白老鼠--十小姐
星期日同十小姐換咗紅色眼,daddy話佢勁恐怖,不過我覺得佢靚喎!!車~~唔靚咪再換過囉~!今天,帶咗佢返工,有一個男同事無錯係--男同事,對佢愛不釋手,到夜啲佢問我--一個BB幾多錢呀? 我望住佢"O"咗,再答,我唔借肚架喎!!! 佢就怕羞咁話-我想要一個blythe呀!! 我話哦!! 嚇死呀~~
« January 2006 | Main | March 2006 »
February 28, 2006
February 27, 2006
搵工..搵工..搵工..
呢排不停咁搵工,呢幾日仲有幾份工見,好忙!!想快啲轉到工,不過.急又唔急得!!不過我好努力喇!!咁,大個女都未試過咁積極架~~
February 26, 2006
仲搵唔到你
雅0----blog,keekekeekeekeeekeekeekkee----------http://www.xanga.com/ngao_smile
係茄牙的blog找到架!!!!!!!!!
February 25, 2006
新小朋友
返工前到灣仔買新出嘅小朋友,好可愛呀,兩個都好靚,之前幾驚賣晒呀,不過仲有!!!!!
再係附近行咗一陣,無意中比我發現到有一間精品店係街市裡面,仲買咗唔少嘢,青蛙果個係買比大肚嘅肥璇呀~~
February 24, 2006
節奏慢啲啦
返工又趕,做嘢又趕,放工又急,可唔可以唔好咁趕咁急呢!!比啲休閒啲嘅生活我啦,,.................
February 23, 2006
充實的一天
倒塔咁早.9:30到天后見工,再約表姐,到花園街,十年都無行過喇,今日係同表姐去買bb衫,又平又靚,bb仔都成日係屋企,唔出街都唔需要買咁貴啦!我本來諗花園街,我都無咩嘢會啱,不過都買咗三件衫,兩條褲,都係平價的!!好開心呀!!
晚上同daddy食完飯到吉豬島,又買咗兩件特平靚靚衫衫比皓程寶寶!!只係$19hehehehheheheheheheheee
February 22, 2006
同事的手信
同事從日本買來的手信,佢話係雀仔,所以買比我,係咩,係雀咩??我覺得似鴨多啲!!
February 21, 2006
拉麵篇
晚上,美食團團友去食新開的拉麵店,好美味呀~~店員又不停的說著流利的日文,客人有70%都是日本人,好像置身日本一樣,要同mie去食呀,!!!!!!
February 20, 2006
還未
其實有啲擔心,遞咗信後,搵唔到工,所以都係搵到工至走喇!!所謂***騎牛搵馬***都係唔好冒險喇~~不過信就一早準備好喇!!收到路透社消息,我這個部門可能,有可能會被斬,咁,等唔等炒好呢??唔係,咪唔抵!!!
February 19, 2006
放假的第二天
因為我亞姐有事,所以,同我掉咗假,令我有得放個孖days~放兩天假,好像同工作分開很遠,但明天又會再見,真係悶~~今日daddy同我電咗髮,尋晚又拉直咗,個樣勁土,好在今天電返啫!!整天都係係屋企休息,好舒服呢!可以休息多兩日就好喇!!夜晚食咗一大杯雪糕,至記得尋日出街前,件件衫都唔啱著,驚覺自己已經肥到...........我都唔敢再講,我都係時候要瘦返啲喇!!
February 18, 2006
心情好像好了
是日休假,去了找sa姐,同雅0,十分喜歡同佢哋嘻嘻哈哈又一天,好開心,放假我心情真係好了,現在正努力搵工,我要離開這個令我唔開心的地方~~今天認識了一位很可愛的b媽,很希望下次可以再見,亦在mag-blog找到這位可愛朋友的blog---agnes!!
到無印買了一件靚靚我衫衫,又偶然間買了一件ok的tee~
買mini送我ape像筋,都唔錯呀,一次過送三條!
February 17, 2006
這個世界仍在轉
公司又要轉變喇!!!其實我都係好容易習慣嘅人,不過唔知點解公司變硬係唔慣-----今日係公司打咗辭職信喇,不過未比老闆住,下星期先啦,因為,我下星期見埋工睇下點先~~~~~~
February 16, 2006
見工
一早去咗sogo見工,要兩星期後second in,唔知得唔得呢??唔知好唔好辭咗工先呢?!!好多嘢諗呀!!不過,好想離開呢個鬼地方!!
