狗年第一激
難得,我可以咁早返屋企,比daddy激到我死,已經成日都留係屋企,大家都有共識今晚食咩,咁好啦,我返到屋企佢咩都無準備過,就瞓咗係梳化,咁,唔駛你煮,你都幫幫手啦,我放咗工都唔想郁啦!!跟住就好似發脾氣咁衝咗去廚房煮晒啲嘢,我唔係要你煮晒呀,可以洗下菜都得,我想見到你做少少嘢啫,唔過份呀,平時啲嘢都係我做晒啦,洗衫..執嘢..咩都係我啦,有時又叫我咁....我都照做啦!!我好過份咩??我要求好高咩??跟住,我都無理佢,走咗入房,佢煮好咗就叫我食,果時.我已經嬲到無晒胃口,我死都話唔食!!但係,其實我好肚餓,不過算了,當減肥啦!!!之後整晚大家都無講過一句嘢................