洗白白
其實,我對洗白白好講究,因為洗白白係每日最爽嘅環節,我好鍾意用身體店嘅橄欖味洗白白,好香,清新,又唔乾,好舒服~~而果支biotherm係會員優惠,所以試一試
« April 2006 | Main | June 2006 »
May 31, 2006
May 29, 2006
lunch shopping time
下午食飯時,要到灣仔做小小嘢,所以順理成章可以行街街,見到一間唔起眼嘅舖仔,啲衫原來係自己做嘅,雖然唔係太特別,但係幾啱我,有大大件嘅~買咗三件衫,一條鏈都係五百蚊~~好合理,個sales姐姐仲好好人!
好靚同好平嘅鏈,好鍾意呀~
最近嘅主打,衫裙
最鍾意呢件,好靚呀都只係$160
呢件要換呀,個手臂位著得唔係好舒服
不過還是買唔到下身,好煩惱
May 28, 2006
煮飯仔
因為昨晚小寶寶大戰到今晨8:00,所以我早過佢起身落街買餸煮飯,到咗三點幾daddy至起身~~
May 27, 2006
小寶寶的聚會
放工後返到屋企,小寶寶已經同各方好友開緊Dee聚,今晚我就可以同亞娟一路係房玩電腦,睇書,打機都無人阻我喇!!!亞妹話比我知佢同亞b影咗沖涼movie,無格仔初生男優,可以睇睇
http://www.xanga.com/home.aspx?user=kanby
May 25, 2006
韓燒
好想,好想食韓燒嘅我終於可以食到喇!!因為小寶寶要補償掉低我一個人係屋企而成全我食得咁熱氣(我覺得heeheeheehee)食到好飽好飽~~行街果陣小寶寶仲抽咗兩個minnie比我呀!!不過最後我係想要著白兔仔衫果個,好可愛呀!!!!!!!!!!!!!!!
May 24, 2006
買書
返晏早上去咗銅鑼灣買我想買嘅書,終於返咗喇!!是<541的上班日記>又係好好笑架!!!又買咗本新書<達令是外國人>不過就係漫畫,但係係日本人寫嘅,所以有信心地買咗,最近都較喜愛買日本作者所寫嘅書...可能我是祟日啦!!不過看了那些圖畫書,有字又有圖畫嘅書,人都開心咗!!!最近好有書卷味,買咗好多書睇,不同類型都有!!令我想起-------香港有一間誠品就好喇!!很喜歡誠品裡的氣氛,人人都很有書卷味,不過想起台灣人就會覺得他們特別有書卷味,因為那裡有大大少少的書店,不過像那麼吸引的,都只有誠品,但是原來誠品,不是我們想像中咁好生意,原來都是由政府補貼,有這樣的政府真是幸福呀~~素做了一個咁有書卷味的特色!!!!!!
May 22, 2006
下大雨的一天
早上攪晒自己嘅嘢,去咗銀行排咗個幾鐘隊,我都走去抽一手,多得我朋友仔嘅幫忙,我真係好多謝佢呀!!跟住去咗同亞娟攞禮物,今個月個禮物好靚架!!!
晚上去咗灣仔同daddy食新加坡嘢,唔多選擇,ok,不過好似茶餐廳!!食完行咗一陣街就返屋企喇~
May 20, 2006
雅鳥@bird
開雅鳥這個blog只係唔想我去睇我朋友嘅blog時,成日叫我log-in,好煩,不過佢嘅圖畫又幾可愛喎!!不過我諗我未必會係果度寫blog,我唔係太喜歡散修修,一個有晒我嘅嘢就夠喇,而且我用緊果個都好特別呀,又靚!!
本人有三個blog...
最初係now.com開的
http://hompy.netvigator.com/main/page/biediecheung
現在這個是朋友仔magmag開的
http://www.amelietailor.com/birdie/
為了不被打擾而開的雅鳥@bird
http://hk.myblog.yahoo.com/birdie_beams/
May 19, 2006
露比
無咩試過同露比影相,因為好怕整見花佢,心血來潮想同佢影相,可能是森森效應吧,因為佢係森森送的,見佢著得咁靚,就同佢一齊返工啦!!係會所影咗幾張相,天氣好好喔~~
對面就係bb仔住果度喇,say hi 啦~
May 18, 2006
天晴
雨過後還是會天晴的----------------喜歡藍色的天空呀~
May 17, 2006
to:森森
森森,係還是留下吧~~
以前沒有選擇,現在都不會再想選過其他,只是.我對我的決定不能後悔,只好勇敢面對吧!!
謝謝你的好意了!!!!!!
May 16, 2006
珍珠
come on a pearl.......我想放假呀!!唔該~~
May 15, 2006
返八日工的第一天
早上去咗sogo摷嘢,wacol又係sogo平賣,不過今次只係買咗一個bra,幾條褲仔,一心諗住去買褲仔,不過好貴,平均都要六,七拾蚊,話明特價,梗係要買平架啦!!再去十蚊城幫表姐買玻璃樽,自己就買咗一大袋嘢食,仲買咗一條金魚毛巾仔,好可愛呀~~
May 13, 2006
是日休假
今日係返八日工前的最後一天休假,特別疲,!!所以,原本我朝早十點幾起咗身,不過,返瞓多一陣就三點至起身!!跟住就去咗老表到攞姜醋,亞b又重咗喇!!個頭仲好似褔頭咁圓,下午就返咗屋企,拖地,洗衫,煲湯,跟住睇埋電車男,就沖涼喇!!因為,小寶寶夜晚約咗人去街,我就自己一個人係屋企,唔緊要啦,我都唔想去,!!