February 15, 2006
又執平嘢
因為工作關係又執到好嘢,好靚呀,原價$1300,散貨價咗$260,幾抵玩~~
唔駛咁大霧啫,好濕呀,勁唔爽呀~
February 14, 2006
happy valentine's day
這天是一個很溫馨的日子o~~不過我同小寶寶無出街慶祝,我只係整咗幾樣嘢比佢食,不過我有啲耐久.因為daddy送咗件undercover tee比我.而我咩都無買到~thx...hohohohohohohoho
February 13, 2006
情尋節
今季情尋節,我係無打算送禮物比小寶寶的,因為想到頭大,都唔知買咩~~所以小寶寶要求我又煮飯~~我諗我煮啲嘢,應該唔錯,佢經常要我煮飯嘅~!?本來一早打算訂醫神的唱唱會做禮,不過只怪我忙到甩碌.....唔記得咗.最後再加開都訂唔到,不過問過佢,原來佢興趣不大..哦!!!!好彩!!!!
February 12, 2006
比份工我
今日返工好唔開心..........我亞姐又癲~~有時真係唔做走咗好過,大家都係做果啲嘢啫,我都唔明點解佢要咁火~~唉,真係命苦,有時我覺得,大家快手快腳做,總好過發癲.咁會,好好多~~已經做得好唔開心,仲要咁~~越來越唔留戀呢度!!好想走呀--事但搵份做住先仲好,各位朋友唔該幫幫手!!!!!!!!!!!!!!!!!!!!!!
返到屋企見到亞娟咁靚嘅@@先開心啲
February 11, 2006
新菜
試下蒜蓉蒸蝦,好味道,daddy仲讚我整得好味~~
February 10, 2006
皮膚好差~~
係工作嘅時間去咗化妝部玩,係到勁試煙脂,最後係B.B買咗一個粉紅色的,仲買咗指甲油,好閃呀~~玩完後同相熟的化妝姐姐話我皮膚差咗好多,以前好鬼靚,佢就教我點護膚,又叫我唔好咁懶!!不過我真係無時間呀!又叫我唔好只係用煙脂,要用嘢打底,因為煙脂我感光到高,好容易出班班,好驚呀,不過好同事比咗個打底我試,佢話好好用,試咗先買~~
今日同亞喜返工,佢都好多同事鍾意,不過比起亞娟,距離好遠~~~~亞娟永遠都係第一hohohohohhoho
February 09, 2006
我要買
佢同埋佢
兩個都好可愛呀~
February 08, 2006
失手
其實今日係要返屋企,不過,daddy要做嘢,夜咗放工,所以最後都無返到,一心想去攞我訂咗嘅迪迪尼嘢~不過,好失望,一係訂錯,一係未訂到~~好唔開心!! 再去咗朋友到攞嘢,不過佢整唔見咗我啲嘢,激死我!!我仲衰,仲幫親佢買咗條裙.哈~~~~哈~~~~~不過好靚,著咗高根鞋仲靚~~諗住唔買嘢,失咗手呀~~~~
February 07, 2006
我愛林狗
尋晚約咗朋友食飯,途經cd舗,本身係買孫燕芝,見到亞jan,仲有,仲有喎,唔係炒緊咩?? 好想買林海峰的talk show,買到喇,$198----貴咗,不過,唔緊要,我愛佢,所以我買,今晚即睇.............好睇到極!!!!!!
February 06, 2006
個心~唔係好舒服
開始同小寶寶無嘢講,佢又唔滿意我,我又唔滿意佢,有時真係分手算了,起碼唔駛大家一齊好似無意思咁!!佢有時真係迫得我太緊...........可能,我都有令佢唔開心,有壓力,不過,...............還是................都唔知點講---就好似,大家一齊生活,係同一空間,但是係兩個世界,就係咁簡單!!!!!!!有朋友話,可能我工作太夜,無時間陪佢!!其實,都唔知係唔係,以前真係好好多,不過,我為咗佢轉工好唔好呢!!!但係咁樣我同佢會好啲咩??真係好煩~~
February 05, 2006
新金金
好耐無同daddy一齊放假,下午去了食tea,再行去undercover,不過門口個sales激嬲咗daddy,佢無入,得我入,無嘢睇,不過見到大寶呀,佢真人都唔係好肥呀~~呀,點解會激嬲咗daddy呢,話說,我地尾隨大寶入去,個sales就係咁關門,最後先同我地講有人數限制,咁我入時,你就出聲啦,係咁關門,攪到我吞後撞到daddy,daddy就唔鍾意囉~~daddy就話內裡得三,四個人,去LV都唔駛咁啦!!
跟住行返屋企,係商場買咗$64的金金...
hahahahhahahahhahahaha
February 02, 2006
童年的回憶
同表姐行街,飲茶,再去佢屋企玩,佢比咗啲嘢我睇,是我小時侯穿過的衫衫,好可愛,已傳咗好多代,還如新的一樣,這樣的二手衫,很有價值~~
