abe

今日好白痴出荃灣報關．一直以為荃豐中心就係南豐中心，去到發覺荃豐係無１０樓，跟住又以為城市中心係南豐中心，上到去１０樓，居然無４７號室激死我．我其實就係南豐中心下車咋激死我．之后去到ｓｓｐ都成５點半．點解對唔岩隻花邊．好ｕｐｓａｄ．跟住去ｍｋ拎野

心情不佳，諗住立即回家，點知比我發現一間賣１００％全日本ｚａｋｋａ貨　＆　少量ｔｅｅ的店舖．點解我咁肯定佢係賣１００％全日本，因佢門口個ｏ急同我岩岩拉住個ｏ急一樣．係我朋友係日本入貨既．

＊＊終於買到岩心水既布袋同花花袋夏天用＊＊
Rootote website : http://www.superplanning.co.jp/rootote/

佢仲有好多日本環保袋都好抵．真係勁想買

＊＊仲有買左２件ｔｅｅ同迷彩手巾＊＊

買左咁多野．都唔係用左好多錢．我同個老闆講佢ｄ價ｍａｒｋ得咁低．之后同佢傾開．原來佢以前係做日本買手做左多耐．專同ｄ　ｈｋ店入日本貨．唔怪得佢ｄ野　ｍａｒｋ得咁低價．可能有路數去入貨．
同佢傾左２０分鐘. 比起以前我點會同人講咁多野．我諗我遲ｄ會再去

***maggie 有ｄ袋好vintage, good for 奶粉袋，hurry back HK la, i go with you***

Posted by abe at 10:41 PM | Permalink | Comments (5)

如果我無記錯..好似好多個sunday 都係rainy day, 今日起身睇cable tv 睇左成幾粒鐘就出發找亞b.好彩行快幾步.個天黑得好快仲扯起大風.好恐怖

之后全日都係室內睇vcd同食零食..開始睇惡魔在身邊.....勁low b

出去食完飯..亞b 就出左去朋友度拎野.點知回來帶左一隻狗仔番黎.佢話係佢朋友既狗仔.得2個月大.佢受左傷仲好dirty 咁佢就拎番黎俾aunty 療傷.佢無名架..我叫左佢做BB (又會同人地隻狗改名)..亞B 話係金毛..但Aunty 話係雜種狗仔..

但佢太痴人..成晚要望到人先訓得著..見唔到我地就勁嘈..最后亞b 拎埋佢入房.仲要亞b個樣俾佢見到同hold 住佢隻手佢先訓.又唔可以熄燈..激死我啦

亞b 番左工放番佢入籠..佢就嘈到拆天...我8點鐘就走左去番工..我真係無亞b 咁有愛心..成晚TAKE CARE 佢到4點之后6點又番工....

Posted by abe at 02:59 PM | Permalink | Comments (2)

今日起身就預備去Babiesss Gathering, 睇相就睇得多...今日終於見到小clok..真係好鬼cute,仲好開心見到irisss & crissie..小熹琳就由頭訓覺豬訓到尾..今日夾左我送既黑超b 夾夾

@合照with laughing clok & sleeping lamlam chu

@clok touchs lamlam

@start crying

@大合照

Many thx irisss sent me back the photo

今日好開心可以見多咁BB, 其實我第一次見我既網友

之后行左陣，去埋ｕｃｃ　ｃａｆｅ食埋飯就閃啦..原來帶一個bb 出街都幾辛苦..同埋拎起一架ｂｂ車係好重架囉..開始發現hk 既商場都唔適合手推車..而小熹琳一定要架手推車一定要keep moving moving希望佢今晚唔會扭計啦

好耐無試過星期六無見亞b今日有少少upsad, 好彩聽日亞b 放假姐...

Posted by abe at 09:58 PM | Permalink | Comments (1)

yoyoyo...我個名閃閃下好勁

我都唔知做咩架..都幾無聊...

I got my name in lights with notcelebrity.co.uk

Posted by abe at 05:49 PM | Permalink | Comments (4)

今日係彿誕假期, 10點幾起身同mommy, 家姐, 妹去食早餐, 食飽飽都成12點幾, 我就去屯門等埋亞b 就出發去天水圍有叉用bbq..今日目的係同auntie補祝母親節既
今日天氣好好仲好熱tim..咁多間燒烤場,我就覺得有叉用既食物係very good 架

聰聰B 都有黎..仲有唔夠一個月就一歲囉.依家出左幾隻牙仔仲識得叫mama, baba, 姐姐




@佢食番薯既樣好搞笑.

