COOKING MAMA
我要買呢個呀,好好玩嘅game,幾時出美版呢??http://www.taito.co.jp/d3/cp/cooking_mama/
« February 2006 | Main | April 2006 »
March 31, 2006
March 30, 2006
溫暖牌飯盒
係西比嘅愛心飯盒,好味,,,,,,,,,我都有年幾無愛心飯盒食喇!!食街果啲嘢,都食都我悶死~~
March 29, 2006
靜靜回家記
今日放假又得閒,想攞啲B仔衫比表姐,怕佢就生,到時亞B出世就好快唔啱,所以早啲比佢,等佢洗下先~跟住想返屋企攞書,順便係屋企食下西比的手勢~好耐無食喇!!好味呀!!係返屋企前去咗吉豬島行街街,本來係想買嘢食,不過搵唔到呀,只好去康怡店啦~仲買咗一個金魚鏡仔,好日本呀,仲有勁爆笑短褲,返到屋企,亞金就失咗控,係咁攪住我,搵我同佢玩,亞金呀~~唔好咁癲啦!!!
係返屋企前,去咗銅鑼灣買書,點知我去開果間書店,佢話搬遷清貨,所有書都有折,新書都有,我買咗3本都係$140,而高木直子,仲有一本,要下星期至有貨,咁就儲齊喇!!不過我問佢會搬去邊,佢話唔知,咁我以後去邊到買書呀!!我份人好得意,去開果間就去果間,去第二到.我就搵唔到書架喇~~可惜----
March 28, 2006
毒菌妹妹
我一向都對毒菌妹妹特別有好感,我覺得佢係最可愛嘅~~上網睇睇下bb衫,見到呢件衫,靚到爆晒燈呀!!我好鍾意呀!!仲係可愛嘅毒菌妹妹,oh,點解係要咁細件呢!!!!!!!
March 27, 2006
重遇我的童年
今日開始亞韾放大假,啤梨又放假,所以掉咗tsq個新人ivy來幫手,大家有傾有講,傾傾下....原來佢同我讀同一間小學架,細我一年,大家就係度講以前學校嘅趣事,傾咗好多嘢,回想小時候真係好天真,好可愛~~
March 26, 2006
執嘢日
因為返咗9日工嘅原故,我瞓到兩點幾,叫咗老麥外賣,一起身就執房,順手執埋啲冬天衫,準備轉季,換埋床單,執好晒,都執咗3個幾鐘,疲死我~
好整齊呀~~
March 25, 2006
捱咗9日喇
終於都返咗9日工,明天放假喇!!返到屋企好疲,好想瞓覺呀!!
March 24, 2006
返工 & 放工
呢幾日我都係返工同放工,悶爆!! 返埋明天,我就返咗9日工!!好勁!!
March 23, 2006
停咗工
最近停咗搵工,因為,好快又會有畢業生出爐,都係做住先喇,好怕同人爭嘢~不過,如果遇到好工,當然走啦!
March 22, 2006
進修
一向我嘅英文都係小型有限公司,所以好想再學下,所以上網搵啦!!同同事硏究過工聯會係最低學同最好嘅選擇,我同佢都決定,上學去,唔知點解大個咗反而學嘢容易咗heeheeeheeeeehehehhehehee
March 21, 2006
好煩
明天,又要煩一日,因為我公司電腦又轉嘢,比以前浪費,又比以前慢,又比以前煩,各位同事,又不停打我個電話,我又不停咁鬧你哋喇,又躁狂~~
March 20, 2006
發緊夢
尋晚發夢係台灣睇緊書,其實好掛住台灣呀!!可能最近經常睇台灣電視台,所以特別掛住,其實點解會咁鍾意台灣呢?!因為比大陸文明,無簡體字~而且民風唔錯,而且定居下來都唔怕溝通唔到,而且,又多嘢食,我想再去呀!如果再去,我好多嘢想買呀~~
March 19, 2006
我的雀雀
係太古城log-on用$10買到個雀雀同女孩子印仔,$10有兩個印,仲有埋印台,幾低玩呀,我以後印佢就代替我嘅簽名啦~~而太古城log-on我都要推介各位朋友去,因為係勁多平嘢賣架,而且仲係靚嘢喎,以前住係果度付近,經常都去買啲家品,因為超低呀~
March 18, 2006
新禮物
好耐之前叫daddy買白色converse比我,不過一路佢都無買,我仲以為佢唔記得咗,突然間收到新鞋仔,好靚呀,仲好有古舊feel,thx daddy!!
