要等一陣再打比我,到咗7:00都仲未有電話到!!!咁即係無答案!!!!!!!!!
比紅色嘅封面吸引而賣咗~
狗狗呢本好攪笑架,要攞比亞妹睇呀~
June 08, 2006
my uncle
我有一個很關心我的亞叔,由美國回來了,今天到來看看我加大碼我身形,hahaahaahaahaaha,只係見過面,可惜,我沒有假喇!!又沒時間,唔係可以食個飯啦!!!
jovy----有跟六叔聚餐嗎??
June 07, 2006
檢查中
攞咗電腦小姐到保養公司檢查,起碼要一星期至可以知道駛唔駛換嘢,不過今次呢間,唔係上次果間,呢間係總代理,而上次果間係hp總公司維修,係唔同嘅~不過呢間我very 唔like,又慢,又唔pro,又唔識解答我嘅問題,態度又唔係好好,始終我都係客人呀,比返多啲禮貌都得啩~~
June 06, 2006
6-6-06=====666
今日係一個不祥之日,我一路都有留意今日發生嘅嘢!!生活上無事,不過機器上好有問題,相機唔知做咩,畫面影相時閃閃下,不過影完都仲可以,不過佢已經唔係好捱得!!其實可能要換喇!!到返到屋企,我好少望住電腦開機,咁啱我傾緊電話我就開電腦啦,我嘅開機畫面係黑色windows,而唔係藍色,點知見到有一行直線,好似磨沙玻璃效果咁,大約兩寸粗,係個monitor左邊,但係開咗機,又好似無,不過我個wallpaper係淺色,咁我再轉個深色再睇啦!!哎吔,佢仲係到呀!!!我真係好唔開心呀!!!不過我今次會早啲攞去整架喇!!如果有得整嘅話,電腦小姐,你唔好玩我啦!!究竟notebook個monitor有無得整呢??
June 05, 2006
暴走銅鑼灣
早上比小寶寶叫我到cwb取智能id,小寶寶未到時,我去咗商務睇達文西密碼,20%好想買,不過見屋企仲有一大橦書,咁長篇嘅都係考慮下先,睇睇下見到高木直子出咗新書,20%唔緊要啦,買啦!!不過硏究完發現,原來150cm仲有一本架,oh,買返先啦!!!!再行過啲見到,以前森森推介嘅60歲的情書做緊特價喎,$80有晒上下冊,嘩,好感動呀!然後就去攞智能id,之後小寶寶話要去IT,我就買咗一件衫,件衫特平,我仲好鍾意佢前面條絲帶,同一個cacharel嘅鎖匙扣,佢係一隻bird,大家估下係咩bird??買完嘢就返工喇!!我今日係要返工架!!!!
June 04, 2006
出走萬歲,少女不敗
我咪買咗本<出走萬歲,少女不敗>嘅書嘅!!好好睇架,佢啲圖畫可愛之餘,仲好靚架!!好好睇呀~~我上咗佢個網睇,原來佢出咗好多本書架,我好想睇晒----又發出儲嘢隱~我要再去搵!!!我又愛上多一個人喇!!!!!
http://vivagirl.blogspirit.com/
June 03, 2006
I am Cooking Mama
從今天起我要做個稱職的coonking mama,等了兩個月,終於出返喇!!下午去鴨利洲做嘢前,到188取我訂了的新game,好期待的遊戲呀!!玩咗半個鐘都仲未捨得放手!好得意呀!!要到鴨利洲工作,我十萬個唔願意,不過唯一嘅好處係可以行街街,到了21樓買咗個會發出清脆'longlong'聲的牛牛比皓文~~好喜歡呀!!
放工後dadd叫y我落cwb同朋友食飯,佢行街時買咗謝安琪的CD,佢係我會願意比錢買的,因為佢歌聲出眾,而且樣子跟聲音都很有性格,我已迷上了!!
返到屋企留下見到一隻好大隻,好大隻嘅蝸牛!!真係好厲害~~
仲收到我訂購的MINNIE鏡仔,嘩,好靚呀!!
June 02, 2006
又買書喇
是日早上去咗睇醫生,之後又去咗買書,因為最近睇嘅繪本,好快睇晒...所而,又要入貨,去到原來書店搬咗喇,不過只係搬咗上一層,仲同以前啲位一模一樣,好彩色!!!今次呢本又會令我表姐妒忌我~~今次呢本又係可愛嘅公仔吸引我,而主題係講旅行,heeheeheeheee好好睇架~~,而紅色果本係wayman新書呀~~另一本係525嘅bearbear相集,上次去台灣時無買一隻bearbear,好後悔~~不過我買咗件衫比亞娟heeheeheeeheeeeee
June 01, 2006
放假會怪相bb
食奶咀怪相bb
一早約咗買衫衫果個姐姐,落去換返件衫,換咗一件連身衫同,外套,跟住走去搵酷文賴屎豬,佢好大個啦,個身又長咗,塊面又圓咗,好肥呀!!!仲做好多古怪表情,好攪笑,你快啲大個啦!之後去咗太古城食飯,再行咗超市,買咗一野食比亞金,肥仔金,好掛住你呀!!!