之後回家沖了涼就出去睇3個鐘既加勒比海盜：魔盜王終極之戰

除左中段有d 悶, 其他都ok..無上集咁好睇..Johnny Depp 依然very good

睇完戲成九點幾, 即出去mk 買少少野就去尖尖食米線, 之后就上左去間plug 度飲野..係呀..好少可..好耐都無去哩d 地方, 原因係我們其中一個朋友明天要去杜拜工作一年..同佢farewell
臨走個陣..我同亞b 都同佢講自己係出面做野要小心同一路順風, 仲有亞b 同佢講好唔捨得仲擁抱, 搞到我好touching, 杜拜話近唔近..不過佢出去做野, 短時間都唔會回來..anyways, all the best and wishes to Lee Hong Yee

@ -___________- 'sss mama

Posted by abe at 01:01 PM | Permalink | Comments (2)

我入左２款，最左同最右

我入的尺寸 : 歐碼37, 即日碼 23.5 (腳長23.5cm 腳寬9cm)

Price : HKD188

有興趣俾我mail 我丫：abe@oztee.com

Posted by abe at 06:36 PM | Permalink | Comments (2)

今日下午就去左長沙灣搞報關，之后去左ｓｓｐ，今日無啦啦天氣好熱，我一個人拎住６０幾碼布＋百幾碼花邊周圍行，因要買埋ｄ鈕，花邊先一次過速遞上去，所以拎到手都痛．番到屋企，見到隻手好多條痕，下次都係拎架車仔囉....

今日好辛苦好累, 不過我好成功講散剪價,講到口水都乾...endup 真係好成功...

行行下..眼尾見到好荀既野..對鞋..記得有個商場買300幾蚊..哩度批發..斷碼只係60蚊咋...

勁開心...不過唔知我買左會唔會著姐...

Posted by abe at 01:41 PM | Permalink | Comments (1)

我對日本雨靴終於都收到貨啦~

我諗仲有幾日大雨卦..時間岩岩好囉..超靚..hhhahhaahha

我會叫左朋友幫我買多幾對寄回來....你地有無興趣想訂?

Posted by abe at 06:06 PM | Permalink | Comments (6)

哩個大陸business trip...有驚有險..除了忙忙忙忙累累累累累之外

我地第2日去虎門之后..遇到車禍..原來車禍發生果一刻係諗唔到野既.只係心入面諗左句野"到啦..要撞", 之后聽到"BOOM" "BOOM"..再望向右手面..見到架車撞埋黎...撞左係亞根果邊

TOUCHWOOODDD.成車人同貨都無事...撞到隻門係咁狂'的'水..因為果時超大雨................

原來係大6撞車都幾麻煩...搞到成十點.......REALLY THANKS GOD

****我知亞妹有睇我個blog..千萬不要同媽咪講..費時佢擔心****

Posted by abe at 11:47 PM | Permalink | Comments (2)

今日在郵局有不合理對待..令我十分不滿..我一回公司就寫了一篇投訴信去郵政局..(詳細信件見下面, 真的好長好長, 應有好多錯別字)

之後同亞b講..佢話我唔應該咁做..係要立即報警(要唔要咁跨張)..

之後四點零..個間郵局既局長打俾我.向我道歉一大輪仲講左好多野

今次佢地算係最快回覆我.一日就回覆我.因之前check 郵件..覆我要2個月先check 度..fuxxxk

唉..政府部門..都係你包庇我..我包庇你.......fuxxxxk

20070504

致 : 香港郵政局投訴組

c.c. : xxxxx(郵局名)郵政局局長

投訴xxxxx(郵局名)郵政局職員

本人於五月十四日早上九點零五分至十五分期間, 在xxxxx(郵局名)郵政局投寄3份掛號空郵, 本人已輪隊購買了郵票, 而貴郵局職員叫我貼好郵票便行回此櫃窗將郵件交回給他, 並不需要再輪隊. 本人已自行填了郵局bulk 紙, 以便郵局職員快速收件. 當我行至櫃窗, 後面約有10多市民正在輪隊購買郵票, 而當我將郵件交給貴局職員期間, 後面有一位約60多歲身高比我高出1個頭男人向本人說, 本人’打尖’, ‘無規矩’等說話, 當時我即刻叫正在處理我郵件的職員向他解釋為何我不用再輪隊, 但貴局職員沒有回應我, 而那位男人突然用手上的郵件拍打我手臂, 當時我再要求貴局職員向那位男士解釋, 但貴局職員再次沒有回應我, 只將bulk 紙交回給我, 一句說話都沒有說, 而我身後的男士以及輪隊的市民大約有10多人不停高呼 “打尖’, ‘無規矩’等說話, 因他們都比本人高及身型比本人大, 我只是一位瘦弱的女子, 本人當時十分害怕, 我便急急離去.