好靚嘅melody抔,住客優惠打折後$14.7
$10城正嘢,仲買咗一個比老表呀!!
這星期的戰利品!!
May 12, 2006
shift AB day 2
聽到鬧鍾響,好唔想起身呀!! 不過,都係要起身架啦!!又返工喇,好悶,下星期仲要返8 日工...好唔開心囉!!我決定咗今日唔做嘢喇!!因為我好疲呀!!今日同金金返工玩咗一陣啦!!好眼瞓.ZZzzzzzzzZZZZZZZZzzzzzz
May 11, 2006
shift AB day 1
連續兩天返AB,嗌晒求命,因為有event做我又要返早,如果唔係佢,我係返晏架!!! 熱死人,行死人,做死人,做到有啲反胃呀!!勁唔舒服!!唔係因為啲電話線問題,我就唔駛行兩次啦!!
返到去仲勁多嘢做呀!!
做到個人勁呆!!
May 10, 2006
忙碌酷熱的一天
一早就去換智能id,唉,仲比我攪錯咗,去咗灣仔政府大樓換,去到個姐姐話係係銅鑼灣攞嘅,幾驚比小寶寶鬧呀!!好彩.無啫..咁就好快咁碌返落去換啦,好快呀!!!過兩星期就有得攞喇!!
跟住去咗10蚊城行咗一陣,買咗幾個玻璃瓶打包老表啲姜醋,再碌返屋企休息一陣,再碌落mk同個買家交收,再會亞呆tea傾我未來財政嘅發展!!
再返去灣仔食有錢人悶死飯局.....好悶!!!!無晒胃口!!!係食飯前係灣仔行咗個圈,daddy買咗件tee,我就買咗條for 手電嘅usb,以後可以用電話send返啲相出來喇heeeheeeheheheheheheeehee
之前影落嘅相,質素唔錯呀~~
仲買咗條牛王比亞娟,slim到勁似dior homme
May 09, 2006
新造型
扎咗條邊返工,同事話我個樣即刻精神晒,仲細個咗,不過比人話我係大面人>>>>>>>>>>>>>唔開心呀!!
May 08, 2006
%$@%&#$^
放工後精神好咗,返到屋企洗衫再陪小寶寶打機...就係咁,過咗一晚
May 07, 2006
是日宜理髮
中午,去咗游水,好在太陽伯伯唔係好落力開工,唔駛晒死我!!跟住同daddy去咗食嘢,行咗超市,就返屋企染頭髮同埋剪,因為星期三去攞智能id喇,所以要整靚靚啦!!之前拉直咗一路都覺得個頭勁土,今日好好多喇!!
May 06, 2006
心情好了
經過我連日黑面,情緒低落後,我今天開始好咗少少,因為我多嘢做到不得了!!反而令我忘記咗我要顧慮嘅嘢!!亦有可能是西比的水晶嘅功效,不過,老實講,每次我情緒唔好,帶咗效果真係好啲.因為我都有一段日子無帶過喇!!呢兩日帶返我覺得身心都平靜咗~~小寶寶見我唔開心,佢今日走咗去板前買嘢比我食,不過始終我仲有漫長嘅日子要捱呢!見佢呢兩日比我精神折磨得就死,佢仲係唔明我要求,咁,算了,始終我唔想每每開口講我要點,因為我想係你會了解我嘅要求,知道我嘅需要!!
May 05, 2006
無言
由尋晚開始,我同佢就無咩嘢講,我知佢好努力咁逗我開心,到咗夜晚佢再問我,想我會開心,我真係做唔到,不過除咗我唔開心之外,我仲好想你知道,我好重視你重唔重視我,不過實驗証明咗係某一方面我唔被重視,而且我覺得你對呢件事有啲反感,因為,我以為兩個人一齊係可以分擔,不過原來只有我一個人去面對,原本,我只需要一句說話,少許物質上的支持,不過到了這個階段,你仲唔明白,我想需要嘅嘢,但係,到咗宜家,你再賜我這種欣慰,算了,我受不了!!!!!!!!!!!!!!!!!!(這個無形的傷害,比你狠狠的傷害我,更痛)
May 04, 2006
很心傷
持續幾天都係唔開心,因為.我真係唔開心到頂點,咁大個女都未試過咁唔開心.更加未試過咁擔心!!好喇,今日終於解決咗一部分,不過,我唔開心嘅係,我連身邊嘅人都對我嘅問題無反應,我開口講我宜家嘅情況,但係,佢一句都無打算協助我處理問題,我覺得好心淡........
May 02, 2006
返錯更
我一路都以為我今日返早,因為尋日亞馨打比我交帶早上要做嘅嘢...不過我返到公司見到有啲唔對路,睇下roster.....吓~~~~~咩話,原來我今日唔係返早架!!!!呀~~~~亞馨你攪錯咗喇!!!!害我要返兩日早!!!!我好唔開心,好唔開心....好唔開心,,......真係好唔開心...........唔係因為呢件事......因為我真的係好唔開心,我真係真係好唔開心!!!!!!!!!!!!!我整親隻手之後就好唔開心,喊到七彩,你可唔可以唔好再係咁,可唔可以體諒下我,幫下我,我真係過我好辛苦,!!!!!!!!!!!!!!!!!!!!!!!你完全都無理過我隻手有無事........我寧願你永遠都醉啦,起碼對我好十萬倍!!
May 01, 2006
黑社會---貳
原班人碼,同一地點apm睇第二集,叫做可以啦!睇完戲去咗潮樓食宵夜...不過最攪笑係我係戲院廁所影咗相,因為很喜歡這個設計,個個廁所都有得洗埋手,好完善,好鍾意,可以慢慢化下妝都得!!