最喜歡爛咗果啲位
March 17, 2006
GROOVISIONS IN HK
我是它的超級fans,由細到大都比佢可愛的面孔吸引住,到大個咗,有錢買佢啲products,比佢攪到我第一輪破產,今次來的展覽,無論如何都要死去睇一次!! 4/4 to 23/4,一定有一日放假啦!!!
March 16, 2006
休養一天
因為將會連返9日工的關係,係屋企靜心休養一天,所以成日係張床到,上網,食嘢,睇vcd,都唔想落床,不過夜晚要出街食飯,所以要落床喇,不過那些有錢人飯局,我真係覺得悶死!!!!
March 15, 2006
thanks~~
又係返工放工約朋友食飯,不過今日有幾個朋友打比我問候我"不安"一事,首先係我----金蘭姊妹jamie,--仲有好多個呀,好多謝你哋嘅關心呀.我哋無事喇!!
March 14, 2006
唔返工可以嗎
其實,我唔係唔鍾意我份工,只不過我唔想咁夜放工,有時返到屋企,轉個圈都12:00,又要瞓喇!!自己有時想睇下雜誌,做個mask都唔得,都無時間!!好似今日做appraise我亞老細問我有無嘢同佢講,我都話無嘢喇,都唔想講嘢!!有咩好講啫,又叫我進修下,點學嘢呀,返咁嘅時間!激氣~有時唔啱數,又夜喇,好似今日又差唔多11:00走人!!好慘,仲要返9日工,先再有假放!!又殘喇!!
March 13, 2006
scound-in後
約咗3:00再in,不過又係見完---------等----------囉!!我仲以為佢請硬我~~唉,仲以為我明天可以辭職!!本來,諗住見完去買嘢比sa姐食,不過,好落幕,所以唔記得咗!!係街行咗好耐,都買唔到嘢,最後買咗件$10嘅衫,上次我同表姐係花園街買都要$39,家下來$10,想死咩!!仲要綠色呀~~
心情唔好下,買咗嘢比亞娟~~豪呀!!
March 12, 2006
不安
尋晚,小寶寶又去咗飲酒,又係唔天光都唔返,又係醉咗,不過今次唔係太過醉都仲清醒!!!!不過,我就激到死,我唔介意佢去玩,又唔介意佢去飲酒!!不過...我個心就有啲不安!!其實一路我都唔管佢去邊,只有佢管我,咁..唔係太公平啫!!我大概3:00,到打過比佢,無聽,瞓覺中再6:00再打比佢,佢聽喇!!話返緊來,我就收咗佢線,跟住我特登鎖咗門,咁佢就要瞓廳,不過唔好彩,我去完廁所唔記得鎖返,比佢有機可乘.........好喇!!!算喇.... 第二朝我唔知做咩走去睇佢個電話,見到佢差不多2:50打過電話,有名嘅,jenny.....我哋身邊嘅朋友,都無一個叫jenny....唔同..真係唔敢諗落去,jenny當然係女仔啦!!不過咩關係我唔清楚,不過我都無出聲,又無咩反應,可能都預咗!!其實我之後都諗咗唔少嘢!!我諗會唔會案件重演,又想,我問唔問好呢,不過問都係多餘,如果佢答無,自己又唔信,又可能製造一個機會比佢講大話,咁唔問好過喇!!如果案件重演,我好唔好搬,??我好唔好再check佢電話呢!!當然我會再睇下,不過,有又點,無又點呢!!!
簡介一下我同小寶寶的認識-----我本來係佢嘅客人,佢係同我整頭髮的,無耐大家相約咗去唱k,大概2-3星期開始傾電話,佢有不停咁打比我,但開始時我都只係當佢係普通朋友傾下電話,不過,係有一日我還係我以前男朋友到,好夜,佢飲咗酒,打比我向我表明心意,當時我對佢係無任何感情,不過久而久之.我對佢產生咗感情,我知道係我未清楚知道我對佢點時,我要同佢唔好來往咁多,當時我有一個四年多的男朋友,當然我唔想傷害佢,我寧願小寶寶受傷,不過,係不知不覺間我做了罪人,我選擇了跟小寶寶走,放棄了我一直以為可以到老的感情,經過一輪糾纏後,小寶寶亦同佢女朋友分手,從此我同佢就開始新嘅生活!!!