本人對貴局職員處理方式有強烈不滿 :

1. 貴局職員並沒有掛上姓名牌, 因此我無法得知佢姓名, 他身高約有5呎9寸, 帶有眼鏡, 身型較為肥胖, 頭髮右面分界, 當時他是處理由右手面數起,第3個櫃窗, 當時只有他一人在售賣郵票

2. 本人被市民鬧時, 我並沒有回應那位男士咒罵, 本人並不會大呼小叫罵那男士而令到貴局秩序混亂, 只希望息事寧人

3. 本人已立刻向貴局職員求助, 有禮貌地要求他向我旁邊的男士解釋, 而我被人拍打後, 再次禮貌地要求他向我旁邊的男士解釋, 但貴局職員沒有任何舉動

4. 是否因為我是女性, 而對我的請求不加理會, 當時我感到十分無助, 受辱, 尷尬, 但貴局同事並沒有幫助, 我感到十分不滿及失望

5. 本人沒有再次輪隊, 是根據貴局職員指示的. 本人並沒有做錯

6. 本人已多次在郵局 (上水石湖墟郵政局, 深水步郵政局及屯門市中心郵政局)投寄掛號空郵都出現被輪隊的市民大呼’打尖’, 當局是否要認真檢討一下現時存在的問題, 這樣令到投寄者十分難堪及尷尬, 由於今次事件, 本人覺得較為嚴重, 所以才作出投訴

其實本人明白貴局職員並不需要對市民笑面迎人, 但本人覺得他們要有應有的禮貌及針對事件去處理, 本人今次向貴局職員二次要求並沒有受接, 加上當時環境各人咒罵聲此起彼落, 而本人又被人用郵件拍打, 但貴局職員並沒有按事實向群眾解釋, 而本人只是一名並按照貴局職員指示沒有再次輪隊的女子去承受他們的咒罵及拍打, 我感到十分受辱, 無助及危險, 其實只要貴局職員一開始解釋一句, 便不會出現問題, 真的不明白貴局職員抱著什麼態度工作, 為何可以置身事外呢 ?

本人對今次事件作出極大不滿, 要求郵政局給本人合理的解釋及事件跟進, 本人願意提供任何資料給貴局查證.

謝謝!

陳小姐

Tel : 9xxx xxxx

Posted by abe at 04:46 PM | Permalink | Comments (6)

WEEKEND 等埋亞B 收工.再JOIN 埋 Tracy 就返大6..返大6飲熹琳B 滿月..YEAHHHH..係呀..我又有得去多次

由於星期日先走..返到去maggie 間屋企..可以定住眼望實熹琳B..又可以睇埋佢沖涼.超開心



佢真係好得意..有時忍唔住係佢面前講左真話 (人地話要同bb 講反話)

maggie home 好熱鬧..有無30-40 人呢?

今次除了飲熹琳B 滿月..仲有係要去uncle 既私人會所玩.hahhahaha....不過哩個私人會所玩可以著住睡衣去玩

間k 房...好大呀....今日先趕快整埋wall 身..我諗除了個垃圾桶出賣左張相之外..我諗同出面既k 房無分別, 果投射tv...好勁..仲有免果盤免nuts免drink

仲有乒兵球 +桌球室.

我地由於留宿..我地玩到2點幾....就去sleeep..我同亞b講間客房好似酒店房..edmond 話佢訓間房感覺自己好似訓緊自己屋企個廳咁

今日玩得超開心...

Posted by abe at 02:50 PM | Permalink | Comments (2)

今日番工有ｄ　麻煩野．．搞到我好ｗｏｒｒｙd 工作好唔smooth丫...唔開心

回家將d 夏天衫搬晒出黎...點知搬晒出黎就唔想執...煩死人
房既櫃..我佔左大半..其實我摺得好好..不過好似好亂咁..唉.........

今日將d野搬晒出黎, 找番上年去蘇梅島買既2樣東東...未用過....e..好襯我昨日係zara 買既裙wor..yeah!

今日依然有d 累...........................累爆..

**今日突然好想講：如果一個男人唔愛你既時候.你點挽留點跪點求都係無用...最重要愛惜自己囉...

Posted by abe at 11:06 PM | Permalink | Comments (2)

今日勞動節．大陸廠放假，咁我都放一日假..不過亞b 今日要番工..無得一齊去玩
今日起身, 仲覺得個人好累不過又唔眼訓.哩種感覺好辛苦
今日係home 休息左大半日..仲又d 累, 晚上就出左去沙田同妍補祝生日, 係去食飯之前我一個人行左陣, 我去左zara 睇衫..點知見到一件好岩我STYLE 既衫.好鐘意laaa.不過有條白色1-piece 買晒....無得買啦~

其實我好少係zara 買野, 但今季有系列既衫好india..好colorful..我都幾鐘意

之后join 埋cb 就去左印尼餐廳等亞妍放工黎食飯

食到9點幾..我食得超飽..不過我今日有d 累..完全不在狀態...

希望妍鐘意我份小禮物啦 & happy birthday

Posted by abe at 10:55 PM | Permalink | Comments (1)