如果案件重演的話,我可以接受到,不過..我比較唔甘心~~~~~~~~~
March 11, 2006
護膚品
關於我嘅護膚品離不開biotherm & laura mercier, boitherm已經用咗好耐,好適合我,又勁補濕! 而laura mercier我通常都係買化妝品多,又好用,又自然,今次買咗,佢嘅base,又可護膚,又可當濕粉用,改善晒所有唔好嘅臉色!!
March 10, 2006
又scound-in喇
星期一,見一份工,跟住再secound in一間公司,我聽佢嘅語氣,係會請我,不過,一定要付合我要求嘅價錢至做,梗係啦,要過海喎!!又會用多咗錢!!其實我幾想做呢份工,希望ok啦!!我同事仲叫我去黃大仙求一求神~haahaaahaaa
不過,我覺得,得就得,唔得就算了~~抱住這種態度會開心啲,唔駛太緊張喇!!
March 09, 2006
娟娟gallery
其實想同啲囡影相好耐,因為好耐無影過相,今日放假就同亞娟去影咗啲相,都唔錯呀!!越來越有進步喇!!
March 08, 2006
好濕呀~~
天氣又潮濕,又"立",好唔鍾意,買咗幾包吸濕嘢放係櫃到,隔咗一晚,好多都變咗啫喱喇!!咁,唔得架喎!!
March 07, 2006
2#馬莎
去到又係玩遊戲,答問題,又要角色扮演......不過.唔係即刻可以知請唔請你,係要到禮拜尾至通知!!不過好就好在識咗一齊見工果3個女仔!!大家.原來都係好想轉工嘅,,大家仲好似好friend咁傾咗好耐,好開心呀!!!!
March 06, 2006
幸福的小朋友
又買咗衫衫比皓程寶寶,又係麵包超人,我覺得小朋友著佢啲衫可愛到不得了!!$100for2,另一件送咗比朋友就出世的囡囡,雖然大件咗,不過,可以留返大啲著呀!!好可愛呀!!宜家啲小朋友真係多靚衫呀!!!我會再去買架咁平!
嘩,好靚仔嘅細菌小子呀~~
毒菌妹妹----用細菌小子的語氣
March 05, 2006
小丸子
收到朋友的e-mail,小丸子拍成電視劇,好想睇呀!!自小都已經好喜歡佢,讀書時日日都趕返屋企睇,睇埋個網發現佢的十分可愛!!
http://wwwz.fujitv.co.jp/maruchan/class.html
March 04, 2006
一份好工
早上見了一份唔錯的工,人工ok,寫字樓工,放紅假,星期六仲要有長短週,遇著有promotion時要出去鋪幫手,其實見工嘅氣氛都好好,佢都話我ok,不過要等老闆睇睇至得!!但係,佢唔可以等我太耐,月尾等唔到,要我月中返工!!咁...我咪要陪錢比公司,真係人生交叉點!我當然唔想陪錢啦,但如果佢請,我去的話,以我嘅經濟環境,我係唔夠駛的..真係唔知點!!
March 03, 2006
壞咗??
啱啱一路上網,盞燈熄咗,以為燈膽燒咗,換咗之後又開唔返,燈呀燈你唔好壞呀!!我好鍾意你架!!唔係就要返大陸買喇.再唔係要係香港捱貴燈...如果壞咗,daddy又會唔埋佢,又唔知幾時至有光呢!!!
March 02, 2006
又返工
我呢幾日都唔想返工,因為悶到爆.又無心機做嘢,其實,都幾唔捨得呢份工,皆因呢份工自由度高,又無枉管!!不過,唔知可以捱到幾時呢!!
March 01, 2006
見工日
今日,見咗兩份工,本來係四份,不過,見第二份時阻咗我好多時間,所以見得兩份,其實覺得自己都唔係好得,宜家見工,又要testing,又要玩心理測驗,都唔知點咁!!其實平時覺得自己ok,過得去,但係宜家同我以前見工,好唔同,宜家,啲老闆同公司,幾千蚊,又要你識呢樣,又要識果樣,真係搵笨!!好似我今日見kelly賣廣告果間金鋪,一個cashier,返8:30-6:00.每月4天假,不過要分8日放,即係無假放,只係,返half day....仲只得7k.死架咩!!咁即係唔駛放假!!眼見一個發音唔香港的女子係到做嘢,心想,你都只係請到呢啲or學生啫!!!!!同個個人講,個個都話做唔過,daddy就話好工or自己鍾意嘅,要慢慢搵!!!希望,快啲到啦~~